یُوحنّا 6:37 - پنجابی نواں عہد نامہ نظرثانی شدہ چھپائی

³⁷ سبھ کُجھ جو باپ مَینُوں دیندا اے میرے ولّ آوے گا تے جیہڑا میرے کول آؤندا اے اوہنوں مَیں کَدے وی باہر نا کڈھاں گا۔

یُوحنّا 6:37 ပူးပေါင်းရင်းမြစ်များ

متّی 11:28

اَے سارے لوکو جیہڑے محنت کر دے تے بھار ہیٹھ دبّے پئے ہو۔ میرے کول آؤ تے مَیں تُہانوں آرام دیاں گا۔

متّی 24:24

کیوں جو جُھوٹھے مسِیح تے جُھوٹھے پیغمبر اُٹھن گے۔ تے بھارے نِشان تے کراماتاں وکھان گے۔ اجیہے پئی جے ہو سکے تے اوہ چُنیاں ہویاں نُوں وی گُمراہ کر لین۔

یُوحنّا 17:11

تے ہُن مَیں دُنیا وِچ ہور نئیں رہنا۔ تے ایہہ دُنیا وِچ نیں۔ تے مَیں تیرے کول آؤناں آں۔ اَے قُدُّوس باپ! تُوں اپنے اوس ناں دی راہِیں جیہڑا تُوں مَینُوں دِتّا اے اوہناں دی سنبھالنا کر تاں جو اوہ ساڈے وانگُوں اِک ہون۔

یُوحنّا 17:2

جیویں تُوں اوہنوں کُل اِنسان اُتّے اختیار دِتّا اے پئی جیہڑے تُوں اوہنوں دِتّے نیں اوہ اوہناں سبھناں نُوں سدا دی زِندگی دیوے۔

یُوحنّا 17:24

اَے باپ مَیں چاہناں آں پئی جِتّھے مَیں آں اوہ وی جیہڑے تُوں مَینُوں دِتّے نیں۔ میرے نال ہون۔ تاں جو اوہ میرا جلال جیہڑا تُوں مَینُوں دِتّا اے ویکھن کیوں جو تُوں دُنیا دے بنن توں پہلا ای مَینُوں پیار کِیتا۔

یُوحنّا 17:6

مَیں تیرے ناں نُوں اوہناں بندیاں اُتّے ظاہر کِیتا اے جیہڑے تُوں مَینُوں دُنیا وِچوں دِتّے۔ اوہ تے تیرے سن تے تُوں مَینُوں دِتّے نیں۔ تے اوہناں تیرا کلام مَن لیا اے۔

یُوحنّا 6:39

تے جِس مَینُوں گھلّیا اے اوہدی ایہہ مرضی اے پئی جو کُجھ اوس مَینُوں دِتّا اے اوہدے وِچوں مَیں کُجھ نا گواواں پر اخِیری دِن فیر زِندہ کراں۔

یُوحنّا 6:65

تے اوس آکھیا مَیں ایس ای واسطے تُہانوں ایہہ گلّ آکھی اے پئی کوئی میرے کول نئیں آسکدا۔ جے باپ توں اوہنوں بخشیا نا گیا ہوئے۔

یُوحنّا 9:34

اوہناں اوہنوں جواب وِچ آکھیا تُوں تے گُناہاں وِچ جمّیا سائیں تے سانُوں سکھانا ایں؟ تے اوہنوں باہر کڈھ دِتّا۔

رُومِیوں 5:20

تے شریعت نال ای آوڑِی تاں جو قصور بُہتا ہوئے۔ پر جِتّھے گُناہ بُہتا ہویا۔ اوتھے فضل حدّوں باہر وَدّھ ہویا۔

فِلِپّیوں 1:29

کیوں جو مسِیح دی خاطر تُہاڈے اُتّے ایہہ فضل ہویا۔ پئی نا نِرے اوہدے اُتّے اِیمان لیاؤ سگوں اوہدی خاطر دُکھ وی سَہندے رہو۔

۱-تِیمُتِھیُس 1:16

میرے اُتّے ایس لئی رَحم ہویا پئی یِسُوع مسِیح میرے سببّوں جیہڑا موہرلا ہاں سارا صبر وکھائے پئی جِنہاں لوکاں سدا دی زِندگی لئی اوہدے اُتّے اِیمان لیاؤنا اے اوہناں لئی مَیں نمونہ بناں۔

۲-تِیمُتِھیُس 2:19

تَد وی خُدا دی پَکّی نِینّھ قیم رہندی اے۔ تے اوہدے اُتّے ایہہ مُہر اے پئی خُداوند اپنیاں نُوں پچھاندا اے۔ تاں جو کوئی خُداوند دا ناں لَیندا اے۔ ناراستی توں مُڑ جائے۔

عِبرانیوں 4:15

کیوں جو ساڈا اجیہا سردار کاہِن نئیں جیہڑا ساڈیاں کمزوریاں وِچ ساڈا دردی نا ہوسکے سگوں سارِیاں گلّاں وِچ ساڈے وانگر ازمایا گیا۔ تَد وی بے گُناہ رہیا۔

عِبرانیوں 7:25

ایس واسطے جیہڑے اوہدے راہِیں خُدا کول آوندے نیں اوہ اوہناں نُوں پُوری نجات دے سکدا اے۔ کیوں جو اوہ اوہناں دی سفارِش لئی ہمیشہ جِیوندا اے۔

۱-یُوحنّا 2:19

نِکلے تے اوہ ساڈے وِچوں ای سن۔ پر ساڈے نئیں سن۔ ایس لئی پئی جے اوہ ساڈے ہوندے تے ساڈے نال رہندے پر ایس لئی نِکل گئے تاں جو پَتا لگ جائے۔ پئی اوہ سارے ساڈے نئیں۔

مُکاشفہ 22:17

رُوح تے وَوہٹی آکھدے نیں پئی آ تے سُنن والا وی آکھے آ تے جیہڑا تریہایا اے آوے تے جیہڑا چاہے حیاتی دا پانی مُفت لے لَئے۔