لُوقا 1:6 - پنجابی نواں عہد نامہ نظرثانی شدہ چھپائی

⁶ اوہ دوویں خُدا دے اگّے نیک سن۔ تے خُداوند دے سارے حُکماں تے قانُوناں اُتّے بے عیب چَلّن والے سن۔

لُوقا 1:6 ပူးပေါင်းရင်းမြစ်များ

لُوقا 1:7

تے اوہناں دی اولاد نئیں سی۔ کیوں جو اِلیشِبَع بانجھ سی۔ تے اوہ دوویں ہُن وڈّی عُمر دے ہوگئے سن۔

لُوقا 16:15

تَد اوس اوہناں نُوں آکھیا تُسی اوہ لوک ہو۔ جیہڑے بندیاں اگّے اپنے آپ نُوں نیک بناندے ہو۔ پر خُدا تُہاڈے دِلاں دِیاں جان دا اے۔ کیوں جو جیہڑی شے بندیاں دی سمجھ وِچ قدر والی اے۔ سو خُدا دے اگّے کرہتی اے۔

لُوقا 2:25

تے ویکھو یرُوشلِیم وِچ شمعُون ناں اِک بندہ سی۔ تے اوہ نیک تے دِیندار سی تے اوہ اِسرائیل دی تسلّی دی اُڈِیک وِچ سی۔ تے رُوحُ القُدس اوہدے اُتّے سی۔

اعمال 2:25

کیوں جو داؤد اوہدے حق وِچ آکھدا اے پئی مَیں خُداوند نُوں ہمیش اپنے سامھنے ویکھیا پئی اوہ میرے سَجّے پاسے اَے تاں جو مَیں نا ہِلّاں۔

اعمال 23:1

تے پَولُس صدرِ مجلس والیاں نُوں دھیان نال ویکھ کے آکھیا۔ بھراؤ اَج تِیکر مَیں پُوری نیک نِیتی نال خُدا دے اگّے چلدا رہیا آں۔

اعمال 24:16

مَیں وی ایہدے وِچ کوشش کرنا آں۔ پئی خُدا تے بندیاں دے اگّے میرا دِل کَدے مَینُوں ملامت نا کرے۔

اعمال 8:21

تیرا ایس گلّ وِچ نا حِصّہ اے نا ونڈ کیوں جو تیرا دِل خُدا دے اگّے سِدّھا نئیں اے۔

رُومِیوں 8:4

تاں جو شریعت دا راست حُکم ساڈے وِچ جیہڑے جِسم دے سببّوں نئیں سگوں رُوح دے سببّوں ٹُر نیں آں۔ پُورا کِیتا جائے۔

۱-کُرِنتھِیوں 11:2

مَیں تُہاڈی وڈیائی کرنا آں۔ پئی تُسی سبھناں گلّاں وِچ مَینُوں یاد رکھدے ہو۔ تے جیویں مَیں تُہانوں روائِتاں اپڑائیاں۔ تُسی اوسے طرح اوہناں نُوں برقرار رکھدے اوہ۔

۲-کُرِنتھِیوں 1:12

کیوں جو سانُوں اپنے دِل دی ایس گواہی اُتّے فخر اے پئی ساڈا چال چَلّن دُنیا وِچ تے خاص کر تُہاڈے وِچ جِسمانی حِکمت نال نئیں۔ سگوں خُدا دے فضل دے نال یعنی اجیہی پاکیزگی تے صفائی دے نال رہیا۔ جیہڑا خُدا دے لائق اے۔

فِلِپّیوں 2:15

تاں جو تُسی بے عیب تے حلِیم ہو کے ڈِنگیاں تے پُٹھے چَلّن والیاں لوکاں وِچ خُدا دے بے نُقص پُتر بنے رہو۔ (جِنہاں وِچ تُسی دُنیا وِچ چانن وانگُوں ظاہر ہوندے ہو۔

کُلُسِّیوں 1:22

جیہڑے پہلاں خارج تے بُریاں کمّاں دے سببّوں وَیری سو۔ تاں جو اوہ تُہانوں پاک تے بے نُقص تے بے الزام بنا کے اپنے اگّے حاضر کرے۔

۱-تھِسّلُنِیکوں 3:13

تاں جو تُہاڈے دِلاں نُوں اجیہا تگڑیاں کرے۔ پئی جد ساڈا خُداوند یِسُوع اپنے ساریاں پاک لوکاں نال آوے۔ اوہ ساڈے خُدا تے باپ دے سامھنے پاکیزگی وِچ بے عیب ہون۔

۲-پطرس 3:14

سو پیاریو! ایس کر کے پئی تُسی ایہناں گلّاں دی اوڈِیک وِچ ہو اوہدے اگّے تسلّی دی حالت وِچ بِناں داغ تے بے عیب ہون دی کوشش کرو۔

۱-یُوحنّا 2:29

جے تُسی ایہہ جان دے ہو۔ پئی اوہ راستباز اے تے ایہہ وی جان دے ہو۔ پئی جیہڑا راستبازی کر دا اے۔ اوہ اوہدے توں جمّیا اے۔

۱-یُوحنّا 2:3

جے اسی اوہدے حُکماں نُوں منیئے تے سانُوں پتا لگدا اے۔ پئی اسی اوہنوں جاننے آں۔

۱-یُوحنّا 3:7

بچّیو۔ کوئی تُہانوں فریب نا دے۔ جیہڑا نیکی دے کمّ کر دا اے اوہ ای اوہدے وانگُوں راستباز اے۔