یُوحنّا 7:14 - پنجابی نواں عہد نامہ نظرثانی شدہ چھپائی

¹⁴ پر جد اَدھی کُو عید رہندی سی یِسُوع ہیکل وِچ جا کے سکھالن لگّا۔

یُوحنّا 7:14 ပူးပေါင်းရင်းမြစ်များ

متّی 21:12

تے یِسُوع خُدا دی ہیکل وِچ گیا تے ساریاں نُوں باہر کڈھ دِتّا جیہڑے ہیکل وِچ وَنج بِپار کر دے سن تے صرّافاں دے تختے تے کبُوتر ویچن والیاں دِیاں چَونکِیاں اُلٹا سُٹِّیاں۔

متّی 26:55

اوسے ویلے یِسُوع لوکاں نُوں آکھیا تُسی مَینُوں چور سمجھ کے تلواراں تے ڈانگاں لے کے پھڑن لئی باہر نِکلے ہو؟ مَیں روز ہیکل وِچ بَہہ کے تعلِیم دیندا ساں تے تُساں مَینُوں نا پھڑیا۔

لُوقا 19:47

تے اوہ روز دِہاڑے ہیکل وِچ تعلِیم دیندا سی پر سردار کاہِن تے فقِیہ تے قوم دے سردار اوہنوں قتل کرن دا داء لبّھدے سن۔

یُوحنّا 18:20

یِسُوع اوہنوں جواب دِتّا پئی مَیں کُھلّم کُھلا دُنیا وِچ گلّاں کِیتیاں نیں تے ہمیش عبادت خانے تے ہیکل وِچ جِتّھے سارے یہُودی اکٹّھے ہوندے نیں مَیں تعلِیم دِتّی۔ تے چُھپا کے مَیں کُجھ نئیں آکھیا۔

یُوحنّا 5:14

اوہدے بعدوں یِسُوع اوہنوں ہیکل وِچ ویکھ کے اوہنوں آکھیا ویکھ تُوں چَنگا ہوگیا ایں مُڑ گُناہ نا کریں۔ متے تیرے اُتّے ایدوں وی بُہتی خرابی آ پَوے۔

یُوحنّا 7:2

تے یہُودِیاں دی عِیدِ خیام نیڑے سی۔

یُوحنّا 7:28

ایس واسطے یِسُوع ہیکل وِچ سکھالن ویلے زور نال آکھیا۔ تُسی نالے مَینُوں جان دے ہو تے نالے ایہہ وی جان دے ہو مَیں کِتّھوں دا ہاں۔ تے مَیں اپنے ولّوں نئیں آیا آں۔ پر میرا گھلّن والا جِہنُوں تُسی نئیں جان دے سَچّا اے۔

یُوحنّا 7:37

چھیکڑلے دِن جیہڑا عید دا خاص دِن اے یِسُوع کھلو گیا تے اُچّی اُچّی آکھن لگّا جے کوئی تریہایا ہوئے تے میرے کول آئے تے پِیئے۔

یُوحنّا 8:2

تے سویرے فیر ہیکل نُوں گیا۔ تے سارے لوک اوہدے کول آئے۔ تے اوہ بَیہہ کے اوہناں نُوں سکھالن لگّا۔

یُوحنّا 8:20

اوس ہیکل دے وِچ تعلِیم دیندیاں ہویاں ایہہ گلّاں خزانے وِچ آکھیاں۔ تے کِسے اوہنوں نا پھڑیا کیوں جو اوہدا ویلا اجے نئیں سی آیا۔