یُوحنّا 6:36 - پنجابی نواں عہد نامہ نظرثانی شدہ چھپائی

³⁶ پر مَیں تُہانوں آکھ دِتّا اے پئی تُساں مَینُوں ویکھیا اے۔ تَد وی اِیمان نئیں لیاؤندے۔

یُوحنّا 6:36 ပူးပေါင်းရင်းမြစ်များ

لُوقا 16:31

اوس اوہنوں آکھیا۔ جے مُوسیٰ تے نبیاں دی نئیں سُندے۔ تے بھانویں مُردیاں وِچوں کوئی جی وی اُٹھے۔ اوہ نا مَنّن گے۔

یُوحنّا 12:37

پر بھانویں اوس اینِیاں کراماتاں اوہناں دے سامھنے وکھائیاں سن تَد وی اوہ اوہدے اُتّے اِیمان نا لیائے۔

یُوحنّا 15:24

جے مَیں اوہناں وِچ اوہ کمّ جیہڑے کِسے دُوجے نیں نئیں کِیتے نا کر دا تے اوہناں دا گُناہ نا ہوندا پر ہُن تے اوہناں مَینُوں تے میرے باپ نُوں دوہاں نُوں ویکھیا تے ساڈے نال وَیر وی کِیتا اے۔

یُوحنّا 6:26

یِسُوع اوہناں نُوں آکھیا۔ مَیں تُہانوں سَچ سَچ آکھنا آں تُسی مَینُوں ایس واسطے نئیں لبّھدے پئی تُساں کراماتاں ویکھیاں۔ پر ایس واسطے پئی اوہناں روٹِیاں وِچوں کھا کے تُسی رَجّ گئے۔

یُوحنّا 6:30

تَد اوہناں اوہنوں آکھیا فیر تُوں کیہڑی کرامات کرنا ایں؟ پئی اسی دیکھئے تے تینُوں مَنّئے تُوں کِیہ کرنا ایں؟

یُوحنّا 6:37

سبھ کُجھ جو باپ مَینُوں دیندا اے میرے ولّ آوے گا تے جیہڑا میرے کول آؤندا اے اوہنوں مَیں کَدے وی باہر نا کڈھاں گا۔

یُوحنّا 6:40

کیوں جو میرے باپ دی ایہہ مرضی اے پئی جیہڑا پُتر نُوں ویکھدا اے تے اوہدے اُتّے اِیمان لیاؤندا اے سدا دی زِندگی اوہنوں مِلے۔ تے اخِیری دِن مَیں اوہنوں فیر زِندہ کراں گا۔

یُوحنّا 6:64

پر تُہاڈے وِچ کئی نیں جیہڑے اِیمان نئیں لیاؤندے۔ کیوں جو یِسُوع مُڈھوں جان دا سی پئی کیہڑے نیں جیہڑے اِیمان نئیں لیاؤندے۔ تے کون اے جیہڑا مَینُوں پھڑواوے گا۔