یُوحنّا 7:39 - پنجابی نواں عہد نامہ نظرثانی شدہ چھپائی

³⁹ پر اوہنے ایہہ رُوح دی بابت آکھیا سی جیہڑا اوہدے مَنّن والیاں نُوں مِلنا سی۔ ایس لئی پئی اجے تِیکر رُوح نئیں سی مِلیا۔ کیوں جو یِسُوع اجے اپنے جلال نُوں نا سی پہنچیا۔

یُوحنّا 7:39 ပူးပေါင်းရင်းမြစ်များ

متّی 16:14

اوہ آکھن لگّے کئی تے یُوحنّا بپتِسمہ دین والا آکھدے نیں تے کئی ایلیّاہ تے ہور یِرمیاہ یا نبیاں وِچوں کوئی اِک۔

متّی 21:11

تے بِھیڑ آکھن لگّی۔ ایہہ اوہ نبی اے یِسُوع گلِیل دے ناصرۃ دا۔

لُوقا 24:49

تے ویکھو مَیں اپنے باپ دے وعدہ نُوں تُہاڈے اُتّے گھلّنا آں۔ پر تُسی شہر وِچ بَیٹھے رہو۔ جد تِیکر عالمِ بالا توں تُہانوں قُدرت دے لباس نا مِلے۔

لُوقا 3:16

تَد یُوحنّا نے سبھناں نُوں جواب دِتّا مَیں تے تُہانوں پانی نال بپتِسمہ دینا آں۔ پر میرے نالوں اِک ودِھیک طاقت والا آؤندا اے۔ جِہدی جُتّی دی مَیں وَدّھری کھولن جوگا نئیں آں۔ اوہ تُہانوں پاک رُوح تے اَگ نال بپتِسمہ دیوے گا۔

لُوقا 7:16

تے ساریاں خَوف کھادا تے خُدا دی وڈیائی کر کے آکھن لگّے پئی وَڈا نبی ساڈے وِچ اُٹھیا اے۔ تے خُدا اپنی اُمّت اُتّے نِگاہ کِیتی اے۔

یُوحنّا 1:21

تے اوہناں اوہنوں پُچھیا۔ فیر تُوں کون ایں؟ تُوں ایلیّاہ ایں؟ اوس آکھیا مَیں نئیں آں۔ تُوں اوہ نبی ایں؟ اوس جواب دِتّا نئیں۔

یُوحنّا 1:25

تے اوہناں اوہدے توں پُچھ کے اوہنوں آکھیا جے تُوں نا مسِیح ایں نا ایلیّاہ تے نا اوہ نبی تے فیر بپتِسمہ کیوں دینا ایں؟

یُوحنّا 1:33

تے مَیں اوہنوں جان دا نئیں ساں پر جِس مَینُوں گھلّیا سی پئی پانی نال بپتِسمہ دیاں اوس مَینُوں آکھیا سی پئی جِہدے اُتّے تُوں رُوح نُوں اُتر دیاں تے اوہدے اُتّے ٹھیر دیاں ویکھیں اوہو ای اے جیہڑا پاک رُوح نال بپتِسمہ دیندا اے۔

یُوحنّا 12:16

اوہدے شاگِرد پہلاں اوہناں گلّاں نُوں نا سمجھے۔ پر جد یِسُوع اپنے جلال نُوں پہنچ گیا سی۔ تَد اوہناں نُوں یاد آیا پئی ایہہ گلّاں اوہدی بابت لِکھیاں ہویاں سن۔ تے نالے ایہہ پئی اوہناں اوہدے نال ایہہ سلُوک کِیتا سی۔

یُوحنّا 12:23

یِسُوع نیں اوہناں نُوں جواب دِتّا ویلا آگیا اے پئی اِبنِ آدم دا جلال ہوئے۔

یُوحنّا 14:13

تاں جو کُجھ تُسی میرا ناں لے کے منگو گے مَیں اوہ کراں گا تاں جو پُتر وِچ باپ نُوں جلال مِلے۔

یُوحنّا 14:26

پر مددگار جیہڑا پاک رُوح اے جِہنُوں باپ میرے ناں اُتّے گھلّے گا اوہو تُہانوں سبھ کُجھ سکھالے گا۔ تے جو کُجھ مَیں تُہانوں آکھیا اے تُہانوں یاد کرا دے گا۔

یُوحنّا 16:14

اوہ میرا جلال ظاہر کرے گا۔ ایس لئی پئی اوہ میرِیاں شیواں وِچوں لَئے گا تے تُہانوں خبر دے گا۔

یُوحنّا 16:7

تَد وی مَیں تُہانوں ٹھیک آکھنا آں پئی میرا ٹُر جانا تُہاڈے واسطے چَنگا اے کیوں جو جے مَیں نا جاواں تے مددگار تُہاڈے کول نئیں آوے گا۔ پر جے مَیں جاواں تے اوہنوں تُہاڈے کول گھلاں گا۔

