یُوحنّا 6:27 - پنجابی نواں عہد نامہ نظرثانی شدہ چھپائی

²⁷ فنا ہون والے کھانے لئی محنت نا کرو پر اوس کھانے لئی جیہڑا سدا دی زِندگی تِیکر رہن والا اے جیہڑا اِبنِ آدم تُہانوں دیوے گا کیوں جو خُدا جیہڑا باپ اے اوس اوہدے اُتّے مُہر کر دِتّی اے۔

یُوحنّا 6:27 ပူးပေါင်းရင်းမြစ်များ

متّی 17:5

اوہ تے اجے پیا بول دا ای سی تے ویکھو اِک نُورانی بدّل اوہناں اُتّے چھاں کِیتی۔ تے بدّل وِچوں اِک اواز ایہہ آکھدی آئی پئی ”ایہہ میرا پیارا پُتر اے جِس توں مَیں خُوش آں۔ اوہدی سُنو۔“

متّی 25:46

تے اوہ ہمیشہ دی سزا وِچ جان گے۔ پر نیک ہمیشہ دی زِندگی وِچ۔

متّی 3:17

تے ویکھو اسماناں توں اِک اواز آئی پئی ایہہ میرا پیارا پُتر اے جِس توں مَیں بڑا خُوش آں۔

متّی 6:19

زمین اُتّے اپنے لئی خزانہ اکٹّھا نا کرو جِتّھے کِیڑا تے جنگال خراب کر دے تے جِتّھے چور وی سَنّھ مار دے تے چُرا لے جاندے نیں۔

متّی 8:20

تے یِسُوع اوہنوں آکھیا لُومبڑِیاں کول گھورنے تے وَا دیاں پنچھیاں کول آہلنے۔ پر اِبنِ آدم کول تھاں نئیں اے جِتّھے سِر دھرے۔

مرقس 1:11

تے اسمانوں اِک اواز آئی۔ پئی تُوں میرا پیارا پُتر ایں۔ تَیتھوں مَیں راضی آں۔

مرقس 9:7

تَد اِک بدّل آیا۔ تے اوہناں اُتّے چھاں کِیتی۔ تے بدّل وِچوں اِک اواز آئی۔ پئی ایہہ میرا پیارا پُتر اے۔ اوہدی سُنو۔

لُوقا 3:22

تے رُوحُ القُدس کبُوتر وانگر اوہدے اُتّے اُتریا تے اسمان توں اِک اواز آئی۔ پئی ”تُوں میرا پیارا پُتر ایں تَیتھوں مَیں راضی ہاں۔“

لُوقا 9:35

تے بدّلوں اِک اواز آئی پئی ایہہ میرا چُنیا ہویا پُتر اے۔ اوہدی سُنو۔

یُوحنّا 10:28

تے مَیں اوہناں نُوں سدا دی زِندگی دینا آں۔ تے اوہ کدی ہلاک نا ہون گِیاں۔ تے کوئی میرے ہتھّوں اوہناں نُوں نئیں کھووے گا۔

یُوحنّا 11:42

تے مَینُوں تے پتا سی پئی تُوں ہمیش میری سُندا ایں۔ پر لوکاں لئی جیہڑے میرے آلے دوالے کھلوتے ہوئے نیں مَیں ایہہ آکھیا تاں جو اِیمان لیاؤن پئی تُوں مَینُوں گھلّیا اے۔

یُوحنّا 14:6

یِسُوع اوہنوں آکھیا مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔

یُوحنّا 15:24

جے مَیں اوہناں وِچ اوہ کمّ جیہڑے کِسے دُوجے نیں نئیں کِیتے نا کر دا تے اوہناں دا گُناہ نا ہوندا پر ہُن تے اوہناں مَینُوں تے میرے باپ نُوں دوہاں نُوں ویکھیا تے ساڈے نال وَیر وی کِیتا اے۔

یُوحنّا 17:2

جیویں تُوں اوہنوں کُل اِنسان اُتّے اختیار دِتّا اے پئی جیہڑے تُوں اوہنوں دِتّے نیں اوہ اوہناں سبھناں نُوں سدا دی زِندگی دیوے۔

