لُوقا 10:22 - پنجابی نواں عہد نامہ نظرثانی شدہ چھپائی

²² سبھ کُجھ میرے باپ ولّوں مَینُوں دِتّا گیا اے۔ تے کوئی پُتر نُوں بِناں باپ دے نئیں جان دا۔ پئی اوہ کون اے۔ تے نا کوئی باپ نُوں جان دا اے پئی اوہ کون اے۔ بِناں پُتر دے۔ تے اوہ جِہدے اُتّے پُتر اوہنوں ظاہر کرنا چاہے۔

لُوقا 10:22 ပူးပေါင်းရင်းမြစ်များ

متّی 11:25

اوس ویلے یِسُوع نے جواب وِچ آکھیا۔ اَے باپ اسمان تے زمین دے خُداوند مَیں تیری وڈیائی کرنا آں پئی تُوں ایہناں گلّاں نُوں داناواں تے سیانیاں توں لُکایا۔ تے اَنجانیاں اُتّے ظاہر کِیتا۔

متّی 11:27

سارِیاں شیواں میرے باپ توں مَینُوں سونپِیاں گِیئاں۔ تے کوئی پُتر نُوں نئیں جان دا پر باپ۔ تے نا باپ نُوں کوئی جان دا اے پر پُتر۔ تے اوہ جِہدے اُتّے پُتر اوہنوں ظاہر کرنا چاہے۔

متّی 28:18

تے یِسُوع کول آ کے اوہناں دے نال گلّ کِیتی۔ تے آکھیا پئی اسمان وِچ تے زمین اُتّے سارا اختیار مَینُوں دِتّا گیا اے۔

یُوحنّا 1:18

خُدا نُوں کدی کِسے نئیں ڈِٹّھا پر اِکلَوتے پُتر نیں جیہڑا باپ دی گدّ وِچ اے اوہنوں ظاہر کِیتا۔

یُوحنّا 10:15

جیویں باپ مَینُوں جان دا اے تے مَیں باپ نُوں جاننا آں۔ تے بھیڈاں لئی مَیں اپنی جان دینا آں۔

یُوحنّا 13:3

تے رات دی روٹی کھاندیاں ہویاں یِسُوع ایہہ جان کے پئی باپ نیں سبھ کُجھ میرے ہتّھ وِچ دِتّا تے مَیں خُدا ولّوں آیا تے خُدا کول جاناں آں۔

یُوحنّا 17:10

تے میرِیاں سارِیاں شیواں تیریاں نیں تے تیریاں میرِیاں نیں۔ تے اوہناں وِچ میرا جلال ظاہر ہویا اے۔

یُوحنّا 17:2

جیویں تُوں اوہنوں کُل اِنسان اُتّے اختیار دِتّا اے پئی جیہڑے تُوں اوہنوں دِتّے نیں اوہ اوہناں سبھناں نُوں سدا دی زِندگی دیوے۔

یُوحنّا 17:26

تے مَیں اوہناں نُوں تیرے ناں توں واقف کرایا تے کر لواں گا وی۔ تاں جو اوہ پیار جِہدے نال توں مَینُوں پیار کِیتا اوہناں وِچ ہوئے تے مَیں اوہناں وِچ ہوواں۔

یُوحنّا 17:5

تے ہُن اَے باپ تُوں مَینُوں اپنے نال جلال دے اوسے جلال نال جیہڑا مَیں دُنیا دے ہون توں پہلاں ای تیرے نال رکھدا ساں۔

یُوحنّا 3:35

باپ پُتر نُوں پیار کر دا اے تے اوس سارِیاں شیواں اوہدے ہتّھ وِچ کر دِتّیاں نیں۔

۱-کُرِنتھِیوں 15:24

ایہدے مگروں اوڑک اے۔ اوس ویلے اوہ ساری حکُومت تے سارا اختیار تے قُدرت دا ناس کر کے بادشاہی نُوں خُدا باپ دے حوالے کر دے گا۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

اِفسِیوں 1:21

تے ہر طرح دی حکُومت تے اختیار تے قُدرت تے ریاست تے ہر اِک ناں توں وَاہوَا اُچّا کِیتا۔ جیہڑا نِرا ایسے جہان وِچ نئیں سگوں آؤن والے جہان وِچ وی لیا جائے گا۔

عِبرانیوں 2:8

تُوں سارِیاں شیواں اوہدے پیراں ہیٹھ کر دِتّیاں نیں۔ سو جد سبھ کُجھ اوہدے ہیٹھ کر دِتّا تے کوئی شے نا چھڈی جیہڑی اوہدے ہیٹھ نا کِیتی۔ پر اسی اجے تِیکر سارِیاں شیواں اوہدے ہیٹھ نئیں ویکھدے۔

۱-یُوحنّا 5:20

تے ایہہ وی جاننے آں پئی خُدا دا پُتر آگیا اے۔ تے اوس سانُوں سمجھ دِتّی اے۔ تاں جو اوہنوں جیہڑا اصلی اے جانئے۔ تے اسی اوہدے وِچ۔ جیہڑا اصلی اے یعنی اوہدے پُتر یِسُوع مسِیح وِچ آں۔ اصلی خُدا تے ہمیشہ دی زِندگی ایہی اے۔

۲یُوحنّا 1:9

جیہڑا اگّے وَدّھ جاندا اے تے مسِیح دی تعلِیم اُتّے قیم نئیں رہندا اوہدے کول خُدا نئیں۔ جیہڑا اوس تعلِیم اُتّے پَکّا رہندا اے اوہدے کول باپ وی اے تے پُتر وی۔