یُوحنّا 17:1

یِسُوع ایہہ گلّاں آکھیاں تے اَکھّیاں اسمان ولّ کر کے آکھیا اَے باپ گھڑی آگئی اے۔ اپنے پُتر نُوں جلال دے تاں جو پُتر تینُوں جلال دیوے۔

یُوحنّا 17:5

تے ہُن اَے باپ تُوں مَینُوں اپنے نال جلال دے اوسے جلال نال جیہڑا مَیں دُنیا دے ہون توں پہلاں ای تیرے نال رکھدا ساں۔

یُوحنّا 20:22

تے ایہہ آکھ کے اوہناں اُتّے پُھوک ماری تے اوہناں نُوں آکھیا پاک رُوح لوؤ۔

یُوحنّا 6:14

تَد اوہناں لوکاں ایہہ مُعجزہ جیہڑا اوس کِیتا ویکھ کے آکھیا۔ بِناں شک اوہ نبی جیہڑا دُنیا وِچ آؤن والا اے ایہو اے۔

یُوحنّا 7:12

تے اوہدی بابت بُہت لوکاں وِچ اوہدے مارِیاں بڑی بُڑبُڑ ہوئی۔ کئی آکھدے سن اوہ چَنگا بندہ اے۔ تے کئی آکھدے سن نئیں سگوں اوہ لوکاں نُوں بے راہ کر دا اے۔

یُوحنّا 8:54

یِسُوع جواب دِتّا جے مَیں اپنے آپ نُوں وڈیاواں تے میری وڈیائی کُجھ نئیں اے۔ پر میری وڈیائی میرا باپ کر دا اے جِہنُوں تُسی آکھدے ہو پئی اوہ ساڈا خُدا اے۔

اعمال 19:2

تے اوس اوہناں نُوں آکھیا۔ جدوں تُساں اِیمان لیاندا۔ تُہانوں پاک رُوح مِلیا؟ اوہناں اوہنوں آکھیا۔ اساں تے اینا سُنیا وی نئیں۔ پئی پاک رُوح وی کُجھ اے۔

اعمال 2:17

پئی خُدا آکھدا اے پئی اخِیری دہاڑیاں وِچ اِنج ہوئے گا۔ پئی مَیں اپنے رُوح وِچوں ساریاں انساناں اُتّے ڈوہلاں گا۔ تے تُہاڈے پُتر تے تُہاڈیاں دِھیاں نبُوّت کرن گِیاں تے تُہاڈے جوان رویا ویکھن گے۔ تے تُہاڈے بُڈّھے سُفنہ ویکھن گے۔

اعمال 2:33

سو جد اوہ خُدا دے سَجّے پاسے اُچّا کِیتا گیا تے اوس باپ کولوں پاک رُوح دا وعدہ پایا تاں اوس ایہہ جو تُسی ویکھدے تے سُندے ہو بخش دِتّا۔

اعمال 2:38

تَد پطرس اوہناں نُوں آکھیا۔ تَوبہ کرو۔ تے تُہاڈے وِچوں ہر اِک اپنے گُناہاں دی مُعافی لئی یِسُوع مسِیح دے ناں اُتّے بپتِسمہ لے لَئے۔ تاں پاک رُوح تُہانوں اِنعام وِچ مِلے گا۔

اعمال 2:4

تَد اوہ سارے پاک رُوح نال بھر گئے۔ تے اوپریاں بولیاں بولن لگّے جیویں رُوح اوہناں نُوں بولن دی طاقت دِتّی۔

اعمال 3:13

ابرہام تے اِضحاق تے یعقُوب دے خُدا۔ ساڈے پئیو دادیاں دے خُدا اپنے خادم یِسُوع نُوں جلال دِتّا۔ اوہنوں تُساں حوالے کِیتا۔ تے پِیلاطُس دے سامھنے اِنکاری ہوئے جِس ویلے اوس اوہنوں چھڈ دین دا اِرادہ کِیتا۔

اعمال 4:31

جد اوہناں دُعا منگ لئی تَد اوہ تھاں ہِل گیا جِہدے وِچ اوہ اکٹّھے ہوئے ہوئے سن۔ تے سبھو پاک رُوح نال بھر گئے۔ تے خُدا دا کلام دلیری نال سُنان لگّے۔

رُومِیوں 8:9

پر تُسی جِسمانی نئیں سگوں رُوحانی ہو۔ جے خُدا دا رُوح تُہاڈے وِچ وَسدا ہوئے۔ پر جِہدے وِچ مسِیح دا رُوح نئیں اوہ اوہدا نئیں اے۔

۲-کُرِنتھِیوں 3:8

تے رُوح دا عہد تے ضرُور ای جلال والا ہوئے گا۔

اِفسِیوں 4:30

تے خُدا دے پاک رُوح نُوں نا کلپاؤ جِہدی ساڈے اُتّے چُھٹکارے دے دِن لئی مُہر لگّی ہوئی اے۔