لُوقا 10:11 - پنجابی نواں عہد نامہ نظرثانی شدہ چھپائی

¹¹ پئی تُہاڈے شہر دا گھٹّا وی جیہڑا ساڈے پیراں اُتّے پیا اے۔ اسی تُہاڈے سامھنے جھاڑ دینے آں۔ پر ایہہ جان لو پئی خُدا دی بادشاہی نیڑے آگئی اے۔

لُوقا 10:11 ပူးပေါင်းရင်းမြစ်များ

متّی 10:14

تے جے کوئی تُہانوں قبول نا کرے نا تُہاڈیاں گلّاں سُنے تے اوس گھروں یا اوس شہروں نِکل دیاں ای اپنے پیراں دی دُھوڑ جھاڑ دیو۔

متّی 10:7

تے جاندے جاندے ایہہ منادی کرو۔ پئی ”اسمان دی بادشاہی نیڑے آگئی اے۔“

متّی 3:2

آکھن لگّا تَوبہ کرو کیوں جو اسمان دی بادشاہی نیڑے آگئی اے۔

مرقس 6:11

تے جِتّھے کِتّھے تُہانوں رہن نا دین۔ تے لوک تُہاڈی نا سُنن تے اوتھوں نِکلدیاں اپنے پیراں دا گھٹّا جھاڑ سُٹّو۔ پئی اوہناں اُتّے گواہی ہوئے۔

لُوقا 10:10

تے جِس کِسے شہر وِچ وڑو تے اوہ شہر تُہانوں نا قبولے تے اوہدیاں بازاراں وِچ جا کے آکھو۔

لُوقا 10:9

اوس تھاں دے روگِیاں نُوں ولّ کرو۔ تے اوہناں نُوں ایہہ آکھو۔ پئی خُدا دی بادشاہی تُہاڈے نیڑے آئی اے۔

لُوقا 9:5

تے جیہڑے تُہانوں نا قبولن اوس شہروں باہر جاندِیاں اپنے پیراں دا گھٹّا اوہناں اُتّے گواہی لئی جھاڑ دیو۔

اعمال 13:26

بھراؤ۔ ابرہام دئیو پُترو۔ تے تُہاڈے وِچوں جِنّے خُدا توں ڈردے ہو۔ ساڈے لئی ایس نجات دا کلام گھلّیا گیا اے۔

اعمال 13:40

سو خبردار رہو۔ کِتے اجیہا نا ہوئے۔ پئی اوہ گلّ جیہڑی نبیاں دی کِتاباں وِچ آکھی گئی اے۔ تُہاڈے اُتّے آ پَوے۔

اعمال 13:46

تَد پَولُس تے برنباس دلیر ہو کے بول اُٹھے۔ ضرُور چاہیدا سی پئی خُدا دا کلام پہلے تُہانوں سُنایا جاندا۔ پر جدوں تُسی اوہنوں رَدّ کر دے ہو۔ تے اپنے آپ نُوں سدا دی زِندگی دے لائق نئیں سمجھدے ہو تے ویکھو اسی غیر قوماں ولّ جانے آں۔

اعمال 13:51

پر اوہ اپنے پیراں دا گھٹّا اوہناں دے اگّے جھاڑ کے اِکُنِیُم وِچ آئے۔

رُومِیوں 10:21

پر اِسرائیل نُوں آکھدا اے۔ پئی نافرمان تے حُجتّی قوم دے ولّ مَیں سارا دِن اپنے ہتّھ وَدھائے رہیا۔

رُومِیوں 10:8

فیر اوہ کِیہ آکھدی اے؟ ایہہ پئی ”کلام تیرے نیڑے اے۔ تیرے مُنھ تے تیرے دِل وِچ اے۔“ ایہہ اوہ اِیمان دا کلام اے۔ جِہدی اسی منادی کرنے آں۔

عِبرانیوں 1:3

اوہ اوہدے جلال دا لشکارا تے اوہدی ذات دا ٹھپّہ ہو کے سارِیاں شیواں نُوں اپنی قُدرت دے کلام نال سمبھالدا اے۔ اوہ ساڈے گُناہاں نُوں دھو کے بلندی اُتّے جناب باری دے سَجّے پاسے جا بَیٹھا۔