یُوحنّا 3:15

تاں جو جیہڑا کوئی اِیمان لیاوے اوہنوں اوہدے وِچ سدا دی زِندگی مِلے۔

یُوحنّا 3:33

جِس اوہدی گواہی مَنّی اے اوہنے اوس گلّ اُتّے مُہر کِیتی اے۔ پئی خُدا سَچّا اے۔

یُوحنّا 6:40

کیوں جو میرے باپ دی ایہہ مرضی اے پئی جیہڑا پُتر نُوں ویکھدا اے تے اوہدے اُتّے اِیمان لیاؤندا اے سدا دی زِندگی اوہنوں مِلے۔ تے اخِیری دِن مَیں اوہنوں فیر زِندہ کراں گا۔

یُوحنّا 6:47

مَیں تُہانوں سَچ سَچ آکھنا آں پئی جیہڑا میرے اُتّے اِیمان لیاؤندا اے سدا دی زِندگی اوہدی اے۔

یُوحنّا 6:51

زِندگی دی روٹی مَیں آں جیہڑی اسمانوں لتّھی اے جے کوئی ایس روٹی وِچوں کھائے سدا تِیکر جئے گا۔ سگوں جیہڑی روٹی مَیں دُنیا دی زِندگی لئی دیاں گا اوہ میرا گوشت اے۔

یُوحنّا 6:53

تَد یِسُوع اوہناں نُوں آکھیا مَیں تُہانوں سَچ سَچ آکھنا آں۔ جے تُسی اِبنِ آدم دا گوشت نا کھاؤ تے اوہدا لہو نا پِیو تُہاڈے اپنے وِچ زِندگی اے نئیں۔

یُوحنّا 6:54

اوہ جیہڑا میرا گوشت کھاندا تے میرا لہو پَیندا اے سدا دی زِندگی اوہدی اے۔ تے اخِیری دِن مَیں اوہنوں زِندہ کراں گا

یُوحنّا 6:58

روٹی جیہڑی اسمانوں لتّھی ایہہ اے۔ اجیہی نئیں جیہڑی وڈّیاں کھادِی تے مر گئے۔ جیہڑا ایس روٹی نُوں کھائے سدا جیوے گا۔

یُوحنّا 6:62

جے تُسی اِبنِ آدم نُوں اوس تھاں جِتّھے پہلاں سی چڑھدیاں ویکھو تَد کِیہ ہوئے گا؟

یُوحنّا 6:68

شمعُون پطرس اوہنوں جواب دِتّا اَے خُداوند اسی کیہدے کول جائیے؟ سدا دی زِندگی دِیاں گلّاں تے تیرے کول نیں۔

یُوحنّا 8:18

مَیں آں جیہڑا اپنے حق وِچ گواہی دینا آں تے باپ جِس مَینُوں گھلّیا اے میرے حق وِچ گواہی دیندا اے۔

اعمال 10:38

یعنی یِسُوع ناصری دی بابت پئی خُدا نے پاک رُوح تے قُدرت نال اوہنوں کِیویں مسَح کِیتا۔ اوہ تاں بھلیائی کر دا تے ابلیس دے سارے قابُو کِیتیاں ہویاں نُوں چَنگا کر دا پِھریا۔ کیوں جو خُدا اوہدے نال سی۔

اعمال 2:22

اَے اِسرائیلیو! ایہہ گلّاں سُنو پئی یِسُوع ناصری اِک بندہ سی جِہدا خُدا دے ولّوں ہونا تُہاڈے اُتّے اوہناں کراماتاں تے نشانِیاں تے عجب کمّاں نال ثابت ہویا جیہڑے خُدا اوہدی ہتّھِیں تُہاڈے وِچ وکھالے۔ جیویں تُسی آپ جان دے ہو۔

رُومِیوں 4:11

تے اوہنوں سُنتی بہن دا نِشان مِلیا۔ پئی اوس اِیمان دی راستبازی دی مُہر ہوئے۔ جیہڑا اوہ ناسُنتی دے حال وِچ لیایا۔ تاں جو اوہ سبھناں دا پئیو ہوئے۔ جیہڑے نا سُنت ہوندیاں اِیمان لیاؤندے نیں پئی اوہناں لئی راستبازی گِنی جاوے۔

رُومِیوں 6:23

کیوں جو گُناہ دی مزدُوری مَوت اے۔ پر خُدا دی بخشِش ساڈے خُداوند یِسُوع مسِیح وِچ ہمیشہ دی زِندگی اے۔

