لُوقا 6:11 - پنجابی نواں عہد نامہ نظرثانی شدہ چھپائی

¹¹ تَد اوہناں بڑے غُصّے ہو کے آپو وِچ آکھیا پئی یِسُوع نال کِیہ کریئے۔

لُوقا 6:11 ပူးပေါင်းရင်းမြစ်များ

متّی 16:7

تے اوہ آپو وِچ وچار کر کے آکھن لگّے اسی روٹی جو نئیں لیائے۔

متّی 21:45

تے جد سردار کاہِناں تے فرِیسیاں نیں اوہدیاں ایہہ تمثِیلاں سُنیاں تَد اوہناں نُوں معلُوم ہویا پئی اوہ تے ساڈی بابت پیا آکھدا اے۔

لُوقا 4:28

تے جیہڑے عبادت خانے وِچ سن اوہ سبھ ایہناں گلّاں نُوں سُن دیاں غُصّے نال بھر گئے۔

لُوقا 6:10

تے اوہناں ساریاں ولّ چَوفیرے ویکھ کے اوہنوں آکھیا اپنا ہتّھ وَدّھا۔ اوس وَدھایا تے اوہدا ہتّھ ٹھیک ہوگیا۔

لُوقا 6:12

تے اونہی دِنیں اینج ہویا پئی اوہ پہاڑ اُتّے دُعا منگن گیا تے خُدا اگّے دُعا منگدیاں ساری رات کٹّی۔

یُوحنّا 11:47

تَد سردار کاہِناں تے فرِیسیاں اپنی جماعت اکٹّھی کر کے آکھیا۔ اسی کِیہ کرنے آں؟ ایہہ بندہ تے بڑے مُعجزے کر دا اے۔

یُوحنّا 7:1

تے ایدوں بعد یِسُوع گلِیل وِچ پِھردا رہیا کیوں جو یہُودیہ دیس وِچ اوس پِھرنا پسند نا کِیتا ایس کر کے پئی یہُودی اوہدے مارن لئی داء لبّھدے سن۔

اعمال 26:11

تے سارے عبادت خانیاں وِچ اوہناں نُوں کئی واری سزا دے کے مَیں اوہناں توں کُفر اکھواؤندا ساں۔ تے اوہناں اُتّے بڑا سَودائی ہو کے مَیں اوہناں نُوں اوپریاں شہراں تِیکر وی تنگ کِیتا۔

اعمال 4:15

پر اوہناں نُوں حُکم دے کے پئی مجلسیوں باہر جاؤ۔ آپو وِچ صلاح کر کے آکھن لگّے۔

اعمال 4:19

پر پطرس تے یُوحنّا اوہناں نُوں آکھیا۔ تُسی آپ انصاف کرو۔ پئی خُدا دے اگّے ایہہ ٹھیک اے۔ پئی اسی خُدا دی گلّ نالوں وَدّھ تُہاڈی گلّ سُنئے؟

اعمال 5:33

پر اوہ ایہہ سُن کے اپنے دِل وِچ سڑ گئے۔ تے صلاح کِیتی پئی اوہناں نُوں مار سُٹّیئے۔

اعمال 7:54

ایہہ گلّاں سُندیاں ای اوہ دِلاں وِچ سڑ گئے تے اوہدے اُتّے کچیچیاں وَٹن لگّے۔

۲-تِیمُتِھیُس 3:9

پر اوہ ایدوں وَدّھ نا کر سکن گے۔ ایس کر کے پئی اوہناں دی بے وقوفی ساریاں بندیاں اُتّے ظاہر ہو جائے گی۔ جیویں اوہناں دی وی ہوگئی سی۔