لُوقا 18:7 - پنجابی نواں عہد نامہ نظرثانی شدہ چھپائی

⁷ خُدا اپنے چُنیاں ہویاں لوکاں دا جیہڑے دِنیں راتِیں اوہنوں فریاد کر دے نیں نیاں نا کرے گا؟ کِیہ اوہ اوہناں دا چوکھا چِر لاؤندا اے؟

لُوقا 18:7 ပူးပေါင်းရင်းမြစ်များ

متّی 24:22

تے جے اوہ دِن گھٹائے نا جاندے تے اِک جی وی نا بچدا پر چُنیاں ہویاں دی خاطر اوہ دِن گھٹائے جان گے۔

متّی 24:24

کیوں جو جُھوٹھے مسِیح تے جُھوٹھے پیغمبر اُٹھن گے۔ تے بھارے نِشان تے کراماتاں وکھان گے۔ اجیہے پئی جے ہو سکے تے اوہ چُنیاں ہویاں نُوں وی گُمراہ کر لین۔

متّی 7:11

سو جدوں تُسی جیہڑے بُرے ہو اپنیاں بچّیاں نُوں چَنگیاں شیواں دینیاں جان دے ہو تے تُہاڈا باپ جیہڑا اسمان اُتّے اے اوہناں نُوں جیہڑے اوہدے کولوں منگدے نیں۔ چَنگیاں شیواں ضرُور دے گا۔

لُوقا 11:13

سو جے تُسی بُرے ہو کے اپنے بالاں نُوں چَنگیاں شیواں دیناں جان دے ہو۔ تے اوہ باپ جیہڑا اسمان دا اے اوہناں نُوں جیہڑے اوہدے توں منگدے نیں۔ پاک رُوح ضرُور دیوے گا۔

لُوقا 2:37

تے اوہ چَوراسِیاں ورھیاں توں بیوہ سی۔ تے ہیکل نُوں نئیں سی چھڈ دی پر رات دِنے روزیاں تے دُعاواں نال خُدا دی بندگی کر دی سی۔

لُوقا 21:28

تے جد ایہہ گلّاں ہون لگّن تَد سِدّھے ہو کے اپنے سِر اُتانہہ چُکو۔ ایس لئی پئی تُہاڈی خلاصی نیڑے آگئی اے۔

رُومِیوں 8:33

خُدا دے چُنیاں ہویاں نُوں کیہڑا الزام دے گا؟ ایہہ خُدا ای جیہڑا سَتی بناندا اے۔

کُلُسِّیوں 3:12

سو خُدا دے چُنیاں ہویاں وانگر۔ جیہڑے پاک تے پیارے نیں۔ رَحم دِلی تے مِہربانی تے عاجزی تے حلِیمی تے برداشت دا لباس پاؤ۔

۱-تھِسّلُنِیکوں 3:10

اسی دِنے راتِیں بُہت وَدّھ کے دُعا منگنے آں۔ پئی تُہاڈی صُورت ویکھئے۔ تے تُہاڈے اِیمان دے گھاٹے نُوں پُوریاں کرئیے۔

۲-تھِسّلُنِیکوں 1:6

کیوں جو خُدا دے اگّے ایہہ نیاں اے۔ پئی بدلے وِچ تُہاڈے دُکھ دین والِیاں نُوں دُکھ۔

۱-تِیمُتِھیُس 5:5

جیہڑی سَچّی مُچّی رَنڈی اے۔ تے اوہدا کوئی وی نئیں۔ اوہ خُدا اُتّے آس رکھدی اے۔ تے راتِیں دِنے بینتی تے دُعا وِچ لگّی رہندی اے۔

۲-تِیمُتِھیُس 1:3

جیہڑے خُدا دی بندگی وِچ صاف دِل نال پئیو دادیاں دے طریقے اُتّے کرنا واں اوہدا شُکر کرنا آں۔ پئی اپنیاں دُعاواں وِچ ہرویلے تینُوں یاد کرنا آں۔

۲-تِیمُتِھیُس 2:10

ایسے سبّب مَیں چُنیاں ہویاں لوکاں دی خاطر سبھ کُجھ سہنا آں پئی اوہناں نُوں وی اوہ نجات جیہڑی مسِیح یِسُوع وِچ اے۔ سدا دے جلال نال مِل جائے۔

طِطُس 1:1

پَولُس ولّوں جیہڑا خُدا دا غلام تے یِسُوع مسِیح دا رسُول اے خُدا دے چُنیاں ہویاں دے اِیمان تے اوس سچیائی دی پچھان لئی جیہڑی دِینداری سیتی اے۔

۱-پطرس 1:1

یِسُوع مسِیح دے رسُول پطرس ولّوں اوہناں کھِلّرے ہوئے پردیسیاں نُوں جیہڑے پُنطُس۔ گلِتیہ۔ کَپّدُکیہ۔ آسِیہ تے بتُھنیہ وِچ نیں۔

۲-پطرس 3:9

خُداوند اپنے وعدے وِچ چِر نئیں لاندا جیویں بعضے سمجھدے نیں۔ سگوں تُہاڈی بابت صبر کر دا اے۔ ایس لئی پئی اوہ کِسے دی ہلاکت نئیں چاہندا۔ سگوں ایہہ چاہندا اے۔ پئی سارے تَوبہ کرن۔

مُکاشفہ 18:20

اَے اسمانوں تے اَے پاک لوکو۔ تے رسُولو تے نبیو۔ اوہدے اُتّے خُوشی کرو کیوں جو خُدا انصاف کر کے اوہدے کولوں تُہاڈا بدلہ لے لیا۔

مُکاشفہ 6:10

تے اوہ اُچّی اُچّی آکھن لگِیاں پئی اَے مالک قُدُّوس تے سَچّے تُوں کد تِیکر انصاف نا کریں گا تے زمین دے رہن والیاں توں ساڈے خُون دا بدلہ نا لَویں گا؟

مُکاشفہ 7:15

ایسے صدقہ ایہہ خُدا دے تخت اگّے نیں تے ہیکل وِچ دِنے راتِیں اوہدی بندگی کر دے نیں۔ تے جیہڑا تخت اُتّے بَیٹھا ہویا اے اوہ اپنا تنبُو اوہناں دے اُتّے تانیں گا۔