لُوقا 17:2 - پنجابی نواں عہد نامہ نظرثانی شدہ چھپائی

² جے چکّی دا پُڑ اوہدے گل پایا جاندا تے اوہ سمُندر وِچ سُٹّیا جاندا تے اوہدے لئی ایس نالوں چَنگا سی پئی اوہ ایہناں نِکّیاں وِچوں اِک نُوں ٹھوکر کھوائے۔

لُوقا 17:2 ပူးပေါင်းရင်းမြစ်များ

متّی 17:27

پر ایس کر کے پئی ساڈے توں اوہناں نُوں ٹھوکر نا لگّے تُوں جا کے سمُندر وِچ کُنڈی سُٹ تے جیہڑی مچّھی پہلاں نِکلے تُوں پَھڑلَے۔ تے اوہدا مُنھ کھول تے تینُوں اِک مِثقال لَبھّے گا۔ اوہنوں لے کے میرے تے اپنے واسطے اوہناں نُوں دے۔

متّی 18:10

خبردار ایہناں نِکّیاں وِچوں کِسے نُوں ماڑا نا جانو۔ کیوں جو مَیں تُہانوں آکھنا آں۔ پئی اوہناں دے فرِشتے اسماناں وِچ ہمیشہ میرے باپ دا مُنھ جیہڑا اسماناں وِچ اے ویکھدے نیں۔

متّی 18:14

ایسے طرح تُہاڈے باپ دی جیہڑا اسماناں اُتّے اے مرضی نئیں اے پئی ایہناں نِکّیاں وِچوں اِک وی برباد ہوئے۔

متّی 26:24

اِبنِ آدم تے جان دا اے جیویں اوہدے حق وِچ لِکھیا ہویا اے۔ پر ہائے افسوس اوس بندے اُتّے جیہدی راہِیں اِبنِ آدم پھڑوایا جاندا اے۔ اوس بندے لئی بھلا ہوندا جے اوہ نا جمدا۔

مرقس 9:42

تے جے کوئی ایہناں نِکّیاں وِچوں جیہڑے میرے اُتّے اِیمان لیاؤندے نیں اِک نُوں ٹھوکر کھوائے۔ اوہدے لئی ایہہ چَنگا سی پئی چکّی دا پُڑ اوہدے گلّ وِچ پایا جاندا تے اوہ سمُندر وِچ سُٹّیا جاندا۔

یُوحنّا 21:15

سو جد اوہناں کھالیا۔ یِسُوع نیں شمعُون پطرس نُوں آکھیا۔ اَے شمعُون یُوحنّا دے پُتر تُوں ایہناں توں میرے نال وَدّھ مُحبّت رکھنا ایں؟ تے اوس اوہنوں آکھیا اَے خُداوند تُوں تے جاننا ایں پئی مَیں تینُوں پیار کرنا آں اوس اوہنوں آکھیا میرے لیلے چار۔

۱-کُرِنتھِیوں 9:15

پر مَیں ایہناں وِچوں کِسے اُتّے عمل نئیں کِیتا۔ نا ایس مطلب نال ایہہ لِکھیا۔ پئی میرے لئی اجیہا ہوئے۔ کیوں جو میرا مر جانا ای اوہدے نالوں چَنگا اے۔ پئی کوئی میرا فخر گواوے۔

۱-کُرِنتھِیوں 9:22

کمزوراں لئی مَیں کمزور بنیا۔ تاں جو کمزوراں نُوں کھِچّ لیاواں۔ مَیں ساریاں بندیاں لئی سبھ کُجھ بنیا ہویا آں۔ تاں جو کِسے طرح نال بعضیاں نُوں بچاواں۔