متّی 2:4 - پنجابی نواں عہد نامہ نظرثانی شدہ چھپائی

⁴ تے اوس سارے سردار کاہِناں تے قوم دے فقِیہاں نُوں اکٹّھیاں کر کے اوہناں نُوں پُچھیا۔ پئی مسِیح کِتّھے جمّے گا؟

متّی 2:4 ပူးပေါင်းရင်းမြစ်များ

متّی 13:52

اوس اوہناں نُوں آکھیا ایس کر کے ہر اِک فقِیہ جیہڑا اسمان دی بادشاہی دا شاگِرد بن گیا اے اوہ اوس گھر دے مالک وانگر اے جیہڑا اپنے خزانے وِچوں نَوِیاں تے پرانیاں شیواں کڈھ لیاؤندا اے۔

متّی 2:3

ایہہ گلّ سُن کے ہیرودیس بادشاہ گھابر گیا۔ تے سارا یرُوشلِیم اوہدے نال۔

متّی 2:5

اوہناں نیں اوہنوں آکھیا یہُودیہ دے بَیت لحم وِچ۔ کیوں جو پیغمبر دی راہِیں ایس طرح لِکھیا ہویا اے۔

متّی 21:15

پر جد سردار کاہِناں تے فقِیہاں نیں اوہناں اچرج کمّاں نُوں ویکھیا جیہڑے اوس کِیتے تے نالے ہیکل وِچ اوہناں مُنڈیاں نُوں جیہڑے اُچّی اُچّی آکھدے سن ”داؤد دے پُتر نُوں ہوشعنا۔“ تَد اوہناں نُوں غُصّہ چڑھیا۔

متّی 21:23

تے جد اوہ ہیکل وِچ آیا تے تعلِیم پیا دیندا سی تَد سردار کاہِن تے قوم دے بزُرگ اوہدے کول آئے تے آکھن لگّے۔ تُوں کیہڑے اختیار نال ایہہ کمّ کرنا ایں؟ تے کِس ایہہ اختیار تینُوں دِتّا اے؟

متّی 26:3

تَد سردار کاہِن تے قوم دے بزُرگ کائفا ناں سردار کاہِن دے وِہڑے وِچ جمع ہوئے۔

متّی 26:47

تے اوہ اجے پیا آکھدا ای سی تے ویکھو یہُوداہ جیہڑا اوہناں باراں وِچوں اِک سی آگیا تے سردار کاہِناں تے لوکاں دے بزُرگاں دے ولّوں اِک وڈّی بِھیڑ تلواراں تے ڈانگاں لے کے اوہدے نال آ پہنچی۔

متّی 27:1

جدوں دِن چڑھیا سارے سردار کاہِناں تے قوم دے بزُرگاں نیں یِسُوع دے برخلاف صلاح پَکّائی پئی اوہنوں جانوں مارن۔

متّی 7:29

کیوں جو اوہ اوہناں دے فقِیہاں وانگر نئیں سگوں اختیار والے وانگر اوہناں نُوں سِکھاؤندا سی۔

مرقس 8:31

فیر اوہ اوہناں نُوں سکھالن لگّا پئی ضرُور اے۔ پئی اِبنِ آدم بُہت دُکھ جھلّے۔ تے اوہ بزُرگاں تے سردار کاہِناں تے فقِیہاں توں رَدّ کِیتا جائے۔ تے جانوں ماریا جائے۔ تے تِنّاں دِناں پِچّھوں جی اُٹھے۔

لُوقا 20:19

تَد سردار کاہِناں تے فقِیہاں موقع لَبّھیا۔ پئی اوسے گھڑی اوہدے اُتّے ہتّھ پان۔ پر لوکاں توں ڈر دے سن کیوں جو اوہناں جان لیا پئی اوس ایہہ تمثِیل ساڈے اُتّے آکھی اے۔

لُوقا 23:10

تے سردار کاہِن تے فقِیہ کھلو کے اوہدے اُتّے زور شور نال نالش کر دے رہے۔

یُوحنّا 18:3

سو یہُوداہ سپاہیاں دی پلٹن تے سردار کاہِناں نیں فرِیسیاں ولّوں پیادے لے کے لالٹیناں تے مسالاں تے ہتّھیاراں سَنے اوتھے آیا۔

یُوحنّا 3:10

یِسُوع اوہنوں جواب دِتّا تُوں اِسرائیلیاں دا اُستاد ہو کے ایہہ گلّاں نئیں جان دا؟

یُوحنّا 7:32

فرِیسیاں سُنیا پئی لوک اوہدے مارِیاں اِنج بُڑبُڑ کر دے نیں۔ تَد فرِیسیاں تے سردار کاہِناں پیادیاں نُوں گھلّیا پئی اوہنوں پھڑ لین۔

یُوحنّا 8:3

تَد فقِیہ تے فریسی اِک زنانی نُوں لیائے جیہڑی زنا کر دیاں پَھڑی گئی سی تے اوہنوں وِچکار کھلار کے۔

اعمال 23:9

تَد بڑا رَولا پیا۔ تے فرِیسیاں ولّ دے کئی فقِیہ اُٹھے۔ تے تکرار کر کے آکھن لگّے۔ پئی ایس بندے وِچ اسی کوئی بُریائی نئیں ویکھنے آں۔ پر کِیہ عجب پئی کِسے رُوح یا فرِشتے نے اوہدے نال گلّ کِیتی ہوئے؟

اعمال 4:5

تے اگلے بَھلک اِنج ہویا پئی اوہناں دے سردار تے بزُرگ تے فقِیہ یرُوشلِیم وِچ اکٹّھے ہوئے سن۔

اعمال 6:12

تے اوہناں لوکاں تے بزُرگاں تے فقِیہاں نُوں اُبھاریا۔ تے اوہدے اُتّے چڑھ آئے۔ تے اوہنوں پھڑ کے پنچایت وِچ لے گئے۔