متّی 2:12 - پنجابی نواں عہد نامہ نظرثانی شدہ چھپائی

¹² تے سُفنے وِچ خبر پا کے پئی ہیرودیس دے کول مُڑ نا جان۔ اوہ ہوری راہ اپنے دیس نُوں مُڑ گئے۔

متّی 2:12 ပူးပေါင်းရင်းမြစ်များ

متّی 1:20

پر جد اوہ ایہناں گلّاں دی سوچ وچار کر دا سی۔ ویکھو خُداوند دے فرِشتے سُفنے وِچ اوہنوں وکھالی دے کے آکھیا۔ اَے یُوسف داؤد دے پُتر۔ تُوں اپنی بیوی مریم نُوں اپنے کول لیاؤن توں نا ڈر۔ کیوں جو جیہڑا اوہدے گربھ وِچ ہویا ایہہ پاک رُوح توں اے۔

متّی 2:13

جد اوہ ٹُر گئے سن تے ویکھو خُداوند دے فرِشتے یُوسف نُوں سُفنے وِچ وکھالی دے کے آکھیا اُٹھ مُنڈے تے اوہدی ماں نُوں نال لے تے مِصر وِچ نَسّ جا۔ تے جِنّاں چِر مَیں تینُوں نا آکھاں اوتھے ای رہو کیوں جو ہیرودیس مُنڈے نُوں لَبھّے گا پئی اوہنوں مار سُٹّے۔

متّی 2:19

جد ہیرودیس مر گیا تَد ویکھو خُداوند دے فرِشتے مِصر وِچ یُوسف نُوں سُفنے وِچ وکھالی دے کے آکھیا۔

متّی 2:22

پر جد سُنیا پئی اَرخلاؤس اپنے پئیو ہیرودیس دے تھاں یہُودیہ وِچ راج کر دا اے تَد اوتھے جان توں ڈریا پر سُفنے وِچ خبر پا کے گلِیل دے علاقے ولّ ٹُر پیا۔

متّی 27:19

تے جد اوہ عدالت دے تخت اُتّے بَیٹھا ہویا سی اوہدی بیوی اوہنوں اکھوا گھلّیا پئی تُوں اوس نیک بندے نال کُجھ واسطہ نا رکھّیں کیوں جو اَج سُفنے وِچ مَیں اوہدے سبّب بڑا دُکھ پایا اے۔

لُوقا 2:26

اوہدے اُتّے رُوحُ القُدس نے ظاہر کِیتا ہویا سی۔ پئی جد تِیکر تُوں خُداوند دے مسِیح نُوں ویکھ نا لَویں۔ تُوں مَوت نُوں نئیں ویکھیں گا۔

اعمال 10:22

اوہناں آکھیا پئی کُرنِیلِیُس صُوبیدار جیہڑا نیک تے خُدا کولوں ڈردا اے۔ تے یہُودِیاں دی ساری قوم وِچ نیک ناں اے اوہنوں اِک پاک فرِشتہ دی راہِیں حُکم مِلیا۔ پئی تینُوں اپنے گھر وِچ سَدّ لیا وے تے تَیتھوں گلّاں سُنے۔

اعمال 4:19

پر پطرس تے یُوحنّا اوہناں نُوں آکھیا۔ تُسی آپ انصاف کرو۔ پئی خُدا دے اگّے ایہہ ٹھیک اے۔ پئی اسی خُدا دی گلّ نالوں وَدّھ تُہاڈی گلّ سُنئے؟

اعمال 5:29

پر پطرس تے رسُولاں آکھیا سانُوں خُدا دا حُکم بندیاں دے حُکم نالوں وَدّھ مَنّنا چاہیدا اے۔

۱-کُرِنتھِیوں 3:19

کیوں جو دُنیا دی حِکمت خُدا دے بھانے مُورکھ اے۔ جیویں لِکھیا ہویا اے پئی اوہ سیانیاں نُوں اوہناں دی چالاکی وِچ پھسا دیندا اے۔

عِبرانیوں 11:7

اِیمان دی راہِیں نُوح نُوں اوہناں شیواں دی بابت جیہڑیاں اودُوں تِیکر نئیں سن دِسدیاں۔ ہدایت ہوئی۔ اوس خُدا کولوں ڈردِیاں اپنے ٹبّر دے بچان لئی بیڑی بنائی جِہدی راہِیں اوس دُنیا نُوں مُجرم ٹھہرایا۔ تے اوس راستبازی دا وارث ہویا جیہڑی اِیمان سیتی ہوندی اے۔

عِبرانیوں 8:5

ایہہ اسمان دِیاں شیواں دی نقل تے پرچھانویں دی سیوا کر دے نے جِیکُوں مُوسیٰ وی جد تنبُو بنان نُوں تیار سی تے اوہنوں ایہہ ہدایت ہوئی پئی ویکھ جیہڑا نمونہ پہاڑ اُتّے وکھایا گیا سی اوہدے وانگر سارِیاں شیواں بنائِیاں۔