یُوحنّا 7:28 - پنجابی نواں عہد نامہ نظرثانی شدہ چھپائی

²⁸ ایس واسطے یِسُوع ہیکل وِچ سکھالن ویلے زور نال آکھیا۔ تُسی نالے مَینُوں جان دے ہو تے نالے ایہہ وی جان دے ہو مَیں کِتّھوں دا ہاں۔ تے مَیں اپنے ولّوں نئیں آیا آں۔ پر میرا گھلّن والا جِہنُوں تُسی نئیں جان دے سَچّا اے۔

یُوحنّا 7:28 ပူးပေါင်းရင်းမြစ်များ

متّی 11:27

سارِیاں شیواں میرے باپ توں مَینُوں سونپِیاں گِیئاں۔ تے کوئی پُتر نُوں نئیں جان دا پر باپ۔ تے نا باپ نُوں کوئی جان دا اے پر پُتر۔ تے اوہ جِہدے اُتّے پُتر اوہنوں ظاہر کرنا چاہے۔

متّی 2:23

تے ناصرۃ ناں اِک نگّر وِچ جا وسّیا۔ تاں جو اوہ جیہڑا پیغمبر آکھیا سی پُورا ہوئے پئی اوہ ناصری اکھوائے گا۔

متّی 26:55

اوسے ویلے یِسُوع لوکاں نُوں آکھیا تُسی مَینُوں چور سمجھ کے تلواراں تے ڈانگاں لے کے پھڑن لئی باہر نِکلے ہو؟ مَیں روز ہیکل وِچ بَہہ کے تعلِیم دیندا ساں تے تُساں مَینُوں نا پھڑیا۔

لُوقا 10:22

سبھ کُجھ میرے باپ ولّوں مَینُوں دِتّا گیا اے۔ تے کوئی پُتر نُوں بِناں باپ دے نئیں جان دا۔ پئی اوہ کون اے۔ تے نا کوئی باپ نُوں جان دا اے پئی اوہ کون اے۔ بِناں پُتر دے۔ تے اوہ جِہدے اُتّے پُتر اوہنوں ظاہر کرنا چاہے۔

لُوقا 2:11

پئی داؤد دے شہر وِچ اَج تُہاڈے لئی اِک نجات دین والا پَیدا ہویا اے جو مسِیح خُداوند اے۔

لُوقا 2:39

تے جد خُداوند دی شریعت دے سببّوں اوہناں سبھ کُجھ پُورا کِیتا تے اوہ گلِیل ولّ اپنے شہر ناصرۃ نُوں مُڑ گئے۔

لُوقا 2:4

تے یُوسف وی گلِیل دے ناصرۃ شہر وِچوں اُٹھ کے داؤد دے شہر بَیت لحم نُوں گیا۔ ایس لئی پئی اوہ داؤد دے گھرانے تے اولاد وِچوں سی جیہڑا یہُودیہ وِچ اے۔

لُوقا 2:51

تے اوہ اوہناں دے نال ٹُرکے ناصرۃ نُوں آیا۔ تے اوہناں دی تابعداری وِچ رہیا۔ تے اوہدی ماں سبھناں گلّاں نُوں اپنے دِل وِچ رکھ چھڈیا۔

یُوحنّا 1:46

تے نتنی ایل اوہنوں آکھیا کِیہ ناصرۃ وِچوں کوئی چنگی شے نِکل سکدی اے؟ فِلپُّس اوہنوں آکھیا۔ آ تے ویکھ لے۔

یُوحنّا 10:36

جِہنُوں باپ نیں مُقدّس کِیتا تے دُنیا وِچ گھلّیا۔ تُسی اوہنوں آکھدے ہو پئی تُوں کُفر بکنا ایں۔ جد مَیں آکھیا پئی مَیں خُدا دا پُتر آں؟

یُوحنّا 12:49

کیوں جو مَیں اپنے ولّوں نئیں بولیا پر باپ جِس مَینُوں گھلّیا اوس مَینُوں حُکم دِتّا اے پئی مَیں کِیہ آکھاں تے کِیہ بولاں۔

