یُوحنّا 8:29 - پنجابی نواں عہد نامہ نظرثانی شدہ چھپائی

²⁹ تے میرا گھلّن والا میرے نال اے اوس مَینُوں اکلّا نئیں چھڈیا کیوں جو مَیں ہمیش اوہ ای کمّ کرنا آں جیہڑے اوہنوں چنگے لگدے نیں۔

یُوحنّا 8:29 ပူးပေါင်းရင်းမြစ်များ

متّی 17:5

اوہ تے اجے پیا بول دا ای سی تے ویکھو اِک نُورانی بدّل اوہناں اُتّے چھاں کِیتی۔ تے بدّل وِچوں اِک اواز ایہہ آکھدی آئی پئی ”ایہہ میرا پیارا پُتر اے جِس توں مَیں خُوش آں۔ اوہدی سُنو۔“

متّی 3:15

تے یِسُوع اوہنوں جواب دِتّا۔ حالی تے ہون دے کیوں جو سانُوں چاہیدا ایہہ پئی ایسے طرح ساری راست بازی نُوں پُورا کریئے۔ تَد اوس ہون دِتّا۔

متّی 3:17

تے ویکھو اسماناں توں اِک اواز آئی پئی ایہہ میرا پیارا پُتر اے جِس توں مَیں بڑا خُوش آں۔

یُوحنّا 14:31

ایہہ ایس لئی ہوندا اے۔ تاں جو دُنیا جانے پئی مَیں باپ نُوں پیار کرنا آں تے جیویں باپ نے مَینُوں حُکم دِتّا اوسے طرح مَیں کرنا آں۔ اُٹھو ایتھوں چلّئے۔

یُوحنّا 15:10

جے میرے حُکماں نُوں مَنّو تے میرے پیار وِچ رہو گے۔ جیویں مَیں اپنے باپ دے حُکماں نُوں مَنّیا اے تے اوہدے پیار وِچ رہنا آں۔

یُوحنّا 16:32

ویکھو اوہ گھڑی آؤندی اے۔ سگوں آگئی اے پئی تُسی ہر اِک آپو اپنی تھائِیں کھِلرپُلر جاؤ گے تے مَینُوں اکلّیاں چھڈ جاؤ گے تَد وی مَیں اکلّا نئیں کیوں جو باپ میرے نال اے۔

یُوحنّا 17:4

مَیں اوس کمّ نُوں جیہڑا تُوں مَینُوں کرن نُوں دِتّا سی پُورا کر کے زمین اُتّے تیرا جلال ظاہر کِیتا۔

یُوحنّا 4:34

یِسُوع اوہناں نُوں آکھیا میرا کھانا ایہہ اے پئی اپنے گھلّن والے دی مرضی اُتّے چلاں تے اوہدا کمّ پُورا کراں۔

یُوحنّا 5:30

مَیں اپنے آپ کُجھ نئیں کر سکدا۔ جیویں مَیں سُننا آں اوسے طرح عدالت کرنا آں تے میری عدالت سَچّی اے۔ کیوں جو مَیں اپنی مرضی نُوں نئیں لَبّھدا پر اوہدی مرضی نُوں جِس مَینُوں گھلّیا اے۔

یُوحنّا 6:38

کیوں جو مَیں اسمانوں اپنی مرضی پُوری کرن نُوں نئیں لتّھا آں۔ پر اوہدی مرضی جِس مَینُوں گھلّیا اے۔

یُوحنّا 8:16

تے جے مَیں فیصلہ کرنا آں تے میرا فیصلہ سَچّا اے کیوں جو مَیں اکلّا نئیں آں پر مَیں تے باپ جِس مَینُوں گھلّیا۔

۲-تِیمُتِھیُس 4:17

پر خُداوند میرا مددگار سی۔ تے مَینُوں ہِمّت دِتّی۔ تاں جو میری راہِیں اِنجِیل دا سنیہا مشہُور ہو جائے تے سارِیاں قوماں سُن لین۔ تے مَیں شیر دے مُنھ وِچوں چھڈایا گیا۔

۲-تِیمُتِھیُس 4:22

خُداوند تیری رُوح دے نال رہے۔ تُہاڈے اُتّے فضل ہوندا رہے۔

عِبرانیوں 4:15

کیوں جو ساڈا اجیہا سردار کاہِن نئیں جیہڑا ساڈیاں کمزوریاں وِچ ساڈا دردی نا ہوسکے سگوں سارِیاں گلّاں وِچ ساڈے وانگر ازمایا گیا۔ تَد وی بے گُناہ رہیا۔

عِبرانیوں 7:26

کیوں جو سانُوں ایس طرح دا سردار کاہِن پھبدا سی جیہڑا پاک تے صاف دِل تے بے داغ تے گُنہگاراں توں وکھرا تے اسماناں توں اُچّا کِیتا گیا ہوئے۔

۱-یُوحنّا 2:1

بچّیو! ایہہ گلّاں مَیں تُہانوں ایس لئی لِکھنا آں۔ پئی تُسی گُناہ نا کرو۔ تے جے کوئی گُناہ کرے تے باپ دے کول ساڈا اِک مددگار رہندا اے۔ تے اوہ یِسُوع مسِیح اے جیہڑا راستباز اے۔

۱-یُوحنّا 3:22

تاں جو کُجھ اسی منگنے آں سو اوہدے ولّوں سانُوں مِلدا اے کیوں جو اسی اوہدے حُکماں نُوں مَنّنے آں تاں جو کُجھ اوہنوں پسند آؤندا اے اوہو ای کرنے آں۔