لُوقا 7:21 - پنجابی نواں عہد نامہ نظرثانی شدہ چھپائی

²¹ اوہنے اوسے ویلے بتھیریاں نُوں روگاں تے بلاواں تے بُریاں رُوحاں توں شفا دیتی۔ تے بتھیریاں اَنھیاں نُوں سوجاکھِیاں کِیتا۔

لُوقا 7:21 ပူးပေါင်းရင်းမြစ်များ

متّی 4:23

تے یِسُوع اوہناں دے عِبادتخانیاں وِچ سِکھاؤندا تے بادشاہی دی خُوشخبری دی منادی کر دا تے لوکاں دیاں ساریاں روگاں تے سارِیاں ماندگِیاں نُوں چَنگا کر دا ہویا سارے گلِیل وِچ پِھردا گیا۔

متّی 4:24

تے سارے سُوریہ وِچ اوہدی دُھم پَے گئی تے لوکاں نیں ساریاں بِیماراں نُوں جیہڑے کئی طرح دے روگاں تے دُکھاں وِچ پَھسے ہوئے سن جِنہاں نُوں بدرُوحاں چمبڑیاں ہویاں سن۔ تے مِرگی والیاں۔ تے ادھرلنگیاں نُوں اوہدے کول لیاندا تے اوس اوہناں نُوں چَنگیاں کِیتا۔

مرقس 3:10

کیوں جو اوس بتھیریاں نُوں ولّ کِیتا سی۔ ایتھوں تِیکر پئی جیہڑے لوک سخت بیمار سن اوہنوں چُھون لئی اوہدے اُتّے ڈِگّدے جاندے سن۔

مرقس 5:29

تے اونویں ای اوہدے لہو دا سُنب سُک گیا۔ تے اوس اپنے بدن توں معلُوم کر لیا۔ پئی مَیں ایس بلا توں چُھٹی۔

مرقس 5:34

تے اوس اوہنوں آکھیا۔ دِھیے تیرے اِیمان نے تینُوں ولّ کِیتا اے سلامت ٹُر جا تے اپنی بلا توں بچی رہو۔

لُوقا 7:20

اوہناں بندیاں اوہدے کول اَپڑ کے آکھیا سانُوں یُوحنّا بپتِسمہ دین والے تیرے کولوں پچُھّن نُوں گھلّیا اے۔ پئی جیہڑا آؤن والا اے اوہ تُوں ای ایں یا اسی کِسے ہور نُوں اُڈِیکئے؟

عِبرانیوں 12:6

کیوں جو جِہنُوں خُداوند پیار کر دا اے۔ اوہنوں جِھڑکدا وی اے تے جِہنُوں پُتر بناندا اے۔ اوہنوں کولڑے وی مار دا اے۔