لُوقا 11:9 - پنجابی نواں عہد نامہ نظرثانی شدہ چھپائی

⁹ تے مَیں تُہانوں آکھنا آں منگو تے تُہانوں دِتّا جائے گا۔ لَبّھو تے تُسی پاؤ گے۔ کھڑکاؤ تاں تُہاڈے لئی کھولیا جائے گا۔

لُوقا 11:9 ပူးပေါင်းရင်းမြစ်များ

متّی 21:22

تے سبھ کُجھ جو تُسی یقِین کر کے دُعا وِچ منگو گے۔ سو تُہانوں مِلے گا۔

متّی 21:31

اوہناں دوہاں وِچوں کِس پئیو دی مرضی پُوری کِیتی؟ اوہ آکھن لگّے پہلے نے۔ یِسُوع اوہناں نُوں آکھیا۔ مَیں تُہانوں سَچ آکھنا آں پئی محصُولئے تے کسبیاں تُہاڈے توں اگّے خُدا دی بادشاہی وِچ جاندے نیں۔

متّی 6:29

پر مَیں تُہانوں آکھنا آں پئی سُلیمان وی اپنی ساری شان وِچ ایہناں وِچوں اِک جیہا نئیں سی پاندا ہوندا۔

مرقس 11:24

ایس لئی مَیں تُہانوں آکھنا آں۔ پئی دُعا منگدیاں سبھ کُجھ جو تُسی منگدے اوہ۔ یقِین کرو پئی اوہ تُہانوں لَبّھ گیا۔ تے تُہاڈے لئی ہو جائے گا۔

مرقس 13:37

تے جو کُجھ مَیں تُہانوں آکھنا آں سو ساریاں نُوں آکھنا آں۔ جاگدے رہو۔

لُوقا 11:10

کیوں جو جیہڑا منگدا اے پا لَیندا اے۔ تے جیہڑا لَبّھدا اے۔ اوہنوں لَبّھ جاندا اے۔ تے جیہڑا کھڑکاؤندا اے۔ اوہدے واسطے کھولیا جائے گا۔

یُوحنّا 14:13

تاں جو کُجھ تُسی میرا ناں لے کے منگو گے مَیں اوہ کراں گا تاں جو پُتر وِچ باپ نُوں جلال مِلے۔

یُوحنّا 15:16

تُساں مَینُوں نئیں چُنیا پر مَیں تُہانوں چُنیا تے تُہانوں مُقرّر کِیتا۔ پئی تُسی جاؤ تے پَھل لیاؤ تے تُہاڈا پَھل قیم رہے تاں جو تُسی باپ کولوں میرے ناں اُتّے جو کُجھ منگو گے اوہ تُہانوں دیوے۔

یُوحنّا 15:7

جے تُسی میرے وِچ رہو تے میرِیاں گلّاں تُہاڈے وِچ رہن۔ تاں جو چاہو منگو تے اوہ تُہاڈے لئی ہوئے گا۔

یُوحنّا 4:10

یِسُوع اوہنوں آکھیا جے تُوں خُدا دی بخشِش نُوں جان دِیوں تے ایہہ وی جان دِیوں پئی اوہ کون اے جیہڑا تینُوں آکھدا اے پئی مَینُوں پانی پیا تاں تُوں اوہدے کولوں مَنگدِیوں تے اوہ تینُوں جیون دا پانی دیندا۔

رُومِیوں 2:7

اوہناں نُوں جیہڑے نیک کمّاں دی پَیروی کر کے وڈیائی تے عِزّت تے بقا نُوں لبّھدے نیں سدا دی زِندگی دے گا۔

۲-کُرِنتھِیوں 6:2

کیوں جو اوہ آکھدا اے پئی مَیں قبولِیّت دے ویلے تیری سُن لئی تے نجات دے دِن تیری مدد کِیتی۔ ویکھو ہُن قبولِیّت دا ویلا اے ویکھو ایہہ نجات دا دِن اے۔

عِبرانیوں 11:6

تے بِناں اِیمان اوہنوں پسند آؤنا اَنہونی گلّ اے۔ ایس لئی پئی خُدا دے کول آؤن والے نُوں اِیمان رکھنا پَیندا اے۔ پئی خُدا اے تے اپنے لَبّھن والیاں نُوں اَجر دیندا اے۔

عِبرانیوں 4:16

سو اسی فضل دے تخت کول دلیری نال چلّئے۔ تاں جو ساڈے اُتّے رَحم ہوئے تے اوہ فضل پایئے جیہڑا لوڑ دے ویلے ساڈی مدد کرے۔

یعقُوب 1:5

پر جے تُہاڈے وِچ کِسے نُوں دانائی دا گھاٹا ہوئے تے اوہ خُدا کولوں منگے جیہڑا ساریاں نُوں بِناں جِھڑکیاں کُھلے دِل نال دیندا اے تے اوہنوں مِل جائے گی۔

یعقُوب 5:15

جیہڑی دُعا اِیمان نال ہوئے گی۔ اوہدے نال بیمار بچ جاوے گا۔ تے خُداوند اوہنوں بچائے گا۔ تے جے اوس گُناہ کِیتے ہون اوہ وی مُعاف ہو جان گے۔

۱-یُوحنّا 3:22

تاں جو کُجھ اسی منگنے آں سو اوہدے ولّوں سانُوں مِلدا اے کیوں جو اسی اوہدے حُکماں نُوں مَنّنے آں تاں جو کُجھ اوہنوں پسند آؤندا اے اوہو ای کرنے آں۔

مُکاشفہ 2:24

پر تُہانوں تھواتِیرہ دے لوکاں نُوں جیہڑے اوس تعلِیم نُوں نئیں مَن دے تے اوہناں گلّاں توں جِنہاں نُوں لوک شیطان دِیاں ڈونگھیاں گلّاں آکھدے نیں ناواقِف ہو۔ ایہہ آکھنا آں۔ پئی تُہاڈے اُتّے ہور بھار نا پاواں گا۔