لُوقا 11:34 - پنجابی نواں عہد نامہ نظرثانی شدہ چھپائی

³⁴ تیری اَکھ تیرے بدن دا دِیوا اے۔ جد تیری اَکھ صاف اے۔ تے تیرا سارا بدن وی چاننا اے۔ تے جد خراب اے۔ تے تیرا بدن وی ہنیرا اے۔

لُوقا 11:34 ပူးပေါင်းရင်းမြစ်များ

مرقس 4:12

پئی اوہ ویکھن نُوں تے ویکھن پر اوہناں نُوں سُجھّے نا۔ تے سُنن نُوں تے سُنن پر اوہ بُجھّن نا۔ تے اجیہا نا ہوئے پئی اوہ کدی مُڑ آؤن تے اوہناں نُوں مُعافی مِلے۔

مرقس 7:22

زناکارِیاں۔ لالچ۔ شرارتاں۔ فریب۔ مسَتی۔ بُری نظر۔ کُفر۔ شیخی۔ بے عقلی۔

مرقس 8:18

تُسی اجے نئیں جان دے تے نا سمجھدے اوہ۔ تُہاڈا مَن سُنّ ہویا اے؟ اَکھّیاں ہوندیاں نئیں ویکھدے تے کنّ ہوندیاں نئیں سُندے؟ تے تُہانوں یاد نئیں؟

لُوقا 11:35

ویکھ فیر متے تیرے اندر دا چانن ہنیرا نا ہوئے۔

اعمال 13:11

ہُن ویکھ خُداوند دا ہتّھ تیرے اُتّے اے۔ تُوں اَنھا ہو جاویں گا۔ تے کُجھ چِر تِیکر سُورج نا ویکھیں گا۔ اوسے ویلے اوہدے اُتّے دُھند تے ہنیرا پَے گیا۔ تے اوہ لَبّھدا پِھریا پئی کوئی میرا ہتّھ پھڑ کے لے چلّے۔

اعمال 2:46

تے روز دِہاڑے اِک دِل ہو کے ہیکل وِچ اکٹّھے ہوندے سن۔ تے گھراں وِچ روٹی توڑ کے خُوشی تے صاف دِلی نال اَن پانی کھاندے سن۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

۲-کُرِنتھِیوں 1:12

کیوں جو سانُوں اپنے دِل دی ایس گواہی اُتّے فخر اے پئی ساڈا چال چَلّن دُنیا وِچ تے خاص کر تُہاڈے وِچ جِسمانی حِکمت نال نئیں۔ سگوں خُدا دے فضل دے نال یعنی اجیہی پاکیزگی تے صفائی دے نال رہیا۔ جیہڑا خُدا دے لائق اے۔

۲-کُرِنتھِیوں 11:3

پر مَیں ڈرناں آں۔ کِتے اجیہا نا ہوئے۔ جِہیا سَپّ نیں اپنی مکّاری نال حوّا نُوں چُکیا ایسے طرح تُہاڈے خیال وی اوس سادگی تے پاکیزگی توں ہَٹ جان جیہڑی مسِیح دے نال ہونی چاہیدی اے۔

۲-کُرِنتھِیوں 4:4

یعنی اوہناں بے اِیماناں لئی جِنہاں دِیاں اَکھّیاں نُوں ایس جہان دے خُدا اَنھیاں کر دِتّا اے۔ تاں جو مسِیح جیہڑا خُدا دی صُورت اے اوہدے جلال دی خُوشخبری دا چانن اوہناں اُتّے نا پئے۔

اِفسِیوں 1:17

پئی ساڈے خُداوند یِسُوع مسِیح دا خُدا جیہڑا جلال دا باپ اے۔ تُہانوں اپنی پچھان لئی حِکمت تے اِلہام دی رُوح دیوے۔

اِفسِیوں 6:5

نَوکرو۔ جیہڑے جِسم ولّوں تُہاڈے مالک نیں صاف دِلی نال ڈردے تے کمبدے ہوئے اوہناں دے اجیہے آکھے لگو۔ جیویں مسِیح دے۔

کُلُسِّیوں 3:22

نَوکرو جیہڑے جِسم ولّوں تُہاڈے مالک نیں سارِیاں گلّاں وِچ اوہناں دا آکھا مَنّو۔ بندیاں دے خُوش کرن والیاں وانگر وکھا لے لئی نئیں سگوں صاف دِلی تے خُدا دے خَوف نال۔