یُوحنّا 14:10

تُوں سَچ نئیں مَن دا پئی مَیں باپ وِچ آں تے باپ میرے وِچ اے؟ جیہڑیاں گلّاں مَیں تُہانوں آکھنا آں مَیں اپنے ولّوں نئیں آکھدا۔ پر باپ میرے وِچ رہ کے اپنے کمّ کر دا اے۔

یُوحنّا 14:31

ایہہ ایس لئی ہوندا اے۔ تاں جو دُنیا جانے پئی مَیں باپ نُوں پیار کرنا آں تے جیویں باپ نے مَینُوں حُکم دِتّا اوسے طرح مَیں کرنا آں۔ اُٹھو ایتھوں چلّئے۔

یُوحنّا 16:3

اوہ ایس واسطے ایہہ کرن گے کیوں جو نا اوہناں باپ نُوں جانیا اے نا مَینُوں۔

یُوحنّا 17:25

اے سَچّے مُنصف باپ دُنیا تینُوں نئیں جانیا پر مَیں تینُوں جانیا۔ تے اوہناں جانیا پئی تُوں مَینُوں گھلّیا۔

یُوحنّا 17:3

تے سدا دی زِندگی ایہہ اے پئی اوہ تینُوں جانن جیہڑا اکلّا سَچّا خُدا ایں تے نالے یِسُوع مسِیح نُوں جِہنُوں تُوں گھلّیا اے۔

یُوحنّا 3:2

اوہ رات دے ویلے اوہدے کول آیا تے اوہنوں آکھیا اَے ربّی اسی جاننے آں پئی تُوں خُدا ولّوں اُستاد ہو کے آیا ایں کیوں جو ایہہ کراماتاں جیہڑیاں تُوں کرنا ایں کوئی نئیں کر سکدا جے خُدا اوہدے نال نا ہوئے۔

یُوحنّا 3:33

جِس اوہدی گواہی مَنّی اے اوہنے اوس گلّ اُتّے مُہر کِیتی اے۔ پئی خُدا سَچّا اے۔

یُوحنّا 5:32

اِک ہور اے جیہڑا میرے حق وِچ گواہی دیندا اے تے مَیں جاننا آں پئی جیہڑی گواہی اوہ میرے حق وِچ دیندا اے سو سَچّی اے۔

یُوحنّا 5:43

مَیں اپنے باپ دے ناں اُتّے آیا آں تے تُسی مَینُوں قبول نئیں کر دے۔ جے ہور کوئی اپنے ای ناں اُتّے آوے اوہنوں تُسی قبول کر لوؤ گے۔

یُوحنّا 6:42

تے آکھن لگّے ایہہ یِسُوع یُوسف دا پُتر نئیں اے جِہدے ماں پئیو نُوں اسی جاننے آں؟ اوہ ہُن کِیویں آکھدا اے پئی مَیں اسمانوں لتّھا آں؟

یُوحنّا 7:14

پر جد اَدھی کُو عید رہندی سی یِسُوع ہیکل وِچ جا کے سکھالن لگّا۔

یُوحنّا 8:14

یِسُوع اوہناں نُوں آکھیا۔ بھانویں مَیں آپ اپنے حق وِچ گواہی دینا آں تے وی میری گواہی سَچّی اے کیوں جو مَیں جاننا آں پئی کِدھروں آیا تے کِدھر نُوں جانا آں۔ پر تُسی نئیں جان دے پئی کِدھروں آیا آں تے کِدھر نُوں جاناں آں۔

یُوحنّا 8:16

تے جے مَیں فیصلہ کرنا آں تے میرا فیصلہ سَچّا اے کیوں جو مَیں اکلّا نئیں آں پر مَیں تے باپ جِس مَینُوں گھلّیا۔

یُوحنّا 8:19

تَد اوہناں اوہنوں آکھیا کِتّھے اے تیرا باپ؟ یِسُوع جواب دِتّا نا تُسی مَینُوں جان دے ہو تے نا میرے باپ نُوں جے تُسی مَینُوں جان دے تے میرے باپ نُوں وی جان دے۔

