یُوحنّا 6:68 - پنجابی نواں عہد نامہ نظرثانی شدہ چھپائی

⁶⁸ شمعُون پطرس اوہنوں جواب دِتّا اَے خُداوند اسی کیہدے کول جائیے؟ سدا دی زِندگی دِیاں گلّاں تے تیرے کول نیں۔

یُوحنّا 6:68 ပူးပေါင်းရင်းမြစ်များ

متّی 16:16

شمعُون پطرس نے جواب دے کے آکھیا۔ تُوں تے مسِیح ایں زِندہ خُدا دا پُتر۔

مرقس 8:29

فیر اوس اوہناں نُوں پُچھیا۔ تُسی کِیہ آکھدے ہو پئی مَیں کون آں؟ پطرس نے اوہنوں جواب دے کے آکھیا۔ تُوں مسِیح ایں۔

لُوقا 9:20

اوس اوہناں نُوں آکھیا تُسی کِیہ آکھدے اوہ۔ پئی مَیں کون آں؟ پطرس جواب دِتّا۔ خُدا دا مسِیح۔

یُوحنّا 12:49

کیوں جو مَیں اپنے ولّوں نئیں بولیا پر باپ جِس مَینُوں گھلّیا اوس مَینُوں حُکم دِتّا اے پئی مَیں کِیہ آکھاں تے کِیہ بولاں۔

یُوحنّا 12:50

تے مَیں جاننا آں پئی اوہدا حُکم سدا دی زِندگی اے۔ سو جو کُجھ مَیں بولنا آں جیویں باپ نیں مَینُوں آکھیا اے اوسے طرح بولنا آں۔

یُوحنّا 17:8

ایس لئی پئی ایہہ کلام جیہڑا تُوں مَینُوں دِتّا مَیں اوہناں نُوں دِتّا اے۔ تے اوہناں قبول کِیتا تے سَچ مَنّیا پئی مَیں تیرے ولّوں نِکلیا۔ تے اِیمان لیاندا پئی تُوں مَینُوں گھلّیا۔

یُوحنّا 5:24

مَیں تُہانوں سَچ سَچ آکھنا آں پئی اوہ جیہڑا میرا کلام سُندا اے تے اوہدے اُتّے جِس مَینُوں گھلّیا اے اِیمان لیاؤندا اے سدا دی زِندگی اوہدی اے۔ تے اوہ عدالت وِچ نئیں آؤندا سگوں مَوت توں لنگھ کے اوہ زِندگی وِچ جا اَپڑیا اے۔

یُوحنّا 6:40

کیوں جو میرے باپ دی ایہہ مرضی اے پئی جیہڑا پُتر نُوں ویکھدا اے تے اوہدے اُتّے اِیمان لیاؤندا اے سدا دی زِندگی اوہنوں مِلے۔ تے اخِیری دِن مَیں اوہنوں فیر زِندہ کراں گا۔

یُوحنّا 6:63

جوالن والی تے رُوح اے جِسم توں کُجھ فائدہ نئیں۔ جیہڑیاں گلّاں مَیں تُہانوں آکھیاں نیں۔ اوہ رُوح نیں تے زِندگی وی نیں۔

اعمال 13:26

بھراؤ۔ ابرہام دئیو پُترو۔ تے تُہاڈے وِچوں جِنّے خُدا توں ڈردے ہو۔ ساڈے لئی ایس نجات دا کلام گھلّیا گیا اے۔

اعمال 4:12

تے کِسے دُوجے توں نجات نئیں اے ایس لئی پئی اسمانوں ہیٹھاں بندیاں نُوں کوئی ہور ناں دِتّا نئیں گیا۔ جِہدی راہِیں اسی نجات پا سکیئے۔

اعمال 5:20

جاؤ تے ہیکل وِچ کھلو کے ایس زِندگی دِیاں سارِیاں گلّاں لوکاں نُوں سُناؤ۔

اعمال 7:38

ایہہ اوہ ای جَنا اے۔ جیہڑا بیابان دی کلِیسیا وِچ اوس فرِشتے دے نال سی جیہڑا سِینا پہاڑ اُتّے اوہدے نال گلّاں کر دا سی تے نالے ساڈیاں پئیو دادیاں دے نال سی اوسے نُوں جیون دا کلام مِلیا پئی ساڈے تِیکر پہنچائے۔

اعمال 8:37

[تَد فِلپُّس آکھیا پئی جے توں دِل لا کے اِیمان لِیاویں تے بپتِسمہ لے سکدا ایں۔ اوس جواب دِتّا پئی مَیں اِیمان لیاؤنا پئی یِسُوع مسِیح خُدا دا پُتر ایہہ۔]