لُوقا 16:9 - پنجابی نواں عہد نامہ نظرثانی شدہ چھپائی

⁹ تے مَیں تُہانوں آکھنا آں۔ پئی بُرائی دی دَولت دے وسیلے اپنے لئی دوست بناؤ تاں جو جِس ویلے ایہہ مُک جائے گی تدوں اوہ ہمیشہ دے ڈیریاں وِچ تُہانوں جگہ دین۔

لُوقا 16:9 ပူးပေါင်းရင်းမြစ်များ

متّی 19:21

یِسُوع نے اوہنوں آکھیا جے تُوں کامِل ہونا چاہنا ایں تے جا کے اپنا سبھ کُجھ ویچ تے غرِیباں نُوں دے تے تینُوں اسمان اُتّے خزانہ مِلے گا۔ تَد آ کے میرے مگر ٹُر پَو۔

متّی 6:19

زمین اُتّے اپنے لئی خزانہ اکٹّھا نا کرو جِتّھے کِیڑا تے جنگال خراب کر دے تے جِتّھے چور وی سَنّھ مار دے تے چُرا لے جاندے نیں۔

متّی 6:24

کوئی بندہ دو مالکاں دی سیوا نئیں کر سکدا ایس لئی پئی یا اِک نال وَیر رکھّے گا تے دُوجے نال پیار یا اِک نال مِلیا رہے گا تے دُوجے نُوں کُجھ نا سمجھے گا۔ تُسی خُدا تے دَولت دو آں دی سیوا نئیں کر سکدے۔

لُوقا 11:41

پر ہاں اندرلیاں شیواں خَیرات کرو۔ تے ویکھو سبھ کُجھ تُہاڈے لئی پاک اے۔

لُوقا 12:33

اپنا مال ویچ کے خَیرات کرو تے اپنے لئی اوہ بٹوے بناؤ جیہڑے پرانے نئیں ہوندے۔ تے اوہ خزانہ جیہڑا تُھڑدا نئیں مطلب اسماناں دے وِچ جِتّھے چور نیڑے نئیں آؤندا تے نا کِیڑا خراب کر دا اے۔

لُوقا 14:14

تَد تُوں مُبارک ہوویں گا کیوں جو اوہناں دے پلّے کُجھ نئیں اے۔ پئی تینُوں بدلہ دین۔ سو تینُوں نیکاں دی قیامت وِچ بدلہ دِتّا جائے گا۔

لُوقا 16:11

سو جے تُسی جُھوٹھی دَولت وِچ وفادار نا ہوئے۔ تے سَچّی دَولت تُہانوں کون سونپے گا؟

لُوقا 16:13

کوئی نوکر دو مالکاں دی خِدمت نئیں کر سکدا۔ ایس لئی پئی اوہ اِک نال وَیر رکھّے گا تے دُوجے نال مُحبّت یا اِک نال مِلیا رہے گا۔ تے دُوجے نُوں کُجھ نا سمجھے گا تُسی خُدا دی تے دَولت دوہاں دی خِدمت نئیں کر سکدے ہو۔

لُوقا 16:4

مَیں جان گیا۔ پئی کِیہ کراں گا تاں جو جِس ویلے مُختیارِیوں ہٹایا جاواں لوک مَینُوں اپنے گھراں وِچ جگہ دین۔

اعمال 10:31

آکھدا اے۔ اَے کُرنِیلِیُس تیری دُعا سُنی گئی۔ تے تیری خَیرات دی خُدا دی درگاہ وِچ یاد ہوئی۔

اعمال 10:4

اوس اوہدے ولّ دھیان کر کے ویکھیا۔ تے ڈر کے آکھیا۔ اَے خُداوند کِیہ اے؟ اوس اوہنوں آکھیا۔ تیریاں عرضاں تے تیریاں خَیراتاں یادگیری لئی خُدا دی درگاہ وِچ اَپڑ گِئیاں نیں۔

۲-کُرِنتھِیوں 4:17

کیوں جو ساڈی پَل کُو دی ہَولی جیہی مُصِیبت ساڈے لئی بُہت ای بھارا تے سدا دا جلال پَیدا کر دی جاندی اے۔

یہُوداہ 1:21

اپنے آپ نُوں خُدا دی مُحبّت وِچ پَکیّاں رکھو۔ تے سدا دی زِندگی لئی ساڈے خُداوند یِسُوع مسِیح دی رحمت دی اُڈِیک رکھو۔