یُوحنّا 8:54 - پنجابی نواں عہد نامہ نظرثانی شدہ چھپائی

⁵⁴ یِسُوع جواب دِتّا جے مَیں اپنے آپ نُوں وڈیاواں تے میری وڈیائی کُجھ نئیں اے۔ پر میری وڈیائی میرا باپ کر دا اے جِہنُوں تُسی آکھدے ہو پئی اوہ ساڈا خُدا اے۔

یُوحنّا 8:54 ပူးပေါင်းရင်းမြစ်များ

یُوحنّا 17:1

یِسُوع ایہہ گلّاں آکھیاں تے اَکھّیاں اسمان ولّ کر کے آکھیا اَے باپ گھڑی آگئی اے۔ اپنے پُتر نُوں جلال دے تاں جو پُتر تینُوں جلال دیوے۔

یُوحنّا 17:5

تے ہُن اَے باپ تُوں مَینُوں اپنے نال جلال دے اوسے جلال نال جیہڑا مَیں دُنیا دے ہون توں پہلاں ای تیرے نال رکھدا ساں۔

یُوحنّا 2:11

ایہہ پہلی کرامات یِسُوع نیں گلِیل دے قانا وِچ کِیتی تے اپنا جلال ظاہر کِیتا تے اوہدیاں شاگِرداں اوہدے اُتّے اِیمان لیاندا۔

یُوحنّا 5:41

مَیں بندیاں کولوں وڈیائی نئیں چاہندا۔

یُوحنّا 7:18

جیہڑا اپنے ولّوں بولدا اے۔ اپنی وڈیائی چاہندا اے پر اوہ جیہڑا اپنے گھلّن والے دی وڈیائی چاہندا اے اوہی سَچّا اے تے اوہدے وِچ کھوٹ نئیں اے۔

یُوحنّا 7:39

پر اوہنے ایہہ رُوح دی بابت آکھیا سی جیہڑا اوہدے مَنّن والیاں نُوں مِلنا سی۔ ایس لئی پئی اجے تِیکر رُوح نئیں سی مِلیا۔ کیوں جو یِسُوع اجے اپنے جلال نُوں نا سی پہنچیا۔

یُوحنّا 8:41

تُسی اپنے پئیو دے کمّ کر دے اوہ۔ اوہناں اوہنوں آکھیا اسی حرامدے نئیں جمّے۔ ساڈا اِک باپ اے یعنی خُدا۔

یُوحنّا 8:50

پر مَیں اپنا جلال نئیں لَبّھدا۔ اِک اے جیہڑا لَبّھدا تے فیصلہ کر دا اے۔

اعمال 3:13

ابرہام تے اِضحاق تے یعقُوب دے خُدا۔ ساڈے پئیو دادیاں دے خُدا اپنے خادم یِسُوع نُوں جلال دِتّا۔ اوہنوں تُساں حوالے کِیتا۔ تے پِیلاطُس دے سامھنے اِنکاری ہوئے جِس ویلے اوس اوہنوں چھڈ دین دا اِرادہ کِیتا۔

۲-کُرِنتھِیوں 10:18

کیوں جو جیہڑا کوئی اپنی نیک نامی جتاؤندا اے۔ اوہ قبولیا ہویا نئیں۔ سگوں جِہنُوں خُداوند نیک نام ٹھہراؤندا اے اوہو ای قبولیا ہویا اے۔

۱-پطرس 1:12

اوہناں اُتّے ایہہ اِلہام اُگھیڑیا گیا پئی اوہناں گلّاں وِچ اپنی نئیں سگوں تُہاڈی سیوا کر دے سن تے ایہناں گلّاں دی خبر تُہانوں ہُن اوہناں دی راہِیں ہوئی اے۔ جِنہاں پاک رُوح دی راہِیں جیہڑا اسمانوں گھلّیا گیا تُہانوں خُوشخبری سُنائی۔ ایہناں گلّاں اُتّے فرِشتے وی دھیان کرنا چاہندے نیں۔

۱-پطرس 1:21

تے تُساں اوہدی راہِیں خُدا اُتّے اِیمان لیاندا اے۔ جِس اوہنوں مُردیاں وِچوں جوایا اے۔ تے جلال وی دِتّا۔ تاں جو تُہاڈا اِیمان تے آس خُدا اُتّے ہوئے۔

۲-پطرس 1:17

پئی اوس خُدا باپ اوس ویلے عِزّت تے جلال پایا جد اوس بڑے جلال وِچوں اوہنوں ایہہ اواز آئی پئی ایہہ میرا پیارا پُتر اے جِہدے توں مَیں خُوش آں۔