لُوقا 2:9 - پنجابی نواں عہد نامہ نظرثانی شدہ چھپائی

⁹ تے خُداوند دا فرِشتہ اوہناں دے کول آ کے کھلو گیا۔ تے خُداوند دا نُور اوہناں دے چَوفیرے چمکیا تے اوہ بڑے ای ڈر گئے۔

لُوقا 2:9 ပူးပေါင်းရင်းမြစ်များ

متّی 1:20

پر جد اوہ ایہناں گلّاں دی سوچ وچار کر دا سی۔ ویکھو خُداوند دے فرِشتے سُفنے وِچ اوہنوں وکھالی دے کے آکھیا۔ اَے یُوسف داؤد دے پُتر۔ تُوں اپنی بیوی مریم نُوں اپنے کول لیاؤن توں نا ڈر۔ کیوں جو جیہڑا اوہدے گربھ وِچ ہویا ایہہ پاک رُوح توں اے۔

لُوقا 1:28

تے اوس اوہدے کول اندر آ کے آکھیا۔ سلام تینُوں جِہدے اُتّے فضل ہویا اے۔ خُداوند تیرے نال اے۔

لُوقا 2:8

تے اوس دیس وِچ ایّالی سن جیہڑے جُوہ وِچ رہ کے رات نُوں اپنے اِجّڑاں دی راکھی لئی پَہرا پئے دیندے سن۔

لُوقا 24:4

تے ایویں ہویا جد اوہ ایس گلّے حَیران سن تے ویکھو دو بندے چمکن والے کپڑے پائے ہوئے اوہناں دے کول آکھلوتے۔

یُوحنّا 12:41

یسعیاہ ایہہ گلّاں آکھیاں کیوں جو اوس اوہدا جلال دیکھیا تے اوس اوہدیاں گلّاں کِیتیاں۔

اعمال 12:7

تے ویکھو خُدا دا اِک فرِشتہ آ کھلوتا۔ تے اوس کوٹھڑی وِچ نُور چمکیا تے اوس پطرس دی وَکھّی اُتّے مار کے جگایا۔ تے اوہنوں آکھیا چھیتی نال اُٹھ کھلو۔ تے اوہدیاں ہتھکڑیاں اوہدیاں ہتّھاں توں جھڑ پئیاں۔

اعمال 27:23

کیوں جو خُدا جِہدا مَیں آں تے جِہدی عبادت وی کرنا آں۔ اوہدا فرِشتہ اَج راتِیں میرے کول آیا۔

اعمال 5:19

پر خُداوند دے فرِشتے رات نُوں قیدخانے دا بُوہا کھو لیا۔ تے اوہناں نُوں باہر لیا کے آکھیا۔

۲-کُرِنتھِیوں 3:18

پر جد اساں سبھناں دے بے پردہ چِہریاں توں خُداوند دے جلال دا ایس طرح عکس پَیندا اے جیویں شیشے توں۔ تے اوس خُداوند دی راہِیں جیہڑا رُوح اے۔ اسی اوسے ای جلالی صُورت وِچ درجہ بدرجہ بدلدے جانے آں۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

۱-تِیمُتِھیُس 3:16

ایہدے وِچ شک نئیں پئی دِینداری دا بھید وَڈا اے یعنی اوہ جیہڑا جِسم وِچ ظاہر ہویا۔ تے رُوح وِچ راستباز مِتھیا گیا۔ تے فرِشتیاں وِچ وکھالی دِتّا۔ غیر قوماں وِچ اوہدی منادی ہوئی دُنیا وِچ مَنّیا گیا۔ تے جلال وِچ اُتانہہ چُکیا گیا۔

عِبرانیوں 12:21

تے جو کُجھ دسیا اوہ اینج ڈرؤانا سی پئی مُوسیٰ آکھیا پئی مَیں ڈرناں تے کمبناں آں۔

مُکاشفہ 18:1

ایہناں گلّاں دے پِچّھوں مَیں اِک ہور فرِشتے نُوں اسمان توں اُتر دیاں ہویاں ویکھیا۔ جِہدا بڑا اختیار سی تے زمین اوہدے جلال توں روشن ہوگئی۔

مُکاشفہ 20:11

فیر مَیں اِک وڈّے چِٹّے تخت نُوں تے اوہنوں جیہڑا اوہدے اُتّے بَیٹھا ہویا سی ویکھیا۔ جِہدے اگّوں زمین تے اسمان بھج گئے۔ تے اوہناں نُوں کِدھرے تھاں نا مِلیا۔