لُوقا 17:6 - پنجابی نواں عہد نامہ نظرثانی شدہ چھپائی
6 خُداوند آکھیا۔ جے تُہاڈے وِچ رائی دے دانے جِنّاں اِیمان ہوندا۔ تے جے تُسی ایس تُوت دے بُوٹے نُوں آکھدے۔ پئی جڑوں پُٹیا جا تے سمُندر دے وِچ جا لگ۔ تے اوہ تُہاڈے آکھے لگدا۔
تے اوس اوہناں نُوں آکھیا اپنے اِیمان دی کمزوری دے سبّب کیوں جو مَیں تُہانوں ٹھیک آکھنا آں پئی جے تُہاڈا اِیمان رائی دے دانے جِنّاں وی ہوئے تے تُسی ایس پہاڑ نُوں آکھو گے۔ ”ایدھروں ہَٹ کے اوتھے ٹُرجا“ تے اوہ ٹُر جائے گا۔ تے تُہاڈے اگّے کوئی کمّ اَنہونا نا ہوئے گا۔
مَیں تُہانوں سَچ آکھنا آں پئی جے کر یقِین کرو تے شک نا کرو تے تُسی نِرا ایہو ای نا کرو گے جیویں ہنجیر دے بُوٹے نال ہویا۔ پر جے ایس پہاڑ نُوں وی آکھو گے پئی اُٹھ تے سمُندر وِچ جا پَو تے ہو جائے گا۔
اوہ رائی دے دانے وانگر اے۔ جِہنُوں کِسے بندے لے کے باغ وِچ سُٹّیا تے اوہ وَدّھیا تے وَڈا رُکھّ بن گیا۔ تے اسمان دے پنچھیاں اوہدی ٹہنِیاں اُتّے آہلنے بنائے۔
تے جے مَینُوں نبُوّت مِلے تے ساریاں بھیتاں تے سارے عِلم دی واقفی ہوئے تے میرا اِیمان ایتھوں تِیکر پَکّا ہوئے۔ پئی پہاڑاں نُوں ہٹا دیاں۔ تے مَیں مُحبّت نا رکھاں تے مَیں کُجھ وی نئیں۔