یُوحنّا 5:30 - پنجابی نواں عہد نامہ نظرثانی شدہ چھپائی

³⁰ مَیں اپنے آپ کُجھ نئیں کر سکدا۔ جیویں مَیں سُننا آں اوسے طرح عدالت کرنا آں تے میری عدالت سَچّی اے۔ کیوں جو مَیں اپنی مرضی نُوں نئیں لَبّھدا پر اوہدی مرضی نُوں جِس مَینُوں گھلّیا اے۔

یُوحنّا 5:30 ပူးပေါင်းရင်းမြစ်များ

متّی 26:39

تے تھوڑا اگّے وَدّھ کے مُنھ پرنے ڈِگّ پیا۔ تے دُعا منگدیاں ہویاں ایہہ آکھیا اَے میرے باپ جیکر ہو سکے تے ایہہ پیالہ مَیتھوں ٹل جائے۔ تے وی نا جیویں مَیں چاہناں آں پر جیویں تُوں چاہنا ایں۔

یُوحنّا 14:10

تُوں سَچ نئیں مَن دا پئی مَیں باپ وِچ آں تے باپ میرے وِچ اے؟ جیہڑیاں گلّاں مَیں تُہانوں آکھنا آں مَیں اپنے ولّوں نئیں آکھدا۔ پر باپ میرے وِچ رہ کے اپنے کمّ کر دا اے۔

یُوحنّا 17:4

مَیں اوس کمّ نُوں جیہڑا تُوں مَینُوں کرن نُوں دِتّا سی پُورا کر کے زمین اُتّے تیرا جلال ظاہر کِیتا۔

یُوحنّا 18:11

تَد یِسُوع پطرس نُوں آکھیا تلوار نُوں میان کر۔ اوہ پیالہ جیہڑا باپ مَینُوں دِتّا اے کِیہ مَیں نا پئیاں؟

یُوحنّا 4:34

یِسُوع اوہناں نُوں آکھیا میرا کھانا ایہہ اے پئی اپنے گھلّن والے دی مرضی اُتّے چلاں تے اوہدا کمّ پُورا کراں۔

یُوحنّا 5:19

ایس واسطے یِسُوع اوہناں نُوں جواب دِتّا مَیں تُہانوں سَچ سَچ آکھنا آں پئی پُتر آپ توں کُجھ نئیں کر سکدا پر جو کُجھ اوہ باپ نُوں کر دیاں ویکھدا اے۔ کیوں جو جیہڑے کمّ اوہ کر دا اے پُتر وی اوسے طرح کر دا اے۔

یُوحنّا 6:38

کیوں جو مَیں اسمانوں اپنی مرضی پُوری کرن نُوں نئیں لتّھا آں۔ پر اوہدی مرضی جِس مَینُوں گھلّیا اے۔

یُوحنّا 8:28

ایس لئی یِسُوع آکھیا جد تُسی اِبنِ آدم نُوں اُچیاں کرو گے تَد تُہانوں پتا لگّے گا پئی مَیں اوہ آں تے ایہہ پئی مَیں اپنے ولّوں کُجھ نئیں کر دا آں۔ پر جیویں باپ مَینُوں سکھالیا مَیں ایہہ گلّاں کر دا آں۔

یُوحنّا 8:42

یِسُوع اوہناں نُوں آکھیا جے خُدا تُہاڈا باپ ہوندا تے تُسی مَینُوں پیار کر دے۔ کیوں جو مَیں خُدا توں نِکلیا تے آیا آں۔ تے مَیں آپ توں نئیں آیا آں پر اوس مَینُوں گھلّیا۔

یُوحنّا 8:50

پر مَیں اپنا جلال نئیں لَبّھدا۔ اِک اے جیہڑا لَبّھدا تے فیصلہ کر دا اے۔

رُومِیوں 15:3

کیوں جو مسِیح نے وی اپنے آپ نُوں خُوش نئیں کِیتا۔ پر جیویں لِکھیا ہویا اے۔ تیرے طعنے مارن والیاں دے طعنے میرے اُتّے آپئے۔

رُومِیوں 2:2

تے اسی جاننے آں۔ پئی اجیہے کمّ کرن والیاں اُتّے خُدا سچیائی نال حُکم لاندا اے۔

رُومِیوں 2:5

سگوں تُوں اپنے ڈاہڈے تے نا تَوبہ کرن والے دِل دے سببّوں اوس دِن لئی جِہدے وِچ قَہر تے خُدا دی سَچّی عدالت ظاہر ہوئے گی۔ اپنے لئی قَہر اکٹّھا کرنا ایں۔