متّی 10:2 - پنجابی نواں عہد نامہ نظرثانی شدہ چھپائی

² تے باراں رسُولاں دے نال ایہہ نیں۔ پہلا شمعُون جیہڑا پطرس اکھواؤندا اے۔ تے اندریاس اوہدا بھرا۔ زبدی دا پُتر یعقُوب تے یُوحنّا اوہدا بھرا۔

متّی 10:2 ပူးပေါင်းရင်းမြစ်များ

متّی 17:1

تے چھِئیاں دِناں پِچّھوں یِسُوع پطرس تے یعقُوب تے اوہدے بھرا یُوحنّا نُوں نال لیا۔ تے اوہناں نُوں اِک اُچّے پہاڑ اُتّے وکھری تھاں لے گیا۔

متّی 20:20

اوس ویلے زبدی دے پُتراں دی ماں اپنے پُتراں سَنے اوہدے کول آئی تے اوہدے اگّے اِک عرض کِیتی۔

متّی 26:37

تے پطرس تے زبدی دے دوہاں پُتراں نُوں نال لے کے اوہ دُکھی تے بُہت غمگِین ہون لگّا۔

متّی 4:18

تے گلِیل دے سمُندر دے کنڈھے پِھردیاں ہویاں اوس دو بھراواں نُوں اِک شمعُون جیہڑا پطرس اکھواؤندا ایہہ تے اوہدے بھرا اندریاس نُوں سمُندر وِچ جال پاندیاں ویکھیا۔ کیوں جو اوہ مچھّیاں پھڑن والے سن۔

متّی 4:21

تے اوتھوں اگّے وَدّھ کے اوس ہور دو بھراواں نُوں زبدی دے پُتر یعقُوب تے اوہدے بھرا یُوحنّا نُوں ویکھیا پئی اوہ بیڑی وِچ اپنے پئیو زبدی دے نال اپنیاں جالاں نُوں گنڈھ رہے سن۔ تے اوس اوہناں نُوں سدّیا۔

مرقس 1:29

تے اوہ اوسے ویلے عبادت خانیوں باہر جا کے یعقُوب تے یُوحنّا نال شمعُون تے اندریاس دے گھر آئے۔

مرقس 13:3

تے جد اوہ زَیتُون دے پہاڑ اُتّے ہیکل دے سامھنے بَیٹھا سی۔ پطرس تے یعقُوب تے یُوحنّا تے اندریاس اکلّیاں ہو کے اوہدے توں پُچھیا۔

مرقس 6:30

فیر رسُول یِسُوع دے کول اکٹّھے ہوئے۔ جو کُجھ اوہناں کِیتا تے جو کُجھ تعلِیم دِتّی سی سبھ کُجھ اوہنوں دسیا۔

لُوقا 11:49

ایسے لئی خُدا دی حِکمت نے وی آکھیا اے پئی مَیں نبیاں تے رسُولاں نُوں اوہناں کول گھلاں گی تے اوہ اوہناں وِچوں کئیاں نُوں مار سُٹّن گے تے کئیاں نُوں ستان گے۔

لُوقا 22:14

تے جد ویلا آگیا اوہ بَہہ گیا تے رسُول اوہدے نال۔

لُوقا 22:8

تے اوس پطرس تے یُوحنّا نُوں ایہہ آکھ کے گھلّیا۔ پئی جا کے ساڈے لئی فسح تیار کرو۔ پئی اسی کھائیے۔

لُوقا 5:10

تے ایسے طرح زبدی دے پُتر یعقُوب تے یُوحنّا جیہڑے شمعُون دے سنگی سن۔ تَد یِسُوع شمعُون نُوں آکھیا۔ نا ڈر ایدوں اگّے تُوں بندیاں نُوں پھڑن والا بنے گا۔

لُوقا 9:10

تے رسُولاں مُڑ آ کے جو کُجھ کِیتا سی اوہنوں دسیا تے اوہ اوہناں نُوں اپنے نال لے کے وکھرا بَیت صَیدا ناں دے شہر وِچ گیا۔

یُوحنّا 12:22

فِلپُّس آ کے اندریاس نُوں دسیا۔ اندریاس تے فِلپُّس نیں آ کے یِسُوع نُوں خبر دِتّی۔

یُوحنّا 13:23

اوہدے شاگِرداں وِچوں اِک جِہنُوں یِسُوع پیار کر دا سی۔ کھانا کھاندیاں یِسُوع دی ہِک ولّ سِر جُھکایا ہویا سی۔

یُوحنّا 20:2

تَد اوہ شمعُون پطرس تے اوس دُوجے شاگِرد کول جِہنُوں یِسُوع پیار کر دا سی نٹّھی آئی تے اوہناں نُوں آکھن لگّی اوہناں خُداوند نُوں قبروں کڈھ لیا اے تے سانُوں پتا نئیں پئی اوہنوں کِتّھے رکھیا۔

یُوحنّا 21:2

شمعُون پطرس تے تُوما جِہنُوں جوڑا آکھدے نیں۔ تے گلِیل دے قانا دا نتنی ایل تے زبدی دے پُتر تے اوہدے شاگِرداں وِچوں دو ہور اکٹّھے ہوئے ہوئے سن۔

یُوحنّا 21:20

پطرس پِچھّاں مُڑ کے اوس شاگِرد نُوں جِہنُوں یِسُوع پیار کر دا سی مگر آؤندیاں ویکھیا جِس رات دی روٹی ویلے وی اوہدی ہِک اُتّے ڈھاسنا لائیاں ہویاں آکھیا سی ”اَے خُداوند اوہ کون اے جیہڑا تینُوں پھڑواؤندا اے؟“

