لُوقا 4:1 - پنجابی نواں عہد نامہ نظرثانی شدہ چھپائی

¹ تے یِسُوع رُوحُ القُدس نال بھریا ہویا یَردن توں مُڑیا۔ تے رُوح دی ہدایت نال بیابان پِھردا رہیا۔

لُوقا 4:1 ပူးပေါင်းရင်းမြစ်များ

متّی 3:16

تے یِسُوع بپتِسمہ لے کے جھٹ پانیوں باہر نِکل آیا۔ تے ویکھو اسمان اوہدے لئی کُھل گیا تے اوس خُدا دے رُوح نُوں کبُوتر وانگُوں اُتر دیاں تے اپنے اُتّے آؤندیاں ویکھیا۔

لُوقا 2:27

تے اوہ رُوح دی ہدایت نال ہیکل وِچ آیا تے جِس ویلے ماں پئیو اوس بچّے یِسُوع نُوں اندر پئے لیاؤندے سن پئی اوہدے لئی شریعت دی رِیت پُوری کرن۔

لُوقا 3:3

تے اوہ یَردن دے سارے آلے دوالے دے دیس وِچ آ کے گُناہاں دی مُعافی لئی تَوبہ دے بپتِسمہ دی منادی کرن لگّا۔

لُوقا 3:38

تے اوہ انُوس دا۔ تے اوہ سیت دا۔ تے اوہ آدم دا۔ تے اوہ خُدا دا سی۔

لُوقا 4:14

تے یِسُوع رُوح دی قُدرت نال گلِیل دیس نُوں مُڑیا تے سارے آلے دوالے دے مُلک وِچ اوہدیاں دُھمّاں پَے گِئیاں۔

لُوقا 4:18

خُداوند دا رُوح میرے اُتّے اے اوس ایس کر کے مَینُوں مسَح کِیتا پئی غرِیباں نُوں خُوشخبری دیاں اوس مَینُوں گھلّیا پئی قیدِیاں نُوں چُھٹکارے دی تے اَنھیاں نُوں سُجاکھا ہون دی خبر سُناواں۔ تے مارِیاں کُٹّیاں نُوں خلاصی دیاں۔

یُوحنّا 1:32

تے یُوحنّا ایہہ آکھ کے گواہی دِتّی پئی مَیں رُوح نُوں کبُوتر وانگُوں اسمانوں اُتر دیاں ویکھیا اے۔ تے اوہ اوہدے اُتّے آ ٹھیریا۔

یُوحنّا 3:34

کیوں جو جِہنُوں خُدا گھلّیا اوہ خُدا دِیاں گلّاں کر دا اے۔ ایس لئی پئی اوہ رُوح مِن کے نئیں دیندا۔

اعمال 1:2

اوس دِن تِیکر پئی جد پاک رُوح دی راہِیں اپنے چُنیاں ہویاں رسُولاں نُوں حُکم دین دے پِچّھوں اوہ اُتانہہ چُکیا گیا۔

اعمال 10:38

یعنی یِسُوع ناصری دی بابت پئی خُدا نے پاک رُوح تے قُدرت نال اوہنوں کِیویں مسَح کِیتا۔ اوہ تاں بھلیائی کر دا تے ابلیس دے سارے قابُو کِیتیاں ہویاں نُوں چَنگا کر دا پِھریا۔ کیوں جو خُدا اوہدے نال سی۔

اعمال 8:39

تے جد اوہ پانیوں نِکل کے باہر آئے۔ تاں خُداوند دا رُوح فِلپُّس نُوں لے گیا۔ تے کُھسرے اوہنوں فیر نا ویکھیا۔ کیوں جو اوہ خُوش ہو کے اپنے راہ ٹُر گیا۔