لُوقا 11:13 - پنجابی نواں عہد نامہ نظرثانی شدہ چھپائی
13 سو جے تُسی بُرے ہو کے اپنے بالاں نُوں چَنگیاں شیواں دیناں جان دے ہو۔ تے اوہ باپ جیہڑا اسمان دا اے اوہناں نُوں جیہڑے اوہدے توں منگدے نیں۔ پاک رُوح ضرُور دیوے گا۔
تاں جو تُسی اپنے باپ دے جیہڑا اسمان وِچ اے پُتر بن جاؤ کیوں جو اوہ تے اپنے سُورج نُوں بُریاں تے بھلیاں اُتّے چڑھاندا اے۔ نالے نیکاں تے بداں اُتّے مینہ وساؤندا اے۔
سو اَے تھوڑے اِیمان والیو جد خُدا بیابانی گھاہ نُوں ایس طرح پواندا اے جیہڑا اَج ای اے تے بھلکے بھٹّھی وِچ جھوکیا جاندا اے تُہانوں سگوں ضرُور نا پوائے گا؟
سو جدوں تُسی جیہڑے بُرے ہو اپنیاں بچّیاں نُوں چَنگیاں شیواں دینیاں جان دے ہو تے تُہاڈا باپ جیہڑا اسمان اُتّے اے اوہناں نُوں جیہڑے اوہدے کولوں منگدے نیں۔ چَنگیاں شیواں ضرُور دے گا۔
یِسُوع اوہنوں آکھیا جے تُوں خُدا دی بخشِش نُوں جان دِیوں تے ایہہ وی جان دِیوں پئی اوہ کون اے جیہڑا تینُوں آکھدا اے پئی مَینُوں پانی پیا تاں تُوں اوہدے کولوں مَنگدِیوں تے اوہ تینُوں جیون دا پانی دیندا۔
تَد پطرس اوہناں نُوں آکھیا۔ تَوبہ کرو۔ تے تُہاڈے وِچوں ہر اِک اپنے گُناہاں دی مُعافی لئی یِسُوع مسِیح دے ناں اُتّے بپتِسمہ لے لَئے۔ تاں پاک رُوح تُہانوں اِنعام وِچ مِلے گا۔
کیوں جو اِک دے قصور دے سببّوں جے مَوت نے اِک دی راہِیں بادشاہی کِیتی۔ تے اوہ لوک جیہڑے فضل تے راستبازی دی بخشِش وَدّھ پاندے نیں۔ اِک دی راہِیں جیہڑا یِسُوع مسِیح اے۔ ضرُور ای زِندگی وِچ بادشاہی کرن گے۔
کیوں جو مَینُوں معلُوم اے پئی میرے وِچ یعنی میرے جِسم وِچ کوئی چنگی شے نئیں وَسدی۔ سو چاہ تے مَیں کرنا آں۔ پر جو کُجھ چَنگا اے۔ اوہ مَیتھوں نئیں ہوندا۔
کیوں جو اسی وی پہلاں نادان۔ نافرمان۔ دھوکھا کھان والے تے بُریاں خواہشاں تے خُوشیاں دے غلام ساں۔ تے دُکھ۔ تے ساڑا کر دے ساں۔ نفرت دے لائق ساں تے آپو وِچ وَیر رکھدے ساں۔