یُوحنّا 9:16 - پنجابی نواں عہد نامہ نظرثانی شدہ چھپائی

¹⁶ تَد فرِیسیاں وِچوں کئیاں آکھیا پئی ایہہ بندہ ربّ ولّوں نئیں اے کیوں جو اوہ سبت نُوں نئیں مَندا۔ پر ہورناں آکھیا گُناہگار بندہ کِیویں ایہو جِہیاں کراماتاں وکھا سکدا اے؟ تے اوہناں وِچ پُھٹ پئی۔

یُوحنّا 9:16 ပူးပေါင်းရင်းမြစ်များ

متّی 12:10

تے ویکھو اِک بندہ سی جِہدا ہتّھ سُکّیا ہویا سی۔ تے اوہناں ایس مطلب نال پئی اوہدے اُتّے عیب لان ایہہ آکھ کے اوہدے کولوں پُچھیا۔ سبت دے دِن بندے نُوں چَنگا کرنا روا اے؟

متّی 12:2

تے فرِیسیاں ایہہ ویکھ کے اوہنوں آکھیا۔ ویکھ تیرے شاگِرد اوہ کمّ پَے کر دے نیں جیہڑا سبت نُوں کرنا روا نئیں۔

لُوقا 13:14

تَد عبادت خانے دا سردار ایس لئی پئی یِسُوع سبت دے دِن چَنگا کِیتا غُصّے ہو کے لوکاں نُوں آکھن لگّا۔ پئی چھ دِن نیں جِنہاں وِچ کمّ کرنا چاہیدا اے۔ سو اوہناں وِچ آ کے علاج کراؤ۔ نا سبت دے دِن۔

یُوحنّا 10:19

ایہناں گلّاں دے سببّوں یہُودِیاں دے وِچ فیر پُھٹ پئی۔

یُوحنّا 14:11

مَینُوں مَنّو پئی مَیں باپ وِچ آں تے باپ میرے وِچ اے۔ جے ایویں نئیں تے اوہناں کمّاں دے سبّب ای مَینُوں مَنّو۔

یُوحنّا 15:24

جے مَیں اوہناں وِچ اوہ کمّ جیہڑے کِسے دُوجے نیں نئیں کِیتے نا کر دا تے اوہناں دا گُناہ نا ہوندا پر ہُن تے اوہناں مَینُوں تے میرے باپ نُوں دوہاں نُوں ویکھیا تے ساڈے نال وَیر وی کِیتا اے۔

یُوحنّا 2:11

ایہہ پہلی کرامات یِسُوع نیں گلِیل دے قانا وِچ کِیتی تے اپنا جلال ظاہر کِیتا تے اوہدیاں شاگِرداں اوہدے اُتّے اِیمان لیاندا۔

یُوحنّا 3:2

اوہ رات دے ویلے اوہدے کول آیا تے اوہنوں آکھیا اَے ربّی اسی جاننے آں پئی تُوں خُدا ولّوں اُستاد ہو کے آیا ایں کیوں جو ایہہ کراماتاں جیہڑیاں تُوں کرنا ایں کوئی نئیں کر سکدا جے خُدا اوہدے نال نا ہوئے۔

یُوحنّا 5:10

ایس کر کے یہُودِیاں اوہنوں جیہڑا چَنگا ہویا سی آکھیا اَج سبت دا دِن اے تینُوں مَنجی چُکنی نئیں چاہیدی۔

یُوحنّا 5:36

پر میرے کول جیہڑی گواہی اے اوہ یُوحنّا دی گواہی توں وڈّی اے کیوں جو جیہڑے کمّ باپ میرے سپُرد کِیتے پئی مَیں اوہناں نُوں پُوریاں کراں یعنی ایہو کمّ جیہڑے مَیں کرنا آں اوہ میرے حق وِچ گواہی دیندے نیں پئی باپ مَینُوں گھلّیا اے۔

یُوحنّا 6:52

ایس واسطے یہُودی آپو وِچ جھگڑن لگّے پئی ایہہ اپنا گوشت کِیویں سانُوں کھان نُوں دے سکدا اے؟

یُوحنّا 7:12

تے اوہدی بابت بُہت لوکاں وِچ اوہدے مارِیاں بڑی بُڑبُڑ ہوئی۔ کئی آکھدے سن اوہ چَنگا بندہ اے۔ تے کئی آکھدے سن نئیں سگوں اوہ لوکاں نُوں بے راہ کر دا اے۔

یُوحنّا 7:23

جد سبت دے دِن بندہ سُنتی بہندا اے پئی کِتے مُوسیٰ دی شریعت ٹُٹ نا جائے۔ تُسی ایس لئی میرے اُتّے غُصّے ہوندے ہو پئی مَیں بندے نُوں سبت دے دِن پُورا چَنگا کِیتا؟

یُوحنّا 7:43

سو لوکاں وِچ اوہدی بابت پُھٹ پَے گئی۔

یُوحنّا 9:24

تَد دُوجی واری اوہناں اوس بندے نُوں جیہڑا اَنھا سی سَدّ کے آکھیا۔ ربّ دی وڈیائی کر۔ اسی جاننے آں پئی ایہہ گُناہگار بندہ اے۔

اعمال 14:4

تے شہر دے لوکاں وِچ پُھٹ پَے گئی۔ کُجھ تاں یہُودِیاں ولّ تے کُجھ رسُولاں ولّ ہو گئے۔