یُوحنّا 7:16 - پنجابی نواں عہد نامہ نظرثانی شدہ چھپائی

¹⁶ تَد یِسُوع اوہناں نُوں جواب دِتّا۔ میری تعلِیم میری نئیں پر میرے گھلّن والے دی اے۔

یُوحنّا 7:16 ပူးပေါင်းရင်းမြစ်များ

یُوحنّا 14:10

تُوں سَچ نئیں مَن دا پئی مَیں باپ وِچ آں تے باپ میرے وِچ اے؟ جیہڑیاں گلّاں مَیں تُہانوں آکھنا آں مَیں اپنے ولّوں نئیں آکھدا۔ پر باپ میرے وِچ رہ کے اپنے کمّ کر دا اے۔

یُوحنّا 14:24

اوہ جیہڑا مَینُوں پیار نئیں کر دا اوہ میرے کلام نُوں نئیں مَن دا۔ تے جیہڑا کلام تُسی سُندے ہو میرا نئیں پر باپ دا اے جِس مَینُوں گھلّیا۔

یُوحنّا 17:14

مَیں اوہناں نُوں تیرا کلام دِتّا اے تے دُنیا اوہناں نال وَیر رکھیا کیوں جو اوہ دُنیا دے نئیں جیویں مَیں دُنیا دا نئیں آں۔

یُوحنّا 17:8

ایس لئی پئی ایہہ کلام جیہڑا تُوں مَینُوں دِتّا مَیں اوہناں نُوں دِتّا اے۔ تے اوہناں قبول کِیتا تے سَچ مَنّیا پئی مَیں تیرے ولّوں نِکلیا۔ تے اِیمان لیاندا پئی تُوں مَینُوں گھلّیا۔

یُوحنّا 3:11

مَیں تینُوں سَچ سَچ آکھنا آں پئی جو کُجھ اسی جاننے آں سو بولنے آں تے جِہنُوں اساں ویکھیا اے اوہدی گواہی دینے آں تُسی ساڈی گواہی قبول نئیں کر دے اوہ۔

یُوحنّا 3:31

اوہ جیہڑا اُتّوں آؤندا اے ساریاں توں اُتّے اے اوہ جیہڑا زمِینوں اے زمین ای دا اے تے زمین دی گلّ کر دا اے۔ اوہ جیہڑا اسمانوں آؤندا اے ساریاں توں اُتّے اے۔

یُوحنّا 5:30

مَیں اپنے آپ کُجھ نئیں کر سکدا۔ جیویں مَیں سُننا آں اوسے طرح عدالت کرنا آں تے میری عدالت سَچّی اے۔ کیوں جو مَیں اپنی مرضی نُوں نئیں لَبّھدا پر اوہدی مرضی نُوں جِس مَینُوں گھلّیا اے۔

یُوحنّا 6:44

میرے کول کوئی نئیں آسکدا جے باپ جِس مَینُوں گھلّیا اے اوہنوں نا کھِچّے۔ تے اخِیری دِن مَیں اوہنوں فیر زِندہ کراں گا۔

یُوحنّا 8:28

ایس لئی یِسُوع آکھیا جد تُسی اِبنِ آدم نُوں اُچیاں کرو گے تَد تُہانوں پتا لگّے گا پئی مَیں اوہ آں تے ایہہ پئی مَیں اپنے ولّوں کُجھ نئیں کر دا آں۔ پر جیویں باپ مَینُوں سکھالیا مَیں ایہہ گلّاں کر دا آں۔

۲یُوحنّا 1:9

جیہڑا اگّے وَدّھ جاندا اے تے مسِیح دی تعلِیم اُتّے قیم نئیں رہندا اوہدے کول خُدا نئیں۔ جیہڑا اوس تعلِیم اُتّے پَکّا رہندا اے اوہدے کول باپ وی اے تے پُتر وی۔

مُکاشفہ 1:1

یِسُوع مسِیح دا مُکاشفہ جیہڑا اوہنوں خُدا ولّوں ایس لئی ہویا۔ پئی اپنے بندیاں نُوں اوہ گلّاں وکھائے جیہڑیاں چھیتی ہون والیاں نیں۔ تے اوس اپنے فرِشتے نُوں گھلّیا۔ پئی اوہدی راہِیں اوہناں نُوں اپنے بندے یُوحنّا اُتّے ظاہر کرے۔