لُوقا 8:13 - پنجابی نواں عہد نامہ نظرثانی شدہ چھپائی

¹³ تے پتّھریلی زمین اُتّے دے اوہ نیں جیہڑے سُن کے خُوشی نال کلام نُوں مَن لَیندے نیں پر اوہ جڑ نئیں رکھ دے۔ کُجھ چِر اِیماندار رہ کے ازمایش دے ویلے پھر جاندے نیں۔

لُوقا 8:13 ပူးပေါင်းရင်းမြစ်များ

مرقس 6:20

کیوں جو ہیرودیس یُوحنّا نُوں نیک تے پاک بندہ جان کے اوہدے توں ڈردا تے اوہنوں بچائی رکھدا سی۔ تے اوہدی سُن کے بڑا حَیران ہوندا سی۔ تے خُوشی نال اوہدی سُندا ہوندا سی۔

لُوقا 8:12

راہ دے کنڈھے والے اوہ نیں جِنہاں سُنیاں مگروں ابلیس آؤندا تے کلام نُوں اوہناں دے مَنوں کڈھ لے جاندا اے تاں جو ایہہ نا ہوئے پئی اِیمان لیا کے اوہ نجات پان۔

لُوقا 8:14

تے جیہڑا ملہیاں وِچ کِریا سو اوہ نیں جِنہاں سُن لیا تے راہ ٹُر دیاں ٹُردیاں زِندگی دی فِکر تے دَولت تے مَوجاں وِچ پَھس جاندے نیں۔ تے اوہناں دا پَھل پکدا نئیں۔

یُوحنّا 15:2

جیہڑی ٹہنی میرے وِچ ہو کے پَھل نئیں لیاؤندی اوہنوں اوہ وَڈّھ دیندا اے۔ تے جیہڑی پَھل لیاؤندی اے اوہنوں اوہ صاف کر دا اے۔ تاں جو اوہ ہور وی پَھل لیاوے۔

یُوحنّا 15:6

جے کوئی میرے وِچ نا رہے اوہ ٹہنی وانگُوں باہر سُٹّیا جاندا تے سُک جاندا اے تے لوک اوہناں نُوں اکٹّھیاں کر کے اَگ وِچ سُٹ دیندے نیں تے اوہ بل جاندِیاں نیں۔

یُوحنّا 5:35

اوہ اِک بلدا ہویا تے چمکدا ہویا دِیوا سی۔ تے تُسی گھڑی تِیکر اوہدے چانن وِچ خُوش رہنا چاہندے سو۔

۱-کُرِنتھِیوں 13:2

تے جے مَینُوں نبُوّت مِلے تے ساریاں بھیتاں تے سارے عِلم دی واقفی ہوئے تے میرا اِیمان ایتھوں تِیکر پَکّا ہوئے۔ پئی پہاڑاں نُوں ہٹا دیاں۔ تے مَیں مُحبّت نا رکھاں تے مَیں کُجھ وی نئیں۔

۱-کُرِنتھِیوں 15:2

اوسے دی راہِیں تُہانوں نجات وی مِلدی اے۔ جیویں اوہ خُوشخبری جیہڑی مَیں تُہانوں دِتّی سی یاد رکھدے ہو۔ نئیں تے تُہاڈا اِیمان لیاؤنا بے فائدہ ہویا۔

گلتِیوں 3:1

اَے مُورکھ گلِتیو! کِس تُہاڈے اُتّے ٹُونا کِیتا اے؟ جِنہاں دِیاں اَکھّیاں سامھنے یِسُوع مسِیح سُولی چاہڑیا ہویا وکھالی دِتّا۔

گلتِیوں 3:4

تُساں اینِیاں تکلیفاں بے فید جھلیاں نیں؟ پر سَچّی مُچّی بے فید نئیں۔

اِفسِیوں 3:17

تے اِیمان دی راہِیں مسِیح تُہاڈے دِلاں وِچ وَسّے پئی مُحبّت وِچ گڈ کے تے ٹُھک کے۔

کُلُسِّیوں 1:23

ایس شرط نال پئی تُسی اِیمان دی نِینّھ اُتّے قیم تے پکّے رہو۔ تے اوس خُوشخبری دی آس نُوں جِہنُوں تُساں سُنیا اے۔ نا چھڈو۔ جِہدی منادی اسمان دے ہیٹھ ساری خلقت وِچ کِیتی گئی۔ تے مَیں پَولُس اوسے دا نوکر بنیاں۔

کُلُسِّیوں 2:7

تے جیویں تُہانوں تعلِیم مِلی اے اوسے طرح اِیمان وِچ پکّے رہو۔ تے شُکرانے وِچ وَدھدے جاؤ۔

۱-تھِسّلُنِیکوں 3:5

ایس واسطے جد مَیں ہور برداشت نا کر سکیا۔ تَد تُہاڈے اِیمان دا حال دریافت کرن لئی گھلّیا۔ پئی اجیہا نا ہوئے۔ پئی ازمان والے تُہاڈی ازمایش کِیتی ہوئے۔ تے ساڈی محنت ایویں گئی ہوئے۔

۱-تِیمُتِھیُس 1:19

اِیمان تے نیک نِیتی نُوں پَکیّاں رکھّیں۔ جِنہاں دے چھڈن دے سببّوں بتھیریاں لوکاں دے اِیمان دا بیڑا ڈُب گیا اے۔

عِبرانیوں 10:39

پر اسی ناس ہون لئی پِچھّاں کھِسکن والے نئیں سگوں اوہناں وِچوں آں جیہڑے جان بچان لئی اِیمان لیاؤندے نیں۔

یعقُوب 2:26

سو جیویں جِسم رُوح بِناں مویا ہویا اے ایسے طرح اِیمان وی عملاں بِناں مویا ہویا اے۔

۲-پطرس 2:20

تے جد اوہ خُداوند تے نجات دین والے یِسُوع مسِیح دی پہچان دے سببّوں دُنیاوی پلِیتی توں چُھٹ کے فیر اوہدے وِچ پَھسے تے دَبّ گھتّے تے اوہناں دا چھیکڑلا حال پہلاں نالوں بُرا ہویا۔

۲-پطرس 2:22

اوہناں اُتّے ایہہ سَچّی مِثال ٹھیک آؤندی اے۔ پئی کُتّا اپنی قَے ولّ پرتدا اے۔ تے نہاتی ہوئی سُؤرنی چِکڑ وِچ فیر لیٹن لگ پَیندی اے۔

۱-یُوحنّا 2:19

نِکلے تے اوہ ساڈے وِچوں ای سن۔ پر ساڈے نئیں سن۔ ایس لئی پئی جے اوہ ساڈے ہوندے تے ساڈے نال رہندے پر ایس لئی نِکل گئے تاں جو پَتا لگ جائے۔ پئی اوہ سارے ساڈے نئیں۔

یہُوداہ 1:12

جد اوہ تُہاڈیاں مُحبّت دِیاں ضِیافتاں وِچ تُہاڈے نال کھان پِین دے ویلے اینج سن جیویں دریا وِچ لُکِیاں چٹاناں۔ تے اجیہے ایّالی جیہڑے بے ڈر ہو کے ڈِھڈ بھردے نیں۔ بِناں پانیوں بدّل نیں جِنہاں نُوں وَا اُڈا کے لے جاندی اے۔ پچّھیترے پتجھڑ دے بے پَھل بُوٹے۔ دُوں وِری مرے ہوئے۔ جڑوں پُٹے ہوئے۔