لُوقا 2:1 - پنجابی نواں عہد نامہ نظرثانی شدہ چھپائی

¹ تے اوہناں دِناں وِچ ایویں ہویا پئی قَیصر اَوگُوستُس ولّوں حُکم جاری ہویا پئی ساری دُنیا دے لوکاں دے ناں لِکھے جان۔

لُوقا 2:1 ပူးပေါင်းရင်းမြစ်များ

متّی 22:17

سانُوں دس تُوں کِیہ سمجھنا ایں۔ پئی قَیصر نُوں جزیہ دینا چاہیدا اے کہ نئیں؟

متّی 24:14

تے بادشاہی دی ایس خُوشخبری دی منادی ساری دُنیا وِچ کِیتی جائے گی۔ تاں جو سارِیاں قوماں نُوں گواہی ہوئے تَد اخِیر ہوئے گا۔

مرقس 14:9

تے مَیں تُہانوں سَچ آکھنا آں۔ پئی ساری دُنیا وِچ جِتّھے کِتّھے اِنجِیل دی منادی کِیتی جائے گی اوتھے ایہدا وی جو ایس کِیتا اے اوہدی یادگیری دے لئی ذِکر ہوئے گا۔

مرقس 16:15

تے اوس اوہناں نُوں آکھیا۔ تُسی ساری دُنیا وِچ جا کے ساری خلقت دے اگّے اِنجِیل دی منادی کرو۔

لُوقا 2:3

تَد سبھ لوک اپنے اپنے شہر نُوں ناں لکھان گئے۔

لُوقا 2:5

تاں جو اوہ مریم دے نال جیہڑی اوہدی منگ سی۔ تے اوہنوں اُمّیدواری سی۔ اپنا ناں لکھاوے۔

لُوقا 3:1

تِبرِیُس قَیصر دے راج دے پندرھویں ورھے وِچ جِس ویلے پُنطِیُس پِیلاطُس یہُودیہ دا حاکم سی۔ تے ہیرودیس گلِیل دا حاکم سی تے اوہدا بھرا فِلپُّس اِتُوریہَّ تے ترخونیتِس دے مُلک دا۔ تے لِسانیاس اَبِلینے دا حاکم سی۔

اعمال 11:28

اوہناں وِچوں اِک اَگَبُس کر کے اُٹھیا۔ تے رُوح دی راہِیں خبر دِتّی۔ پئی ساری دُنیا وِچ بڑا کال پَین والا اے۔ تے کلَودِیُس دے سَمے وِچ ایہہ کال پَے گیا۔

اعمال 25:11

سو جے مَیں تقصِیری آں۔ تے مَوت دے لائق کُجھ کِیتا ہوئے۔ تاں مَیں مرن توں عُذر نئیں کر دا۔ پر جے ایہناں گلّاں وِچ جِنہاں دا ایہہ میرے اُتّے الزام لاؤندے نیں کُجھ اصل نئیں اے تَد کِسے دا حق نئیں پئی مَینُوں اوہناں دی رَئی نال اوہناں دے ہتّھ دے چھڈے مَیں قَیصر اگّے دوہائی دینا آں۔

اعمال 25:21

پر پَولُس نے جد دوہائی دِتّی پئی شہنشاہ دی عدالت وِچ میرا فیصلہ ہوئے تاں مَیں حُکم دِتّا پئی جد تِیکر مَیں اوہنوں قَیصر کول نا گھلاں قید وِچ رکھیا جائے۔

رُومِیوں 1:8

پہلاں تے مَیں یِسُوع مسِیح دی راہِیں تُہاڈے سبھناں لئی اپنے خُدا دا شُکر کرنا آں۔ پئی تُہاڈے اِیمان دی مشہُوری سارے جہان وِچ ہوندی اے۔

فِلِپّیوں 4:22

سارے پاک لوک خاص کر قَیصر دے گھر والے تُہانوں سلام آکھدے نیں۔