یُوحنّا 5:3 - پنجابی نواں عہد نامہ نظرثانی شدہ چھپائی

³ اوہناں وِچ روگِیاں تے اَنھیاں تے لَنگیاں تے سُکّیاں ہویاں دی بِھیڑ [جیہڑی پانی دے ہِلن دی اوڈِیک وِچ] پئی رہندی سی۔

یُوحنّا 5:3 ပူးပေါင်းရင်းမြစ်များ

متّی 15:30

تے بتھیرے لوک لَنگیاں اَنھیاں گُونگیاں ٹُنڈیاں تے ہور بتھیریاں بِیماراں نُوں اپنے نال لے کے اوہدے کول آئے۔ تے اوہناں نُوں اوہدے پیراں کول سُٹّیا۔ تے اوس اوہناں نُوں چَنگا کِیتا۔

متّی 4:24

تے سارے سُوریہ وِچ اوہدی دُھم پَے گئی تے لوکاں نیں ساریاں بِیماراں نُوں جیہڑے کئی طرح دے روگاں تے دُکھاں وِچ پَھسے ہوئے سن جِنہاں نُوں بدرُوحاں چمبڑیاں ہویاں سن۔ تے مِرگی والیاں۔ تے ادھرلنگیاں نُوں اوہدے کول لیاندا تے اوس اوہناں نُوں چَنگیاں کِیتا۔

لُوقا 7:22

تے اوس اوہناں نُوں جواب دِتّا۔ پئی جو کُجھ تُساں ویکھیا تے سُنیاں اے۔ جا کے یُوحنّا نُوں دسو پئی اَنھے ویکھ دے نیں۔ لنگے ٹُردے نیں۔ کوڑھے پاک صاف کِیتے جاندے نیں۔ تے بولے سُندے نیں۔ مُردے جوالے جاندے نیں۔ غرِیباں نُوں خُوشخبری سُنائی جاندی اے۔

یُوحنّا 5:2

تے یرُوشلِیم وِچ بھیڈاں والے دروازے دے کول اِک حوض اے جِہنُوں عِبرانی بولی وِچ بَیتِ حسدا آکھدے نیں جِہدے پنج برانڈے نیں۔

یُوحنّا 5:4

[کیوں جو خُداوند دا فرِشتہ حوض اُتّے اُتر کے پانی ہلاؤندا ہوندا سی۔ پانی ہِلدیاں ای جیہڑا وی پہلاں اُتر دا سو اوہ شفا پاندا بھانویں اوہدی کوئی وی بیماری کیوں نا ہوندی۔]

رُومِیوں 8:25

پر جِہنُوں اسی نئیں ویکھدے جے اوہدی آس رکھیے۔ تے صبر نال اوہدی اُڈِیک وِچ رہنے آں۔

یعقُوب 5:7

سو بھراؤ! خُداوند دے آؤن تِیکر صبر کرو۔ ویکھو زمیندار زمین دی قِیمتی پَیداوار نُوں اوڈِیکدا اے۔ تے پہلے تے پِچّھلے مینہ دے وَسّن تِیکر صبر کر دا رہندا اے۔