یُوحنّا 8:21 - پنجابی نواں عہد نامہ نظرثانی شدہ چھپائی

²¹ تَد اوس فیر اوہناں نُوں آکھیا مَیں جاناں آں۔ تے تُسی مَینُوں لَبّھو گے تے اپنے گُناہ وِچ مرو گے۔ جِتّھے مَیں جانا آں تُسی نئیں آسکدے۔

یُوحنّا 8:21 ပူးပေါင်းရင်းမြစ်များ

متّی 23:39

کیوں جو مَیں تُہانوں آکھنا آں پئی ہُن توں تُسی مَینُوں فیر نا ویکھو گے جد توڑی ایہہ نا آکھو گے پئی دھنّ اے اوہ جیہڑا خُداوند دے ناں اُتّے آؤندا اے۔

متّی 25:41

تَد اوہ کھبّے پاسے والیاں نُوں وی آکھے گا۔ اَے لعنتیؤ میرے اگّوں اوس ہمیشہ دی اَگ وِچ جاؤ جیہڑی ابلیس تے اوہدیاں فرِشتیاں دے لئی تیار کِیتی ہوئی اے۔

متّی 25:46

تے اوہ ہمیشہ دی سزا وِچ جان گے۔ پر نیک ہمیشہ دی زِندگی وِچ۔

یُوحنّا 12:33

ایہہ آکھ کے اوس اِشارے نال دسیا پئی اوس کیہڑی مَوت نال مرنا سی۔

یُوحنّا 12:35

تَد یِسُوع اوہناں نُوں آکھیا۔ اجے تھوڑا چِر چانن تُہاڈے وِچ اے۔ جِنّاں چِر تُہاڈے وِچ چانن اے ٹُرو پِھرو اجیہا نا ہوئے پئی ہنیرا تُہانوں آگھیرے۔ تے ہنیرے وِچ ٹُرن والے نُوں پتا نئیں لگ دا پئی کِتّھے جاندا اے۔

یُوحنّا 13:33

اَے بچّیو اجے تھوڑا چِر مَیں تُہاڈے نال آں۔ تُسی مَینُوں لَبّھو گے تے جیویں مَیں یہُودِیاں نُوں آکھیا سی پئی جِتّھے مَیں جاناں آں تُسی نئیں آسکدے ہُن تُہانوں وی آکھنا آں۔

یُوحنّا 7:34

تُسی مَینُوں ڈُھونڈو گے پر نئیں لَبّھو گے۔ تے جِتّھے مَیں آں تُسی نئیں آسکدے۔

یُوحنّا 7:36

ایہہ کِیہ گلّ اے جیہڑی اوس آکھی پئی تُسی مَینُوں ڈُھونڈو گے؟ پر مَینُوں لَبّھ نئیں سکو گے۔ تے جِتّھے مَیں آں تُسی نئیں آسکدے؟

یُوحنّا 8:24

ایس کر کے مَیں تُہانوں آکھیا پئی تُسی اپنے گُناہاں وِچ مرو گے کیوں جو جے تُسی نئیں مَنّو گے پئی مَیں اوہو آں تے تُسی اپنے گُناہاں وِچ مرو گے۔

اِفسِیوں 2:1

تے اوس تُہانوں وی جوالیا جیہڑے اپنے قصوراں تے گُناہاں دے سببّوں موئے ہوئے سو۔