لُوقا 17:30 - پنجابی نواں عہد نامہ نظرثانی شدہ چھپائی

³⁰ جِس دِن اِبنِ آدم ظاہر کِیتا جاندا اے۔ ایسے طرح ہوئے گا۔

لُوقا 17:30 ပူးပေါင်းရင်းမြစ်များ

متّی 16:27

کیوں جو اِبنِ آدم اپنے باپ دے جلال وِچ اپنے فرِشتیاں دے نال آوے گا۔ تے اوس ویلے ہر اِک نُوں اوہدی کرنی دے سبّبوں پَھل دیوے گا۔

متّی 24:3

تے جد اوہ زَیتُوناں دے پہاڑ اُتّے بَیٹھا ہویا سی اوہدے شاگِرداں وَکھریاں ہو کے اوہدے کولوں پُچھیا۔ سانُوں دس ایہہ گلّاں کدوں ہون گِیاں؟ تے تیرے آؤن دا تے ایس زمانے دے مُک جان دا کِیہ نِشان اے؟

متّی 24:37

پر جیویں نُوح دے دِن سن اوسے طرح اِبنِ آدم دا آؤنا ہوئے گا۔

متّی 24:39

تے اوہناں نُوں خبر نا ہوئی جد تِیکر جھکھڑ آ کے اوہناں سبھناں نُوں روہڑ کے نا لے گیا۔ ایسے طرح اِبنِ آدم دا آؤنا ہوئے گا۔

متّی 26:64

یِسُوع اوہنوں آکھیا تُوں آپے آکھ دِتّا اے فیر وی مَیں تُہانوں آکھنا آں پئی ایدوں اگّے تُسی اِبنِ آدم نُوں قُدرت دے سَجّے ہتّھ بَیٹھیاں ہویاں تے اسمان دے بدّلاں اُتّے آؤندیاں ویکھو گے۔

مرقس 13:26

تے اوس ویلے اِبنِ آدم نُوں بڑی قُدرت تے جلال نال بدّلاں اُتّے آؤندیاں ویکھن گے۔

لُوقا 17:24

کیوں جو جیویں بِجلی اپنا لشکارا اسمان دے ہیٹھ اِک پاسیوں لشکا کے دُوجے پاسے توڑی پاندی اے۔ اوسے طرح اِبنِ آدم اپنے دِن وِچ ہوئے گا۔

لُوقا 17:29

پر جِس دِن لُوط سدُوموں نِکلیا۔ اَگ تے گندھک اسمانوں وَسّی تے ساریاں دا ناس کِیتا۔

لُوقا 21:22

کیوں جو اوہ دِن بدلہ لین دے نیں۔ جِنہاں وِچ اوہ سبھ کُجھ جو لِکھیا ہویا اے پُورا ہوئے۔

لُوقا 21:27

تَد اوہ اِبنِ آدم نُوں بدّل وِچ قُدرت تے بڑے جلال نال آؤندیاں ویکھن گے۔

۱-کُرِنتھِیوں 1:7

ایتھوں توڑی پئی تُسی کِسے نِعمت وِچ ہورناں نالوں گھٹ نئیں تے ساڈے خُداوند یِسُوع مسِیح دے ظاہر ہون دی اُڈِیک وِچ اوہ۔

۱-کُرِنتھِیوں 1:8

جیہڑا تُہانوں اوڑک تِیکر قیم وی رکھّے گا۔ تاں جو تُسی ساڈے خُداوند یِسُوع مسِیح دے دِن بے عیب ٹھیرو

کُلُسِّیوں 3:4

جد مسِیح جیہڑا ساڈی زِندگی اے۔ ظاہر کِیتا جائے گا تے تُسی وی جلال وِچ اوہدے نال ظاہر کِیتے جاؤ گے۔

۲-تھِسّلُنِیکوں 1:7

تے تُہانوں دُکھ سہن والیاں نُوں ساڈے نال آرام دیوے۔ اوس ویلے جدوں خُداوند یِسُوع اپنیاں زوراور فرِشتیاں نال مُچّی ہوئی اَگ وِچ اسمانوں ظاہر ہوئے گا۔

۱-پطرس 1:13

ایس واسطے اپنی عقل دا لکّ بَنّھ کے تے ہُشیار ہو کے اوس فضل دی پُوری آس رکھو جیہڑا یِسُوع مسِیح دے وکھالی دین دے ویلے تُہاڈے اُتّے ہون والا اے۔

۱-پطرس 1:7

تے ایہہ ایس واسطے ہویا اے۔ پئی تُہاڈا پرکھیا ہویا اِیمان جیہڑا اَگ نال پرکھے ہوئے فانی سونے نالوں بُہتے مُل دا اے یِسُوع مسِیح دے ظاہر ہون دے ویلے وڈیائی تے جلال تے عِزّت دا سبّب ہوئے۔

۱-پطرس 4:13

سگوں تُسی خُوشی کرو۔ پئی تُسی مسِیح دیاں دُکھاں وِچ سنگی اوہ۔ تاں جو اوہدے جلال دے ظاہر ہون دے ویلے بے انت خُوشی کرو۔

۱-یُوحنّا 2:28

سو بچّیو! اوہدے وِچ قیم رہو۔ تاں جو اوہدے ظاہر ہون دے ویلے سانُوں دلیری ہوئے۔ تے اوہدے آؤن دے ویلے اوہدے اگّے سانُوں نموشی نا ہوئے۔

۱-یُوحنّا 3:2

پیاریو! اسی ہُن خُدا دے پُتر آں۔ تے اجے تِیکر ایہہ ظاہر وی نئیں ہویا پئی کِیہ ہوواں گے۔ اَیناں جاننے آں پئی جدوں اوہ ظاہر ہوئے گا۔ تے اسی وی اوہدے وانگر ہوواں گے۔ کیوں جو جِہا اوہ ہے تِہا ای اوہنوں ویکھاں گے۔

مُکاشفہ 1:7

ویکھو اوہ بدّلاں دے نال آؤن والا اَے۔ تے ہر اِک اَکھ اوہنوں ویکھے گی۔ تے جِنہاں اوہنوں وِنّھیا سی۔ اوہ وی ویکھن گے تے زمین دے سارے خاندان اوہدے سبّب پٹنگے بے شک۔ آمِین۔