لُوقا 4:34 - پنجابی نواں عہد نامہ نظرثانی شدہ چھپائی

³⁴ اَے یِسُوع ناصری ساڈا تیرا کِیہ لاگا۔ تُوں ساڈا ناس کرن آیا ایں؟ مَیں تینُوں جاننا آں پئی تُوں کون ایں۔ خُدا دا قُدُّوس۔

لُوقا 4:34 ပူးပေါင်းရင်းမြစ်များ

متّی 8:29

تے ویکھو اوہناں چِیک مار کے آکھیا۔ اَے خُدا دے پُتر تیرا ساڈے نال کِیہ واسطہ؟ تُوں ویلے توں پہلاں ای سانُوں دُکھ دین نُوں ایتھے آگیا ایں؟

مرقس 1:24

اَے یِسُوع ناصری۔ تیرا ساڈے نال کِیہ لاگا اے؟ تُوں ساڈا ناس کرن آیا ایں۔ مَیں تینُوں جاننا آں۔ پئی تُوں کون ایں۔ خُدا دا قُدُّوس۔

مرقس 1:34

تے اوس بتھیریاں نُوں جیہڑے وَکھو وَکھ بیماریاں وِچ پئے سن ولّ کِیتا۔ تے بتھیریاں بد رُوحاں کڈھ دِیتّاں۔ تے بد رُوحاں نُوں بولن نا دِتّا۔ کیوں جو اوہناں اوہنوں پچھان لیا سی۔

مرقس 5:7

تے اُوچی اواز نال پُکار کے آکھیا میرا تیرا کِیہ لاگا؟ یِسُوع خُدا تعالیٰ دے پُتر۔ تینُوں خُدا دی سَونہہ دینا آں۔ مَینُوں دُکھ نا دے۔

لُوقا 1:35

تے فرِشتے اوہنوں جواب دِتّا پئی پاک رُوح تیرے اُتّے اُترے گا تے خُدا تعالیٰ دی قُدرت تیرے اُتّے پر چھاواں کرے گی۔ ایس واسطے اوہ قُدُّوس جیہڑا جمّے گا خُدا دا پُتر اکھوائے گا۔

لُوقا 4:33

تے عبادت خانے وِچ اِک بندہ سی جِہدے وِچ پلِیت رُوح سی۔ اوس اُچّی اُچّی آکھیا۔

لُوقا 4:41

تے بتھیریاں وِچوں بدرُوحاں چِیکاں مار کے تے ایہہ آکھ کے نِکل آئِیاں پئی تُوں خُدا دا پُتر ایں۔ پر اوس اوہناں نُوں جِھڑک کے کُون نا دِتّا۔ کیوں جو جان دِیاں سن پئی اوہ مسِیح اے۔

لُوقا 8:28

جد اوس یِسُوع نُوں ویکھیا تَد چیکدیاں ہویاں اوہدی پَیرِیں ڈِگّ پیا تے اُچّی اُچّی آکھیا۔ اَے یِسُوع خُدا تعالیٰ دے پُترا میرا تیرا کِیہ لاگا؟ تیری مِنّت کرنا ہاں۔ پئی مَینُوں اَوکھیاں نا کر۔

لُوقا 8:37

تے گراسِینیاں دے آلے دوالے دے علاقے دیاں ساریاں لوکاں اوہدے اگّے مِنّت کِیتی پئی ساڈے کولوں ٹُرجا۔ کیوں جو اوہناں نُوں بڑا ڈر پَے گیا سی۔ تے اوہ بیڑی اُتّے چڑھ کے مُڑ گیا۔

اعمال 16:39

تے آ کے اوہناں تَرلے مِنّت کِیتی تے باہر لیا کے عرض کرن لگّے پئی شہر توں ٹُر جاؤ۔

اعمال 2:27

پئی تُوں میری جان نُوں پاتال وِچ نا چھڈیں گا تے نا اپنے قُدُّوس نُوں ترکّن دئیں گا۔

اعمال 3:14

سگوں تُسی اوہدا جیہڑا قُدُّوس تے سَچّا سی اِنکار کِیتا۔ تے اِک خُونی بندے نُوں منگ لیا۔ پئی اوہ تُہاڈے لئی چھڈیا جاوے۔

اعمال 4:27

کیوں جو سَچ مُچ ایس شہر وِچ تیرے پاک خادم یِسُوع دے برخلاف جِہنُوں تُوں مسَح کِیتا۔ ہیرودیس تے پُنطِیُس پِیلاطُس غیر قوماں تے اِسرائیلیاں سَنے ایس لئی اکٹّھے ہوئے۔

عِبرانیوں 2:14

سو جِس حال بچّے خُون تے گوشت وِچ سنگی نیں اوسے طرح اوہ اوہناں وانگر آپ وی اوہناں وِچ شریک ہویا۔ تاں جو اوہ مَوت دی راہِیں اوہنوں جِہنُوں مَوت اُتّے طاقت مِلی یعنی ابلیس نُوں بے کار کر دے۔

یعقُوب 2:19

تُوں ایس گلّ اُتّے اِیمان رکھنا ایں پئی خُدا اِکّو اے۔ خَیر چَنگا کرنا ایں۔ شیطان وی اِیمان رکھدے۔ تے کمبدے نیں۔

۱-یُوحنّا 3:8

جیہڑا بندہ گُناہ کر دا اے۔ ابلیس ولّوں اے کیوں جو ابلیس مُڈھوں ای گُناہ کر دا اے۔ ایسے واسطے خُدا دا پُتر ظاہر ہویا۔ پئی ابلیس دے کمّاں دا ناس کرے۔

مُکاشفہ 20:2

اوس ناگ یعنی پرانے سَپّ نُوں جیہڑا ابلیس تے شیطان اے پَھڑکے ہزار ورھے لئی بنھیا۔

مُکاشفہ 3:7

تے فِلَدِلفیہ دی کلِیسیا دے فرِشتے نُوں ایہہ لِکھ پئی۔ جیہڑا قُدُّوس تے سَچّا اے تے داؤد دی کُنجی اوہدے کول اے جِہدے کھولے ہوئے نُوں کوئی بند نئیں کر دا تے بند کِیتے ہوئے نُوں کوئی کھولدا نئیں۔ اوہ ایہہ آکھدا اے۔