لُوقا 3:16 - پنجابی نواں عہد نامہ نظرثانی شدہ چھپائی

¹⁶ تَد یُوحنّا نے سبھناں نُوں جواب دِتّا مَیں تے تُہانوں پانی نال بپتِسمہ دینا آں۔ پر میرے نالوں اِک ودِھیک طاقت والا آؤندا اے۔ جِہدی جُتّی دی مَیں وَدّھری کھولن جوگا نئیں آں۔ اوہ تُہانوں پاک رُوح تے اَگ نال بپتِسمہ دیوے گا۔

لُوقا 3:16 ပူးပေါင်းရင်းမြစ်များ

متّی 3:11

مَیں تے تُہانوں تَوبہ دے واسطے پانی نال بپتِسمہ دینا آں۔ پر اوہ جیہڑا میرے پِچّھے آؤندا اے مَیتھوں زوراور اے۔ اوہدی جُتّی چُکن دے مَیں لائق نئیں آں۔ اوہ ای تُہانوں پاک رُوح تے اَگ نال بپتِسمہ دیوے گا۔

متّی 3:12

اوہدا چھج اوہدے ہتّھ وِچ اے۔ تے اوہ اپنے کھلواڑے نُوں چنگی طرح صاف کرے گا۔ تے اپنی کنک نُوں کوٹھی وِچ جمع کرے گا پر تُوڑی نُوں اوس اَگ نال ساڑ دے گا۔ جیہڑی کدی نئیں بُجھدی۔

یُوحنّا 1:26

یُوحنّا اوہناں نُوں جواب دِتّا پئی مَیں تے پانی نال بپتِسمہ دینا آں۔ تُہاڈے وِچ اِک کھلوتا ہویا اے جِہنُوں تُسی نئیں جان دے۔

یُوحنّا 1:27

اوہ میرے پِچّھے آؤندا اے۔ اوہدی جُتّی دی وَدّھری کھولن دے مَیں لائق نئیں۔

یُوحنّا 1:33

تے مَیں اوہنوں جان دا نئیں ساں پر جِس مَینُوں گھلّیا سی پئی پانی نال بپتِسمہ دیاں اوس مَینُوں آکھیا سی پئی جِہدے اُتّے تُوں رُوح نُوں اُتر دیاں تے اوہدے اُتّے ٹھیر دیاں ویکھیں اوہو ای اے جیہڑا پاک رُوح نال بپتِسمہ دیندا اے۔

یُوحنّا 7:38

اوہ جیہڑا میرے اُتّے اِیمان لیاؤندا اے جیہا کتابِ مُقدّس آکھدی اے اوہدے ڈِھڈ وِچوں جیون دے پانی دِیاں ندیاں وَگن گِیاں۔

اعمال 1:5

کیوں جو یُوحنّا تے پانی نال بپتِسمہ دِتّا۔ پر تُہانوں تھوڑے دِناں دے پِچّھوں پاک رُوح دا بپتِسمہ مِلے گا۔

اعمال 10:44

پطرس ایہہ گلّاں اجے پیا آکھدا ای سی پئی کلام دے ساریاں سُنن والیاں اُتّے پاک رُوح اُتریا۔

اعمال 2:33

سو جد اوہ خُدا دے سَجّے پاسے اُچّا کِیتا گیا تے اوس باپ کولوں پاک رُوح دا وعدہ پایا تاں اوس ایہہ جو تُسی ویکھدے تے سُندے ہو بخش دِتّا۔

۱-کُرِنتھِیوں 12:13

کیوں جو اساں ساریاں بھانویں یہُودی ہوئے بھانویں یُونانی بھانویں غلام بھانویں اَزاد اِکّو رُوح دی راہِیں اِک جِسم ہون لئی بپتِسمہ لیا تے سبھناں نُوں اِکّو رُوح پیا یا گیا۔