یُوحنّا 8:26

مَینُوں تُہاڈی بابت بُہت کُجھ بولنا تے فیصلہ کرنا اے۔ پر میرا گھلّن والا سَچّا اے۔ تے جیہڑیاں گلّاں مَیں اوہدے کولوں سُنیاں نیں سو ای مَیں دُنیا وِچ بولنا آں۔

یُوحنّا 8:42

یِسُوع اوہناں نُوں آکھیا جے خُدا تُہاڈا باپ ہوندا تے تُسی مَینُوں پیار کر دے۔ کیوں جو مَیں خُدا توں نِکلیا تے آیا آں۔ تے مَیں آپ توں نئیں آیا آں پر اوس مَینُوں گھلّیا۔

یُوحنّا 9:29

سانُوں معلُوم اے پئی خُدا مُوسیٰ نال کلام کِیتا ہے پر ایہنوں اسی نئیں جان دے پئی ایہہ کِتّھوں دا اے۔

اعمال 17:23

کیوں جو مَیں لنگھدیاں لنگھدیاں تُہاڈے دیوتیاں اُتّے نظر کر دیاں اِک قُربان گاہ وی ویکھی جِہدے اُتّے ایہہ لِکھیا ہویا سی پئی انجان خُدا دے لئی۔ سو جِہنُوں تُسی انجاتیاں پُوجدے ہو اوہدی خبر مَیں تُہانوں دینا آں۔

رُومِیوں 1:28

تے جدوں خُدا نُوں اپنی پِچھّاں وِچ رکھناں اوہناں نُوں چَنگا نا لگّا تَد خُدا وی اوہناں نُوں بیواقوفی وِچ چھڈ دِتّا۔ پئی نالائق کمّ کرن۔

رُومِیوں 3:4

کدی نئیں سگوں خُدا سَچّا ٹھہرے۔ بھانویں سارے بندے جُھوٹھے ہون جیویں لِکھیا اے۔ پئی تُوں اپنیاں گلّاں وِچ سَچّا ٹھہریں۔ تے عدالت وِچ جِت جاویں۔

۲-کُرِنتھِیوں 1:18

خُدا دی سچیائی دی سَونہہ پئی ساڈے اوس کلام وِچ جیہڑا تُہاڈے نال کِیتا جاندا اے۔ ہاں تے نئیں دونویں ای نئیں ہوندے۔

۲-کُرِنتھِیوں 4:6

ایس لئی پئی خُدا ای اے جِس آکھیا پئی ہنیرے وِچوں نُور چمکے تے اوہو ای ساڈیاں دِلاں وِچ چمکیا۔ تاں جو خُدا دے جلال دی پچھان دا نُور یِسُوع مسِیح دے چِہرے توں چمکارا مارے۔

طِطُس 1:2

اوس سدا دی زِندگی دی آس وِچ جِہدا وعدہ مُڈھ تِھیں خُدا کِیتا سی۔ جیہڑا جُھوٹھ نئیں مار سکدا۔

عِبرانیوں 6:18

تاں جو دو نا بدلن والِیاں شیواں دے سبّب جِنہاں دی بابت خُدا دا جُھوٹھ بولنا مُمکِن نئیں۔ ساڈی چنگی طرح دِل دی تسلّی ہو جائے۔ جیہڑے پناہ لین نُوں ایس لئی دَوڑنے آں۔ پئی اوس آس کِیتی ہوئی شے نُوں جیہڑی اگّے رکھی ہوئی اے۔ ہتّھ وِچ لے لَئے۔

۱-یُوحنّا 5:10

جیہڑا خُدا دے پُتر اُتّے اِیمان لیاؤندا اے گواہی اوہدے وِچ ای اے تے جِس خُدا دی گواہی نئیں مَنّی اوس اوہنوں جُھوٹھا بنایا۔ کیوں جو اوس گواہی اُتّے جیہڑی خُدا اپنے پُتر دی بابت دِتّی اوہنے اِیمان نئیں لیاندا۔