لُوقا 4:41 - پنجابی نواں عہد نامہ نظرثانی شدہ چھپائی

⁴¹ تے بتھیریاں وِچوں بدرُوحاں چِیکاں مار کے تے ایہہ آکھ کے نِکل آئِیاں پئی تُوں خُدا دا پُتر ایں۔ پر اوس اوہناں نُوں جِھڑک کے کُون نا دِتّا۔ کیوں جو جان دِیاں سن پئی اوہ مسِیح اے۔

لُوقا 4:41 ပူးပေါင်းရင်းမြစ်များ

متّی 26:63

پر یِسُوع چُپ ای کر رہیا۔ تے سردار کاہِن اوہنوں آکھیا مَیں تینُوں زِندہ خُدا دی سَونہہ دیناں آں پئی جے تُوں مسِیح خُدا دا پُتر ایں تے سانُوں دس۔

متّی 4:3

تَد ازمان والے نیڑے آ کے اوہنوں آکھیا جے تُوں خُدا دا پُتر ایں تے آکھ پئی ایہہ پتّھر روٹِیاں بن جان۔

متّی 8:16

تے جد شام پئی لوک بتھیریاں بد رُوح چمبڑیاں ہویاں نُوں اوہدے کول لے آئے۔ تے اوس اوہناں رُوحاں نُوں کلام ای نال باہر کڈھ دِتّا تے ساریاں بِیماراں نُوں چَنگا کِیتا۔

متّی 8:29

تے ویکھو اوہناں چِیک مار کے آکھیا۔ اَے خُدا دے پُتر تیرا ساڈے نال کِیہ واسطہ؟ تُوں ویلے توں پہلاں ای سانُوں دُکھ دین نُوں ایتھے آگیا ایں؟

متّی 8:4

تے یِسُوع اوہنوں آکھیا خبردار کِسے نُوں نا دسیں۔ پر جا کے اپنا آپ کاہِن نُوں وکھا۔ تے جیہڑی نذر مُوسیٰ نے ٹھیرائی اے۔ چڑھا۔ تاں جو اوہناں لئی گواہی ہوئے۔

مرقس 1:25

تے یِسُوع اوہنوں جِھڑک کے آکھیا۔ چُپ رہو تے ایہدے وِچوں نِکل جا۔

مرقس 1:32

شام دے ویلے جد سُورج ڈُب گیا۔ ساریاں بِیماراں نُوں تے جِنہاں نُوں بد رُوحاں دا سایہ سی اوہدے کول لیائے۔

مرقس 1:34

تے اوس بتھیریاں نُوں جیہڑے وَکھو وَکھ بیماریاں وِچ پئے سن ولّ کِیتا۔ تے بتھیریاں بد رُوحاں کڈھ دِیتّاں۔ تے بد رُوحاں نُوں بولن نا دِتّا۔ کیوں جو اوہناں اوہنوں پچھان لیا سی۔

مرقس 3:11

تے پلِیت رُوحاں جد اوہنوں ویکھدِیاں سن اوہدے اگّے ڈِگّ پَیندیاں سن تے چِیکاں مار کے آکھدیاں سن۔ تُوں خُدا دا پُتر ایں۔

لُوقا 4:39

تَد اوس اوہدے کول کھلو کے تاپ نُوں جِھڑکیا تے اوہ لَہہ گیا۔ تے اوہ اوسے ویلے اُٹھ کے اوہناں دی سیوا کرن لگّی۔

یُوحنّا 20:31

پر ایہہ لِکھیاں گِئیاں نیں تاں جو تُسی اِیمان لیاؤ پئی یِسُوع جو اے اوہو مسِیح خُدا دا پُتر اے۔ تے اِیمان لیا کے اوہدے ناں توں تُہانوں زِندگی مِلے۔

یعقُوب 2:19

تُوں ایس گلّ اُتّے اِیمان رکھنا ایں پئی خُدا اِکّو اے۔ خَیر چَنگا کرنا ایں۔ شیطان وی اِیمان رکھدے۔ تے کمبدے نیں۔