لُوقا 16:2 - پنجابی نواں عہد نامہ نظرثانی شدہ چھپائی

² تَد اوس اوہنوں سَدّ کے آکھیا۔ ایہہ کِیہ اے۔ جو مَیں تیرے حق وِچ سُننا آں؟ اپنی مُختیاری دا حِساب دے۔ کیوں جو تُوں اگّے نُوں مُختِیار نئیں رہ سکدا۔

لُوقا 16:2 ပူးပေါင်းရင်းမြစ်များ

متّی 12:36

پر مَیں تُہانوں آکھنا آں پئی ہر اِک وادھی گلّ جیہڑی لوکی بولن گے عدالت دے دِن اوہ اوہدا حِساب دین گے۔

متّی 20:8

تے جد شام پئی تَد انگور دے باغ دے مالک اپنے مُختِیار نُوں آکھیا۔ کامیاں نُوں سَدّ تے پِچّھلیاں توں لے کے پہلیاں تِیکر اوہناں نُوں مزدُوری دے۔

لُوقا 12:20

پر خُدا اوہنوں آکھیا اَے نادان اَجّو رات نُوں تیری جان تَیتھوں منگی جاندی اے۔ سو جو کُجھ تُوں تیار کِیتا اے۔ اوہ کِدا ہوئے گا؟

لُوقا 12:42

خُداوند آکھیا کیہڑا اے اوہ اعتباری تے داناکار مُختِیار جِہنُوں مالک اپنے نَوکراں اُتّے مُقرّر کرے۔ پئی ویلے سر رسد ونڈ دیوے؟

لُوقا 16:1

تے اوس شاگِرداں نُوں وی آکھیا پئی اِک دَولت مند بندہ سی جِہدا اِک مُختِیار سی تے لوکاں اوہدے کول اوہدا گِلہ کِیتا۔ پئی ایہہ تیرا مال اُڈاؤندا اے۔

لُوقا 16:3

اوس مُختِیار اپنے جی وِچ آکھیا۔ مَیں کِیہ کراں؟ کیوں جو میرا مالک مُختیاری مَیتھوں کھو لَیندا اے۔ اودھر کَہی مَیتھوں ماری نئیں جاندی تے منگدیاں شرم آؤندی اے۔

رُومِیوں 14:12

سو ساڈے وِچوں ہر کوئی خُدا نُوں اپنا اپنا حِساب دے گا۔

۱-کُرِنتھِیوں 1:11

کیوں جو بھراؤ! تُہاڈی بابت مَینُوں خلوئے دے کئیاں توں پتا لگّا۔ پئی تُہاڈے وِچ جھگڑے ہوندے نیں۔

۱-کُرِنتھِیوں 4:2

تے ایتھے مُختِیار وِچ ایہہ گلّ ویکھی جاندی اے۔ پئی دیانتدار ہوئے۔

۱-کُرِنتھِیوں 4:5

سو جد تِیکر خُداوند نا آوے۔ ویلے توں پہلاں کِسے کمّ دا فیصلہ نا کرو اوہو ہنیرے دِیاں چُھپیاں ہویاں گلّاں نُوں روشن کر دے گا۔ تے دِلاں دے منصُوبے ظاہر کر دے گا۔ اوس ویلے ہر اِک دی وڈیائی خُدا ولّوں ہوئے گی۔

۲-کُرِنتھِیوں 5:10

کیوں جو ضرُوری گلّ اے پئی مسِیح دے عدالت دے تخت دے اگّے جا کے ساڈے سبھناں دا حال کُھل جاوے۔ تاں جو ہر کِسے نُوں اوہدیاں اوہناں کمّاں دا بدلہ مِلے۔ جیہڑے اوس بدن دی راہِیں کِیتے ہون۔ بھانویں بھلے تے بھانویں بُرے۔

۱-تِیمُتِھیُس 4:14

اوس بخشِش نُوں نا بُھل جیہڑی تیرے کول اے۔ تے نبُوّت دی راہِیں بزُرگاں دے ہتّھ رکھن نال تینُوں مِلی سی۔

۱-تِیمُتِھیُس 5:24

بُہتے بندیاں دے گُناہ ظاہر ہو جاندے نیں۔ تے پہلاں ای عدالت وِچ اَپڑ جاندے نیں۔ تے بتھیریاں دے پِچّھوں اَپڑ دے نیں۔

۱-پطرس 4:10

جِنّی نِعمت کِسے نُوں مِلی اے اوہ اوہنوں خُدا دِیاں سارِیاں نِعمتاں دے چنگے نَوکراں وانگر دُوجے دی سیوا واسطے ورتیا کرے۔

۱-پطرس 4:5

اوہ اوسے نُوں لیکھا دین گے۔ جیہڑا جِیوندیاں تے مُردیاں دی عدالت کرن نُوں تیار اے۔

مُکاشفہ 20:12

فیر مَیں سارے نِکّے وڈّے مُردے اوس تخت دے اگّے کھلوتے ہوئے ویکھے۔ تے کِتاباں کھولِیاں گِئیاں۔ فیر اِک ہور کتاب کھولی گئی یعنی حیاتی دی کتاب۔ جیویں اوہناں کِتاباں وِچ لِکھیا ہویا سی۔ اوہناں دیاں کمّاں دے سببّوں مُردیاں دا انصاف کِیتا گیا۔