یُوحنّا 21:24

ایہہ اوہو ای شاگِرد اے جیہڑا اوہناں گلّاں دی گواہی دیندا اے تے جِس ایہہ گلّاں لِکھیاں۔ تے اسی جاننے آں پئی اوہدی گواہی سَچّی اے۔

یُوحنّا 6:67

تَد یِسُوع باراں نُوں آکھیا تُسی وی ٹُر جانا چاہندے ہو؟

یُوحنّا 6:70

یِسُوع اوہناں نُوں جواب دِتّا مَیں تُہانوں باراں نُوں نئیں سی چُنیا؟ تے تُہاڈے وِچوں اِک جَنا شیطان اے۔

یُوحنّا 6:71

اوس شمعُون اِسکریُوتی دے پُتر یہُوداہ دی گلّ کِیتی۔ ایس لئی پئی اوسے اوہنوں پھڑوانا سی۔ تے باراں وِچوں اِک سی۔

یُوحنّا 6:8

اوہدے شاگِرداں وِچوں اِک شمعُون پطرس دا بھرا اندریاس اوہنوں آکھن لگّا۔

اعمال 1:13

تے جدوں اَپڑے تے اِک چوبارے اُتّے جا چڑھے۔ جِتّھے پطرس تے یُوحنّا تے یعقُوب تے اندریاس تے فِلپُّس تے تُوما۔ تے برتُلمائی تے متّی۔ حلفئی دا پُتر یعقُوب۔ تے زیلوتیس والا شمعُون۔ تے یعقُوب دا پُتر یہُوداہ رہندے سن۔

اعمال 1:26

تے اوہناں نیں اوہناں لئی گُنا پایا۔ تے گُنا متّیاہ دے ناں دا نِکلیا۔ تَد اوہ یارھاں رسُولاں نال گِنیا گیا۔

اعمال 12:2

تے یُوحنّا دے بھرا یعقُوب نُوں تلوار نال مار سُٹّیا۔

اعمال 3:1

پطرس تے یُوحنّا ترِیجے پَہر دی عبادت دے ویلے ہیکل نُوں پئے جاندے سن۔

۱-کُرِنتھِیوں 15:7

فیر یعقُوب نُوں وکھالی دِتّا۔ فیر ساریاں رسُولاں نُوں۔

اِفسِیوں 4:11

تے اوسے ای بعضیاں نُوں رسُول تے بعضیاں نُوں نبی تے بعضیاں نُوں اِنجِیل سُنان والے تے بعضیاں نُوں آجڑی تے اُستاد بنا کے دے دِتّا۔

عِبرانیوں 3:1

سو پاک بھراؤ! تُسی جیہڑے اسمانی بُلاوے وِچ شریک ہو۔ اوس رسُول تے سردار کاہِن یِسُوع اُتّے دھیان کرو۔ جِہنُوں اسی مَنّنے آں۔

۱-پطرس 1:1

یِسُوع مسِیح دے رسُول پطرس ولّوں اوہناں کھِلّرے ہوئے پردیسیاں نُوں جیہڑے پُنطُس۔ گلِتیہ۔ کَپّدُکیہ۔ آسِیہ تے بتُھنیہ وِچ نیں۔

۲-پطرس 1:1

شمعُون پطرس ولّوں جیہڑا یِسُوع مسِیح دا غلام تے رسُول اے۔ اوہناں لوکاں دے ناں جِنہاں ساڈے خُدا تے نجات دین والے یِسُوع مسِیح دی راستبازی دی راہِیں ساڈے وانگر قِیمتی اِیمان پایا اے۔

۲یُوحنّا 1:1

میرے ولّوں جیہڑا بزُرگ آں اوس چُنی ہوئی بی بی تے اوہدے پُتراں دے نال جِنہاں نال مَیں اوس سچیائی دے سببّوں سَچّی مُحبّت رکھنا آں جیہڑی ساڈے وِچ قیم رہندی اے۔ تے سدا تِیکر ساڈے نال رہے گی۔

۳-یُوحنّا 1:1

میرے ولّوں جیہڑا بزُرگ آں پیارے گَیُس دے ناں۔ جِہدے نال مَیں سَچّی مُحبّت کرنا آں۔

مُکاشفہ 1:1

یِسُوع مسِیح دا مُکاشفہ جیہڑا اوہنوں خُدا ولّوں ایس لئی ہویا۔ پئی اپنے بندیاں نُوں اوہ گلّاں وکھائے جیہڑیاں چھیتی ہون والیاں نیں۔ تے اوس اپنے فرِشتے نُوں گھلّیا۔ پئی اوہدی راہِیں اوہناں نُوں اپنے بندے یُوحنّا اُتّے ظاہر کرے۔

مُکاشفہ 1:9

مَیں یُوحنّا جیہڑا تُہاڈا بھرا تے یِسُوع دی مُصِیبت تے بادشاہی تے صبر دے وِچ تُہاڈا سنگی آں۔ خُدا دے کلام تے یِسُوع دی بابت گواہی دین دے سببّوں اوس ٹاپُو وِچ ساں جیہڑا پتمُس اکھواؤندا اے۔

مُکاشفہ 18:20

اَے اسمانوں تے اَے پاک لوکو۔ تے رسُولو تے نبیو۔ اوہدے اُتّے خُوشی کرو کیوں جو خُدا انصاف کر کے اوہدے کولوں تُہاڈا بدلہ لے لیا۔

مُکاشفہ 22:8

مَیں اوہ ای یُوحنّا آں جیہڑا ایہناں گلّاں نُوں سُندا تے ویکھدا ساں۔ تے جد مَیں سُنیاں تے ویکھیاں تَد جیہڑے فرِشتے مَینُوں ایہہ گلّاں وکھائیاں مَیں اوہدیاں پیراں اُتّے سجدہ کرن لئی ڈِگّ پیا۔