یُوحنّا 8:55 - پنجابی نواں عہد نامہ نظرثانی شدہ چھپائی

⁵⁵ تے تُساں اوہنوں نئیں پِچھانیا اے پر مَیں اوہنوں جاننا آں۔ تے جے مَیں آکھاں پئی مَیں اوہنوں نئیں جان دا تے تُہاڈے وانگُوں جُھوٹھا ہوواں گا۔ پر مَیں اوہنوں جاننا آں تے اوہدے کلام نُوں مَنّنا آں۔

یُوحنّا 8:55 ပူးပေါင်းရင်းမြစ်များ

متّی 11:27

سارِیاں شیواں میرے باپ توں مَینُوں سونپِیاں گِیئاں۔ تے کوئی پُتر نُوں نئیں جان دا پر باپ۔ تے نا باپ نُوں کوئی جان دا اے پر پُتر۔ تے اوہ جِہدے اُتّے پُتر اوہنوں ظاہر کرنا چاہے۔

لُوقا 10:22

سبھ کُجھ میرے باپ ولّوں مَینُوں دِتّا گیا اے۔ تے کوئی پُتر نُوں بِناں باپ دے نئیں جان دا۔ پئی اوہ کون اے۔ تے نا کوئی باپ نُوں جان دا اے پئی اوہ کون اے۔ بِناں پُتر دے۔ تے اوہ جِہدے اُتّے پُتر اوہنوں ظاہر کرنا چاہے۔

یُوحنّا 1:18

خُدا نُوں کدی کِسے نئیں ڈِٹّھا پر اِکلَوتے پُتر نیں جیہڑا باپ دی گدّ وِچ اے اوہنوں ظاہر کِیتا۔

یُوحنّا 10:15

جیویں باپ مَینُوں جان دا اے تے مَیں باپ نُوں جاننا آں۔ تے بھیڈاں لئی مَیں اپنی جان دینا آں۔

یُوحنّا 15:10

جے میرے حُکماں نُوں مَنّو تے میرے پیار وِچ رہو گے۔ جیویں مَیں اپنے باپ دے حُکماں نُوں مَنّیا اے تے اوہدے پیار وِچ رہنا آں۔

یُوحنّا 15:21

پر ایہہ سبھ کُجھ میرے ناں کر کے تُہاڈے نال کرن گے ایس لئی پئی اوہ اوہنوں نئیں جان دے جِس مَینُوں گھلّیا اے۔

یُوحنّا 16:3

اوہ ایس واسطے ایہہ کرن گے کیوں جو نا اوہناں باپ نُوں جانیا اے نا مَینُوں۔

یُوحنّا 17:25

اے سَچّے مُنصف باپ دُنیا تینُوں نئیں جانیا پر مَیں تینُوں جانیا۔ تے اوہناں جانیا پئی تُوں مَینُوں گھلّیا۔

یُوحنّا 6:46

ایہہ نا سمجھو پئی کِسے باپ نُوں ویکھیا اے۔ بِناں اوہدے جیہڑا خُدا ولّوں اے اوس باپ نُوں ویکھیا اے۔

یُوحنّا 8:19

تَد اوہناں اوہنوں آکھیا کِتّھے اے تیرا باپ؟ یِسُوع جواب دِتّا نا تُسی مَینُوں جان دے ہو تے نا میرے باپ نُوں جے تُسی مَینُوں جان دے تے میرے باپ نُوں وی جان دے۔

یُوحنّا 8:29

تے میرا گھلّن والا میرے نال اے اوس مَینُوں اکلّا نئیں چھڈیا کیوں جو مَیں ہمیش اوہ ای کمّ کرنا آں جیہڑے اوہنوں چنگے لگدے نیں۔

یُوحنّا 8:44

تُسی اپنے پئیو ابلیس توں ہو تے اپنے پئیو دِیاں خواہشاں نُوں پُورا کرنا چاہندے اوہ۔ اوہ مُڈھوں ای خُونی سی تے سچیائی اُتّے کھلوتا نا رہیا کیوں جو اوہدے وِچ سچیائی اے نئیں۔ جدوں اوہ جُھوٹھ بولدا اے اوہ اپنے ای ولّوں بولدا اے کیوں جو اوہ جُھوٹھا اے تے جُھوٹھ دا پئیو اے۔

یُوحنّا 8:51

مَیں تُہانوں سَچ سَچ آکھنا آں۔ جے کوئی میرِیاں گلّاں نُوں مَنّے اوہ مَوت نُوں کدی وی نئیں ویکھے گا۔

یُوحنّا 8:52

تَد یہُودِیاں اوہنوں آکھیا ہُن اساں جان لیا اے پئی تیرے وِچ بد رُوح اے۔ ابرہام نیں بنی تے مر گئے پر تُوں آکھنا ایں پئی جیہڑا میرِیاں گلّاں نُوں مَنّے اوہ کدی وی مَوت دا سواد نا لَئے گا۔

اعمال 17:23

کیوں جو مَیں لنگھدیاں لنگھدیاں تُہاڈے دیوتیاں اُتّے نظر کر دیاں اِک قُربان گاہ وی ویکھی جِہدے اُتّے ایہہ لِکھیا ہویا سی پئی انجان خُدا دے لئی۔ سو جِہنُوں تُسی انجاتیاں پُوجدے ہو اوہدی خبر مَیں تُہانوں دینا آں۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

۱-یُوحنّا 1:6

جے اسی آکھنے آں پئی ساڈی اوہدے نال سنگت اے تے فیر ہنیرے وِچ ٹُر نیں آں تے اسی جُھوٹھے آں تے سچیائی اُتّے عمل نئیں کر دے۔

۱-یُوحنّا 2:22

جیہڑا یِسُوع دے مسِیح ہون توں مُکّر دا اے۔ اوہدے سِوا ہور کون جُھوٹھا اے؟ مسِیح دا وَیری اوہو ای اے۔ جیہڑا باپ تے پُتر توں مُکّر دا اے۔

۱-یُوحنّا 2:4

جیہڑا ایہہ آکھدا اے پئی مَیں اوہنوں جاننا آں تے اوہدے حُکماں نُوں نئیں مَندا اوہ جُھوٹھا اے تے اوہدے وِچ سچیائی نئیں۔

۱-یُوحنّا 5:10

جیہڑا خُدا دے پُتر اُتّے اِیمان لیاؤندا اے گواہی اوہدے وِچ ای اے تے جِس خُدا دی گواہی نئیں مَنّی اوس اوہنوں جُھوٹھا بنایا۔ کیوں جو اوس گواہی اُتّے جیہڑی خُدا اپنے پُتر دی بابت دِتّی اوہنے اِیمان نئیں لیاندا۔

مُکاشفہ 3:9

ویکھ مَیں شیطان دی جماعت دے اوہناں لوکاں نُوں تیرے قابُو وِچ کر دیاں گا۔ جیہڑے اپنے آپ نُوں یہُودی آکھدے نیں تے ہَین نئیں۔ سگوں جُھوٹھ بول دے نیں۔ ویکھ مَیں ایہہ کراں گا پئی اوہ آ کے تیرے پیراں وِچ سجدہ کرن گے تے جانن گے پئی مَیں تینُوں پیار کرنا آں۔