لُوقا 9:44 - پنجابی نواں عہد نامہ نظرثانی شدہ چھپائی

⁴⁴ تُسی ایہناں گلّاں نُوں اپنے کنّاں نال سُن چھڈو۔ کیوں جو اِبنِ آدم بندیاں دے ہتّھاں وِچ پھڑوایا جان والا اے۔

لُوقا 9:44 ပူးပေါင်းရင်းမြစ်များ

متّی 16:21

اوس ویلے توں یِسُوع اپنے شاگِرداں نُوں دسن لگّا پئی ضرُور اے۔ پئی مَیں یرُوشلِیم نُوں جاواں تے بزُرگاں تے سردار کاہِناں تے فقِیہاں کولوں بُہت دُکھ جھلّاں تے ماریا جاواں تے ترِیجے دِہاڑے جی اُٹھاں۔

متّی 26:2

تُسی جان دے اوہ۔ پئی دو دِناں دے پِچّھوں فسح دی عید ہوئے گی تے اِبنِ آدم صلِیب دِتّے جان دے واسطے حوالے کِیتا جاندا اے۔

مرقس 8:31

فیر اوہ اوہناں نُوں سکھالن لگّا پئی ضرُور اے۔ پئی اِبنِ آدم بُہت دُکھ جھلّے۔ تے اوہ بزُرگاں تے سردار کاہِناں تے فقِیہاں توں رَدّ کِیتا جائے۔ تے جانوں ماریا جائے۔ تے تِنّاں دِناں پِچّھوں جی اُٹھے۔

مرقس 9:31

ایس لئی پئی اوہ اپنے شاگِرداں نُوں سِکھالدا۔ تے اوہناں نُوں آکھدا سی پئی اِبنِ آدم بندیاں دے ہتّھِیں پھڑوایا جاندا اے۔ تے اوہ اوہنوں مار سُٹّن گے تے مر جان توں تَرے دِن پِچّھوں اوہ فیر جی اُٹھے گا۔

لُوقا 1:66

تے ساریاں سُنن والیاں اوہناں نُوں اپنے دِلاں وِچ سوچ کے ایہہ آکھیا پئی ایہہ مُنڈا کِیویں دا ہوئے گا؟ ایس لئی پئی خُداوند دا ہتّھ اوہدے نال سی۔

لُوقا 18:31

تے اوس باراں نُوں نال لے کے اوہناں نُوں آکھیا ویکھو اسی یرُوشلِیم نُوں جانے آں تاں جو کُجھ نبیاں دی راہِیں لِکھیا ہویا اے اِبنِ آدم دے حق وِچ سبھو پُورا ہوئے گا۔

لُوقا 2:19

پر مریم اوہناں سبھناں گلّاں نُوں اپنے مَن وِچ رکھ کے سوچ کر دی رہی۔

لُوقا 2:51

تے اوہ اوہناں دے نال ٹُرکے ناصرۃ نُوں آیا۔ تے اوہناں دی تابعداری وِچ رہیا۔ تے اوہدی ماں سبھناں گلّاں نُوں اپنے دِل وِچ رکھ چھڈیا۔

لُوقا 24:44

تَد اوس اوہناں نُوں آکھیا ایہہ میرِیاں اوہ گلّاں نیں جیہڑیاں تُہاڈے نال ہوندیاں ہویاں مَیں تُہانوں آکھیاں پئی اوہناں سبھناں گلّاں دا پُورا ہونا ضرُور اے۔ جیہڑیاں مُوسیٰ دی توریت تے نبیاں دِیاں کِتاباں تے زبُوراں وِچ میری بارے لِکھیاں ہویاں نیں۔

لُوقا 9:22

تے آکھیا پئی ضرُور اے پئی اِبنِ آدم بڑے دُکھ سہے۔ تے بزُرگاں تے سردار کاہِناں تے فقِیہاں توں ردّیا جائے۔ تے جانوں ماریا جائے۔ تے ترِیجے دِہاڑے جوالیا جائے۔

یُوحنّا 16:31

یِسُوع اوہناں نُوں جواب دِتّا ہُن تُہانوں یقِین آؤندا اے؟

یُوحنّا 16:4

پر ایہہ گلّاں مَیں تُہانوں آکھیاں نیں پئی جد اوہناں دی گھڑی آوے تَد اوہناں نُوں یاد کرو پئی مَیں تُہانوں آکھیاں سن۔ تے ایہہ گلّاں مَیں شُروع توں تُہانوں نئیں دسیاں کیوں جو مَیں تُہاڈے نال ساں۔

یُوحنّا 19:11

یِسُوع اوہنوں جواب دِتّا پئی تیرا میرے اُتّے کُجھ وی وَس نا ہوندا جے تینُوں اُتّوں دِتّا نا جاندا۔ ایس لئی جِس مَینُوں تیرے حوالے کِیتا اوہدا وَدّھ گُناہ اے۔

اعمال 2:23

جد خُدا دے ٹھہرائے ہوئے انتظام تے غَیب دے عِلم نال اوہ پھڑایا گیا۔ تُساں غیر شرِعاں دے۔ ہتھّوں کِل ٹُھکّاکے مروا دِتّا۔

عِبرانیوں 2:1

ایس لئی چاہیدا اے۔ پئی اوہناں گلّاں اُتّے جیہڑیاں اساں سُنیاں نیں ہور وی دِل لاکے دھیان کریئے۔ متے اوہناں توں رُڑھ کے دُور نا لگے جائیے۔