یُوحنّا 6:38 - پنجابی نواں عہد نامہ نظرثانی شدہ چھپائی

³⁸ کیوں جو مَیں اسمانوں اپنی مرضی پُوری کرن نُوں نئیں لتّھا آں۔ پر اوہدی مرضی جِس مَینُوں گھلّیا اے۔

یُوحنّا 6:38 ပူးပေါင်းရင်းမြစ်များ

متّی 20:28

جیویں اِبنِ آدم سیوا کران نئیں سگوں سیوا کرن تے بتھیریاں دے تھاں ڈنڈ بھرن نُوں اپنی جان دین آیا اے۔

یُوحنّا 3:13

تے اسمان اُتّے کوئی نئیں چڑھیا اوہدے سِوا جیہڑا اسمانوں لتّھا اے۔ یعنی اِبنِ آدم جیہڑا اسمان دے وِچ اے۔

یُوحنّا 3:17

کیوں جو خُدا اپنے پُتر نُوں دُنیا وِچ ایس لئی نئیں گھلّیا پئی دُنیا دی عدالت کرے سگوں ایس لئی پئی دُنیا اوہدے سببّوں بچ جائے۔

یُوحنّا 3:31

اوہ جیہڑا اُتّوں آؤندا اے ساریاں توں اُتّے اے اوہ جیہڑا زمِینوں اے زمین ای دا اے تے زمین دی گلّ کر دا اے۔ اوہ جیہڑا اسمانوں آؤندا اے ساریاں توں اُتّے اے۔

یُوحنّا 4:34

یِسُوع اوہناں نُوں آکھیا میرا کھانا ایہہ اے پئی اپنے گھلّن والے دی مرضی اُتّے چلاں تے اوہدا کمّ پُورا کراں۔

یُوحنّا 5:19

ایس واسطے یِسُوع اوہناں نُوں جواب دِتّا مَیں تُہانوں سَچ سَچ آکھنا آں پئی پُتر آپ توں کُجھ نئیں کر سکدا پر جو کُجھ اوہ باپ نُوں کر دیاں ویکھدا اے۔ کیوں جو جیہڑے کمّ اوہ کر دا اے پُتر وی اوسے طرح کر دا اے۔

یُوحنّا 5:30

مَیں اپنے آپ کُجھ نئیں کر سکدا۔ جیویں مَیں سُننا آں اوسے طرح عدالت کرنا آں تے میری عدالت سَچّی اے۔ کیوں جو مَیں اپنی مرضی نُوں نئیں لَبّھدا پر اوہدی مرضی نُوں جِس مَینُوں گھلّیا اے۔

یُوحنّا 6:29

یِسُوع اوہناں نُوں جواب دِتّا خُدا دا کمّ ایہہ اے پئی تُسی اوہدے اُتّے جِہنُوں اوس گھلّیا اے اِیمان لیاؤ۔

یُوحنّا 6:33

کیوں جو خُدا دی روٹی اوہ اے جیہڑی اسمانوں لہندی اے تے دُنیا نُوں زِندگی دیندی اے۔

یُوحنّا 6:42

تے آکھن لگّے ایہہ یِسُوع یُوسف دا پُتر نئیں اے جِہدے ماں پئیو نُوں اسی جاننے آں؟ اوہ ہُن کِیویں آکھدا اے پئی مَیں اسمانوں لتّھا آں؟

یُوحنّا 6:57

جیویں باپ جیہڑا جِیوندا اے مَینُوں گھلّیا تے مَیں باپ دے سبّب جِیوناں آں۔ اوہ وی جیہڑا مَینُوں کھاندا اے میرے سبّب جیوے گا۔

رُومِیوں 15:3

کیوں جو مسِیح نے وی اپنے آپ نُوں خُوش نئیں کِیتا۔ پر جیویں لِکھیا ہویا اے۔ تیرے طعنے مارن والیاں دے طعنے میرے اُتّے آپئے۔

اِفسِیوں 4:9

(ہُن اوہدے چڑھن دا ایہدے بِناں ہور کِیہ مطلب اے پئی زمین دے ہیٹھلے علاقے وِچ وی اُتریا سی؟

عِبرانیوں 5:8

تے بھانویں اوہ پُتر سی تے وی اوس دُکھ سہہ سہہ کے فرمانبرداری سِکھی۔