یُوحنّا 9:39 - پنجابی نواں عہد نامہ نظرثانی شدہ چھپائی

³⁹ تے یِسُوع آکھیا ایس دُنیا وِچ مَیں عدالت کرن آیا آں پئی اوہ جِنہاں نُوں نئیں دِسدا ویکھن تے جِنہاں نُوں دِسدا اے اَنھے ہو جان۔

یُوحنّا 9:39 ပူးပေါင်းရင်းမြစ်များ

متّی 11:5

پئی اَنھے ویکھدے تے لنگے ٹُردے پِھردے۔ کوڑھے پاک صاف کِیتے جاندے نیں تے بولے سُندے تے مُردے جوالے جاندے نیں۔ تے غرِیباں نُوں خُوشخبری سُنائی جاندی اے۔

متّی 15:14

اوہناں نُوں جان دیو۔ اوہ تے اَنھیاں دے اَنھے راہ دسن والے نیں۔ تے جے اَنھا اَنھے نُوں راہ دسے تے دونویں ٹوئے وِچ ڈِگّ پَین گے۔

متّی 6:23

پر جیکر تیری اَکھ بُری ہوئے تے تیرا سارا بدن ہنیرا ہوئے گا۔ سو جے تیرا اندر دا چانن ہنیرا ہوئے تے کیڈا وَڈا ہنیرا ہویا؟

لُوقا 1:79

تاں جو اوہناں نُوں چانن دیوے جیہڑے ہنیرے تے مَوت دے پر چھاویں وِچ بَیٹھے ہوئے نیں۔ تے ساڈے قدماں نُوں سلامتی دی راہ پائے۔

لُوقا 13:30

تے دھیان کرو پئی کئی چھیکڑلے نیں جیہڑے پہلے ہون گے۔ تے کئی پہلے نیں جیہڑے چھیکڑلے ہون گے۔

لُوقا 2:34

تے شمعُون اوہناں نُوں خبر دِتّی تے اوہدی ماں مریم نُوں آکھیا ویکھ ایہہ مُنڈا اِسرائیل وِچ بتھیریاں دے ڈِگّن تے اُٹھن لئی مُقرّر کِیتا ہویا اے۔ تے نالے اجیہا نِشان ہون لئی جِہدی مخالفت کِیتی جائے گی۔

لُوقا 4:18

خُداوند دا رُوح میرے اُتّے اے اوس ایس کر کے مَینُوں مسَح کِیتا پئی غرِیباں نُوں خُوشخبری دیاں اوس مَینُوں گھلّیا پئی قیدِیاں نُوں چُھٹکارے دی تے اَنھیاں نُوں سُجاکھا ہون دی خبر سُناواں۔ تے مارِیاں کُٹّیاں نُوں خلاصی دیاں۔

لُوقا 7:21

اوہنے اوسے ویلے بتھیریاں نُوں روگاں تے بلاواں تے بُریاں رُوحاں توں شفا دیتی۔ تے بتھیریاں اَنھیاں نُوں سوجاکھِیاں کِیتا۔

یُوحنّا 12:31

ہُن ایس دُنیا دی عدالت ہوندی اے۔ ہُن ایس دُنیا دا سردار باہر کڈھیا جائے گا۔

یُوحنّا 12:46

مَیں دُنیا وِچ چانن ہو کے آیا آں تاں جو جیہڑا کوئی میرے اُتّے اِیمان لیاؤندا اے۔ ہنیرے وِچ نا رہے۔

یُوحنّا 3:17

کیوں جو خُدا اپنے پُتر نُوں دُنیا وِچ ایس لئی نئیں گھلّیا پئی دُنیا دی عدالت کرے سگوں ایس لئی پئی دُنیا اوہدے سببّوں بچ جائے۔

یُوحنّا 3:19

تے عدالت ایہی اے۔ پئی چانن دُنیا وِچ آیا اے تے بندیاں ہنیرے نُوں چانن نالوں وَدّھ پیار کِیتا ایس کر کے پئی اوہناں دے کمّ بَھیڑے سن۔

یُوحنّا 8:12

تَد یِسُوع فیر اوہناں نُوں آکھیا۔ دُنیا دا چانن مَیں آں۔ اوہ جیہڑا میرے مگر آؤندا اے ہنیرے وِچ نئیں ٹُرے گا سگوں اوہنوں زِندگی دا چانن مِلے گا۔

یُوحنّا 8:15

تُسی جِسم دے مطابق فیصلہ کر دے اوہ۔ مَیں کِسے دا فیصلہ نئیں کر دا۔

یُوحنّا 9:25

اوس جواب دِتّا مَیں نئیں جان دا پئی اوہ گُناہگار اے کہ نئیں۔ پر اِک گلّ مَیں جاننا آں پئی مَیں اَنھا ساں تے ہُن سُجاکھا آں۔

اعمال 26:18

پئی تُوں اوہناں دِیاں اَکھّیاں کھولیں۔ تاں جو اوہ ہنیریوں چانن ولّ۔ تے شیطان دے وَس توں خُدا ولّ مُڑن پئی گُناہاں دی مُعافی لین۔ تے اوہناں لوکاں وِچ جیہڑے میرے اُتّے اِیمان رکھن نال پاک ہوئے نیں وِرثہ لین۔

۲-کُرِنتھِیوں 2:16

کئیاں واسطے تے مرن دے لئی مَوت دی بو تے کئیاں واسطے جیون دے لئی زِندگی دی بو آں۔ تے کون ایہناں گلّاں دے لائق اے؟

اِفسِیوں 5:14

ایس لئی اوہ آکھدا اے۔ پئی اے سُتّیا ہویا جاگ تے مُردیاں وِچوں جِیو اُٹھ۔ تے مسِیح دا چانن تیرے اُتّے چمکے گا۔

۲-تھِسّلُنِیکوں 2:10

تے ہلاک ہون والیاں لئی ناراستی دے ہر طرح دے دھوکھے نال ہوئے گا۔ ایس لئی پئی اوہناں سچیائی دی مُحبّت نُوں قبول نا کِیتا جِہدے نال اوہناں دی نجات ہوندی۔

۱-پطرس 2:9

پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے۔

۱-یُوحنّا 2:11

پر جیہڑا اپنے بھرا نال وَیر رکھدا اے اوہ ہنیرے وِچ ای اے۔ تے ہنیرے وِچ ٹُردا اے۔ تے اوہنوں پتا نئیں پئی مَیں کِتّھے لگا جاناں آں کیوں جو ہنیرے اوہدیاں اَکھّیاں اَنھیاں کر چھڈیاں نیں۔