لُوقا 22:41 - پنجابی نواں عہد نامہ نظرثانی شدہ چھپائی

⁴¹ تے آپی اوہناں توں کوئی ڈھیم دی مار دی وِتھ جِنّاں وکھرا ہوگیا تے گوڈے نواکے دُعا منگی۔

لُوقا 22:41 ပူးပေါင်းရင်းမြစ်များ

متّی 26:39

تے تھوڑا اگّے وَدّھ کے مُنھ پرنے ڈِگّ پیا۔ تے دُعا منگدیاں ہویاں ایہہ آکھیا اَے میرے باپ جیکر ہو سکے تے ایہہ پیالہ مَیتھوں ٹل جائے۔ تے وی نا جیویں مَیں چاہناں آں پر جیویں تُوں چاہنا ایں۔

مرقس 14:35

تے اوہ تھوڑا اگّے وَدّھ کے زمین اُتّے ڈِگّ پیا۔ تے دُعا منگی۔ پئی جے ہوسکے ایہہ گھڑی مَیتھوں ٹل جائے۔

لُوقا 18:11

فریسی کھلو کے اپنے جی وِچ ایویں دُعا منگن لگّا۔ اَے خُدا مَیں تیرا شُکر کرنا آں پئی مَیں ہورناں لوکاں وانگُوں لُٹیرا ظالم زانی یا ایس محصُولئے جِہیا نئیں آں۔

لُوقا 18:13

پر محصُولئے دُوروں کھلو کے اینا وی نئیں چاہیا۔ پئی اسمان ولّ اَکھّیاں کرے۔ سگوں پِٹ پِٹ کے ایہہ آکھدا سی۔ پئی اَے خُدا مَیں جو گُناہیں ہاں میرے اُتّے رَحم کر۔

اعمال 20:36

تے ایویں آکھ کے اوس گوڈے نوائے۔ تے اوہناں سبھناں نال دُعا منگی۔

اعمال 21:5

تے جد اساں اوہ دِن پُورے کِیتے تَد ٹُرپَئے۔ تے سارے لوک اپنیاں وَوہٹِیاں تے بال بچّیاں سَنے شہر دے باہر تِیکر ساڈے نال آئے تے سمُندر دے کنڈھے اُتّے اساں گوڈے نواکے دُعا منگی۔

اعمال 7:60

فیر اوس گوڈے نواکے آکھیا۔ پئی اَے خُداوند ایہہ گُناہ ایہناں دے پیٹے نا پا۔ تے ایہہ آکھ کے اوہ سوؤں گیا۔

اعمال 9:40

پر پطرس اوہناں سبھناں نُوں باہر کڈھ کے تے گوڈے نواکے دُعا منگی۔ تے مَیّت ولّ مُنھ کر کے آکھیا۔ تبِیتا اُٹھ۔ تَد اوس اَکھّیاں کھولِیاں تے پطرس نُوں ویکھ کے اُٹھ بَیٹھی۔

عِبرانیوں 5:7

جدوں اپنی جِسم دے چولے وِچ سی تَد اوس ڈاہڈے وَین کر کے تے اتھرُو وگا کے اوہدے اگّے دُعا تے مِنّتاں کِیتیاں جیہڑا اوہنوں مَوتوں بچا سکدا سی تے اوہدی خُدا ترسی دے سبّب اوہدی سُنی گئی۔