لُوقا 23:4 - پنجابی نواں عہد نامہ نظرثانی شدہ چھپائی

⁴ پِیلاطُس سردار کاہِناں تے عام لوکاں نُوں آکھیا مَیں ایس بندے وِچ کُجھ قصور نئیں ویکھدا۔

لُوقا 23:4 ပူးပေါင်းရင်းမြစ်များ

متّی 27:19

تے جد اوہ عدالت دے تخت اُتّے بَیٹھا ہویا سی اوہدی بیوی اوہنوں اکھوا گھلّیا پئی تُوں اوس نیک بندے نال کُجھ واسطہ نا رکھّیں کیوں جو اَج سُفنے وِچ مَیں اوہدے سبّب بڑا دُکھ پایا اے۔

مرقس 15:14

پِیلاطُس اوہناں نُوں آکھیا کیوں۔ اوس کِیہ بُرائی کِیتی اے؟ پر اوہ ہور وی زور نال بولے اوہنوں صلِیب اُتّے چاڑھ۔

لُوقا 23:22

ترِیجی وار اوس اوہناں نُوں آکھیا کیوں ایس کِیہ بُریائی کِیتی۔ مَیں اوہدے وِچ قتل دا کوئی سبّب نئیں ویکھیا ایس لئی مَیں اوہنوں کولڑے مروا کے چھڈ دیاں گا۔

یُوحنّا 18:38

پِیلاطُس اوہنوں آکھیا۔ سچیائی کِیہ ہوندی اے؟ تے آکھ کے اوہ فیر یہُودِیاں کول باہر گیا تے اوہناں نُوں آکھن لگّا مَینُوں اوہدے وِچ کُجھ جُرم نئیں لَبّھدا۔

اعمال 25:25

پر مَیں سمجھیا اوس مَوت دے لائق کوئی کمّ نئیں کِیتا تے جِس حالت وِچ اوس آپی شہنشاہ دی دوہائی دِتّی۔ مَیں اوہنوں گھل دین دا اِرادہ کِیتا۔

اعمال 3:13

ابرہام تے اِضحاق تے یعقُوب دے خُدا۔ ساڈے پئیو دادیاں دے خُدا اپنے خادم یِسُوع نُوں جلال دِتّا۔ اوہنوں تُساں حوالے کِیتا۔ تے پِیلاطُس دے سامھنے اِنکاری ہوئے جِس ویلے اوس اوہنوں چھڈ دین دا اِرادہ کِیتا۔

عِبرانیوں 7:26

کیوں جو سانُوں ایس طرح دا سردار کاہِن پھبدا سی جیہڑا پاک تے صاف دِل تے بے داغ تے گُنہگاراں توں وکھرا تے اسماناں توں اُچّا کِیتا گیا ہوئے۔

۱-پطرس 1:19

سگوں اِک بے نُقص تے بے داغ لیلے دے قِیمتی لہو نال یعنی مسِیح دے لہو نال۔

۱-پطرس 2:22

نا اوس گُناہ کِیتا۔ تے نا ای اوہدے مُنھ توں مکر دی کوئی گلّ نِکلی۔

۱-پطرس 3:18

ایس لئی پئی مسِیح وی راستباز ناراستاں دے لئی اِکّو وار دُکھ اُٹھایا۔ تاں جو سانُوں خُدا دے کول اَپڑائے۔ اوہ جِسم ولّوں ماریا گیا پر رُوح ولّوں جوالیا گیا۔