یُوحنّا 9:17 - پنجابی نواں عہد نامہ نظرثانی شدہ چھپائی

¹⁷ تَد اوہناں اوس اَنھے نُوں آکھیا تُوں اوہدے حق وِچ کِیہ آکھنا ایں اوس تیریاں اکھّاں جو کھولِیاں؟ اوس آکھیا اوہ نبی اے۔

یُوحنّا 9:17 ပူးပေါင်းရင်းမြစ်များ

متّی 21:11

تے بِھیڑ آکھن لگّی۔ ایہہ اوہ نبی اے یِسُوع گلِیل دے ناصرۃ دا۔

لُوقا 24:19

تے اوس اوہناں نُوں آکھیا کِیہ ورتیا ہے؟ اوہناں اوہنوں آکھیا یِسُوع ناصری دی بابت جیہڑا خُدا تے ساری قوم دے اگّے کمّ تے کلام وِچ قُدرت والا نبی سی۔

یُوحنّا 4:19

عورت اوہنوں آکھن لگّی اَے خُداوند مَینُوں معلُوم ہوندا اے پئی تُوں نبی ایں۔

یُوحنّا 6:14

تَد اوہناں لوکاں ایہہ مُعجزہ جیہڑا اوس کِیتا ویکھ کے آکھیا۔ بِناں شک اوہ نبی جیہڑا دُنیا وِچ آؤن والا اے ایہو اے۔

یُوحنّا 9:15

ایس لئی فیر فرِیسیاں وی اوہنوں پُچھیا پئی تُوں کِیویں ویکھن لگ پیا؟ اوس اوہناں نُوں آکھیا۔ اوس میرِیاں اَکھّیاں اُتّے مِٹّی لائی تے مَیں نہاتا تے سُجاکھا آں۔

اعمال 10:38

یعنی یِسُوع ناصری دی بابت پئی خُدا نے پاک رُوح تے قُدرت نال اوہنوں کِیویں مسَح کِیتا۔ اوہ تاں بھلیائی کر دا تے ابلیس دے سارے قابُو کِیتیاں ہویاں نُوں چَنگا کر دا پِھریا۔ کیوں جو خُدا اوہدے نال سی۔

اعمال 2:22

اَے اِسرائیلیو! ایہہ گلّاں سُنو پئی یِسُوع ناصری اِک بندہ سی جِہدا خُدا دے ولّوں ہونا تُہاڈے اُتّے اوہناں کراماتاں تے نشانِیاں تے عجب کمّاں نال ثابت ہویا جیہڑے خُدا اوہدی ہتّھِیں تُہاڈے وِچ وکھالے۔ جیویں تُسی آپ جان دے ہو۔