یُوحنّا 6:53 - پنجابی نواں عہد نامہ نظرثانی شدہ چھپائی

⁵³ تَد یِسُوع اوہناں نُوں آکھیا مَیں تُہانوں سَچ سَچ آکھنا آں۔ جے تُسی اِبنِ آدم دا گوشت نا کھاؤ تے اوہدا لہو نا پِیو تُہاڈے اپنے وِچ زِندگی اے نئیں۔

یُوحنّا 6:53 ပူးပေါင်းရင်းမြစ်များ

متّی 18:3

تے آکھیا مَیں تُہانوں سَچ آکھنا آں پئی جے تُسی نا مُڑو تے بچّیاں وانگُوں نا بنو تُسی اسمان دی بادشاہی وِچ کدی نا وڑو گے۔

متّی 5:18

کیوں جو مَیں تُہانوں سَچ آکھنا آں پئی جِچر اسمان تے زمین ٹل نا جان توریت دا اِک نُقطہ یا اِک شوشہ کدی نا ٹلے گا جد تِیکر سبھ کُجھ پُورا نا ہوئے۔

متّی 8:20

تے یِسُوع اوہنوں آکھیا لُومبڑِیاں کول گھورنے تے وَا دیاں پنچھیاں کول آہلنے۔ پر اِبنِ آدم کول تھاں نئیں اے جِتّھے سِر دھرے۔

لُوقا 13:3

مَیں تُہانوں آکھنا آں پئی نئیں۔ پر جے تُسی تَوبہ نا کرو۔ تے تُسی سبھو ایسے طرح ہلاک ہوؤگے۔

لُوقا 13:5

مَیں تُہانوں آکھنا آں نئیں۔ پر جے تُسی تَوبہ نا کرو تے سبھو ایسے طرح ہلاک ہوؤگے۔

یُوحنّا 13:8

پطرس اوہنوں آکھیا تُوں میرے پَیر کَدے نا دھوئیں گا۔ یِسُوع اوہنوں جواب دِتّا جے مَیں تینُوں نا دھوواں تاں میرے نال تیرا کوئی حِصّہ نئیں اے۔

یُوحنّا 15:4

تُسی میرے وِچ رہو تے مَیں تُہاڈے وِچ۔ جیویں ٹہنی جِنّاں چِر انگور دے بُوٹے وِچ نا رہے۔ آپے پَھل نئیں لیا سکدی ایسے طرح تُسی پَھل نئیں لیا سکدے۔ جِنّاں چِر میرے وِچ نا رہو۔

یُوحنّا 3:3

یِسُوع اوہنوں جواب دِتّا مَیں تینُوں سَچ سَچ آکھنا آں کوئی بندہ جے نَوِیں سِریوں نا جمّے اوہ خُدا دی بادشاہی نُوں ویکھ نئیں سکدا۔

یُوحنّا 3:36

جیہڑا پُتر اُتّے اِیمان لیاؤندا اے سدا دی زِندگی اوہدی اے۔ پر جیہڑا پُتر نُوں نئیں مَندا اوہ تے زِندگی نئیں ویکھے گا سگوں خُدا دا قَہر اوہدے اُتّے رہندا اے۔

یُوحنّا 3:5

یِسُوع جواب دِتّا مَیں تینُوں سَچ سَچ آکھنا آں جے کوئی پانی تے رُوح تُھوں نا جمّے اوہ خُدا دی بادشاہی وِچ وڑ نئیں سکدا۔

یُوحنّا 6:47

مَیں تُہانوں سَچ سَچ آکھنا آں پئی جیہڑا میرے اُتّے اِیمان لیاؤندا اے سدا دی زِندگی اوہدی اے۔

یُوحنّا 6:51

زِندگی دی روٹی مَیں آں جیہڑی اسمانوں لتّھی اے جے کوئی ایس روٹی وِچوں کھائے سدا تِیکر جئے گا۔ سگوں جیہڑی روٹی مَیں دُنیا دی زِندگی لئی دیاں گا اوہ میرا گوشت اے۔

یُوحنّا 6:55

ایس لئی پئی میرا گوشت اصل کھان والی شے تے میرا لہو اصل پِین والی شے اے۔

یُوحنّا 6:62

جے تُسی اِبنِ آدم نُوں اوس تھاں جِتّھے پہلاں سی چڑھدیاں ویکھو تَد کِیہ ہوئے گا؟

۱-یُوحنّا 5:12

جِہدے کول پُتر اے اوہدے کول زِندگی اے۔ تے جِہدے کول خُدا دا پُتر نئیں اوہدے کول زِندگی وی نئیں۔

مُکاشفہ 2:17

جِہدے کنّ ہَین اوہ سُن لَئے پئی رُوح کلِیسیاواں نُوں کِیہ آکھدا اے۔ جیہڑا جِتّے مَیں اوہنوں لُکے ہوئے مَن وِچوں دیاں گا۔ تے اِک چِٹّا پتّھر دیاں گا اوس پتّھر اُتّے اِک نواں ناں لِکھیا ہویا ہوئے گا جِہنُوں اوہدے لین والے دے سِوا کوئی نا جانے گا۔

مُکاشفہ 2:7

جِہدے کنّ ہون اوہ سُن لَئے۔ پئی رُوح کلِیسیاواں نُوں کِیہ آکھدا اے۔ جیہڑا جِتّے مَیں اوہنوں اوس زِندگی دے بُوٹے نالوں جیہڑا خُدا دی بہشت وِچ اے۔ پَھل کھان نُوں دیاں گا۔