لُوقا 2:25 - پنجابی نواں عہد نامہ نظرثانی شدہ چھپائی

²⁵ تے ویکھو یرُوشلِیم وِچ شمعُون ناں اِک بندہ سی۔ تے اوہ نیک تے دِیندار سی تے اوہ اِسرائیل دی تسلّی دی اُڈِیک وِچ سی۔ تے رُوحُ القُدس اوہدے اُتّے سی۔

لُوقا 2:25 ပူးပေါင်းရင်းမြစ်များ

مرقس 15:43

تے یُوسف ارِمَتِیاہ دا اِک عِزّت والا صلاحکار جیہڑا آپ وی خُدا دی بادشاہی دی اُڈِیک وِچ سی آیا۔ تے تگڑا ہو کے پِیلاطُس کول اندر گیا۔ تے یِسُوع دی لوتھ منگی۔

لُوقا 1:41

تے ایویں ہویا پئی جیویں ای اِلیشِبَع نے مریم دا سلام سُنیا تیؤں بچّہ اوہدی کُکھ وِچ اُچھل پیا تے اِلیشِبَع پاک رُوح نال بھر گئی۔

لُوقا 1:6

اوہ دوویں خُدا دے اگّے نیک سن۔ تے خُداوند دے سارے حُکماں تے قانُوناں اُتّے بے عیب چَلّن والے سن۔

لُوقا 1:67

تے اوہدا پئیو زکریاہ پاک رُوح نال بھر گیا تے نبُوّت کر کے آکھن لگّا۔

لُوقا 2:38

تے اوس وی اوسے ویلے آ کے خُدا دا شُکر کِیتا تے اوہناں سبھناں نال اوہدا ذِکر کِیتا جیہڑے یرُوشلِیم وِچ چُھٹکارے نُوں پئے اُڈِیک دے سن۔

لُوقا 23:51

تے اوہ اوہناں دی صلاح تے کمّ وِچ شریک نئیں سی۔ اوہ یہُودِیاں دے ارِمَتِیاہ شہر دا سی۔ تے آپ خُدا دی بادشاہی دی اُڈِیک رکھدا سی۔

اعمال 10:2

اوہ اپنے سارے گھرانے سَنے دِیندار تے خُدا کولوں ڈردا سی۔ تے لوکاں نُوں بُہت خَیرات دیندا تے نِت خُدا کولوں دُعا منگدا سی۔

اعمال 10:22

اوہناں آکھیا پئی کُرنِیلِیُس صُوبیدار جیہڑا نیک تے خُدا کولوں ڈردا اے۔ تے یہُودِیاں دی ساری قوم وِچ نیک ناں اے اوہنوں اِک پاک فرِشتہ دی راہِیں حُکم مِلیا۔ پئی تینُوں اپنے گھر وِچ سَدّ لیا وے تے تَیتھوں گلّاں سُنے۔

اعمال 2:5

تے دِیندار یہُودی ہر اِک قوم وِچوں جیہڑی اسمان دے ہیٹھ اے اودُوں یرُوشلِیم وِچ رہندے سن۔

اعمال 24:16

مَیں وی ایہدے وِچ کوشش کرنا آں۔ پئی خُدا تے بندیاں دے اگّے میرا دِل کَدے مَینُوں ملامت نا کرے۔

۲-پطرس 1:21

کیوں جو کوئی نبُوّت بندیاں دی مرضی نال نئیں ہوئی سگوں بندے پاک رُوح دی جُنبش نال خُدا ولّوں بولدے سن۔