لُوقا 4:40 - پنجابی نواں عہد نامہ نظرثانی شدہ چھپائی

⁴⁰ تے جد سُورج ڈُب گیا تَد سارے جِنہاں کول کِسے طرح دے بیمار لوک سن اوہناں نُوں اوہدے کول لیائے تے اوس اوہناں وِچوں ہر اِک اُتّے ہتّھ رکھ کے چَنگا کِیتا۔

لُوقا 4:40 ပူးပေါင်းရင်းမြစ်များ

متّی 11:5

پئی اَنھے ویکھدے تے لنگے ٹُردے پِھردے۔ کوڑھے پاک صاف کِیتے جاندے نیں تے بولے سُندے تے مُردے جوالے جاندے نیں۔ تے غرِیباں نُوں خُوشخبری سُنائی جاندی اے۔

متّی 14:13

جد یِسُوع ایہہ سُنیا تَد اوہ اوتھوں بیڑی اُتّے چڑھ کے اِک اُجاڑ تھاں وِچ وکھرا ٹُر گیا تے لوک ایہہ سُن کے شہراں وِچ پَیدل اوہدے مگر ٹُر پئے۔

مرقس 3:10

کیوں جو اوس بتھیریاں نُوں ولّ کِیتا سی۔ ایتھوں تِیکر پئی جیہڑے لوک سخت بیمار سن اوہنوں چُھون لئی اوہدے اُتّے ڈِگّدے جاندے سن۔

مرقس 5:23

تے اوہدی بُہت مِنّت کِیتی۔ پئی میری نِکّی دِھی پئی مر دی اے چَل کے اوہدے اُتّے ہتّھ رکھ پئی اوہ چنگی ہوئے تے جیوندی رہے۔

مرقس 6:5

تے اوہ کوئی کرامات اوس تھاں نا وکھال سکیا بِناں ایس دے پئی تھوڑے جیہے روگِیاں اُتّے ہتّھ رکھ کے اوہناں نُوں ولّ کِیتا۔

اعمال 19:12

ایتھوں تِیکر پئی رُومال تے پٹکے۔ اوہدے پنڈے نُوں چُھوا کے بِیماراں اُتّے پاندے سن تے روگ اوہناں توں ہَٹ جاندے سن۔ تے بُریاں رُوحاں نِکل جاندِیاں سن۔

اعمال 5:15

ایتھوں تِیکر پئی لوک اپنیاں روگِیاں نُوں لیاؤندے۔ تے پلنگاں تے مَنجِیاں اُتّے رکھدے سن ایس لئی پئی پطرس جد آوے اوہدا پر چھاواں ای اوہناں وِچوں کِسے اُتّے پَے جاوے۔