۱-کُرِنتھِیوں 6:13

کھانے ڈِھڈ لئی نیں تے ڈِھڈ کھانیاں لئی۔ پر خُدا اوہنوں تے اوہناں نُوں فنا کرے گا۔ پر بدن حرامکاری لئی نئیں سگوں خُداوند لئی اے۔ تے خُداوند بدن لئی۔

۱-کُرِنتھِیوں 9:2

جے مَیں ہورناں دا رسُول نئیں۔ پر تُہاڈے لئی تے ضرُور آں۔ کیوں جو تُسی آپ ای خُداوند وِچ میرے رسُول ہون اُتّے موہر ہو۔

۲-کُرِنتھِیوں 4:18

جِس حال اسی ویکھیاں ہویاں شیواں اُتّے نئیں سگوں اَن ویکھیاں شیواں اُتّے نِگاہ کرنے آں۔ کیوں جو ویکھیاں ہویاں شیواں تھوڑیاں دِناں دِیاں نیں۔ پر اَن ویکھیاں شیواں سدا رہن والیاں نیں۔

گلتِیوں 5:6

تے مسِیح یِسُوع وِچ نا تے سُنتی بہنا کِسے کمّ دا اے۔ تے نا سُنتی نا بہنا۔ پر اوہ اِیمان جیہڑا مُحبّت دی راہِیں اثر کر دا اے۔

فِلِپّیوں 2:13

کیوں جو جیہڑا تُہاڈے وِچ نِیّت تے عمل دوہاں نُوں اپنا نیک اِرادہ پُورا کرن لئی پَیدا کر دا اے سو خُدا ای اے۔

کُلُسِّیوں 1:29

تے ایسے لئی مَیں اوہدی اوس قُوّت دے سببّوں دِل توڑ کے محنت کرنا آں۔ جیہڑی میرے وِچ زور نال اثر کر دی اے۔

کُلُسِّیوں 2:22

(کیوں جو ایہہ سارِیاں شیواں ورتدیاں ورتدیاں مُک جان گِیاں۔)

کُلُسِّیوں 3:2

اُتّے دِیاں شیواں دے دھیان وِچ رہو زمین دِیاں شیواں دے نئیں۔

۱-تھِسّلُنِیکوں 1:3

تے اپنے خُدا تے باپ اگّے تُہاڈے اِیمان دے کمّ تے مُحبّت دی محنت تے اوس آس دے صبر نُوں جیہڑا ساڈے خُداوند یِسُوع مسِیح دے اُتّے اے۔ ہر ویلے یاد کرنے آں۔

۲-تِیمُتِھیُس 2:19

تَد وی خُدا دی پَکّی نِینّھ قیم رہندی اے۔ تے اوہدے اُتّے ایہہ مُہر اے پئی خُداوند اپنیاں نُوں پچھاندا اے۔ تاں جو کوئی خُداوند دا ناں لَیندا اے۔ ناراستی توں مُڑ جائے۔

عِبرانیوں 12:16

متے کوئی زنائی تے عیسَو وانگر بے دین ہوئے جِس اِک ڈنگ دے کھان بدلے اپنا پلیٹھی دا حق ویچ چھڈیا۔

عِبرانیوں 4:11

سو بھراؤ اسی اوس آرام وِچ داخل ہون دا جتن کریئے۔ اجیہا نا ہوئے پئی اوہناں وانگر نافرمانی کر کے کوئی بندہ ڈِگّ پَوے۔

یعقُوب 1:11

کیوں جو سُورج چڑھدیاں ای لو وَگن لگدی اے۔ تے گھاہ نُوں سُکّا دیندی اے۔ تے اوہدا پَھل ڈِگّ پَیندا اے تے اوہدا رُوپ جاندا رہندا اے۔ ایسے طرح دَولتمند وی اپنے راہاں وِچ ٹُردیاں ٹُردیاں مِٹّی وِچ رَل جائے گا۔

۱-پطرس 1:24

فیر ایہہ آیا اے۔ پئی اِنسان گھاہ وانگر اے تے اوہدی ساری شان و شوکت گھاہ دے پُھل وانگر اے گھاہ تے کُرما جاندا اے تے پُھل ڈِگّ پَیندا اے۔

۲-پطرس 1:17

پئی اوس خُدا باپ اوس ویلے عِزّت تے جلال پایا جد اوس بڑے جلال وِچوں اوہنوں ایہہ اواز آئی پئی ایہہ میرا پیارا پُتر اے جِہدے توں مَیں خُوش آں۔