یُوحنّا 5:26 - پنجابی نواں عہد نامہ نظرثانی شدہ چھپائی

²⁶ کیوں جو جیویں باپ اپنے وِچ زِندگی رکھدا اے اوسے طرح اوس پُتر نُوں وی دِتّا پئی اپنے وِچ زِندگی رکھّے۔

یُوحنّا 5:26 ပူးပေါင်းရင်းမြစ်များ

یُوحنّا 1:4

زِندگی اوہدے وِچ سی تے اوہ زِندگی لوکاں دا چانن سی۔

یُوحنّا 10:18

کوئی مَیتھوں اوہنوں نئیں کھوندا پر مَیں اوہنوں آپے ای دینا آں۔ میرا اختیار اے پئی اوہنوں دے دیاں تے میرا اختیار اے پئی مُڑ اوہنوں لے لَواں۔ ایہہ حُکم مَینُوں اپنے باپ کولوں مِلیا اے۔

یُوحنّا 11:25

یِسُوع اوہنوں آکھیا قیامت تے زِندگی مَیں آں۔ جیہڑا میرے اُتّے اِیمان لیاؤندا اے بھانویں اوہ مر جائے تَد وی جِیئے گا۔

یُوحنّا 11:26

تے جیہڑا کوئی جِیوندا اے تے میرے اُتّے اِیمان لیاؤندا اے کدی وی نئیں مرے گا۔ تُوں ایہہ گلّ مننی ایں؟

یُوحنّا 14:19

اجے تھوڑا چِر اے تے دُنیا مَینُوں فیر نا ویکھے گی پر تُسی ویکھدے رہو گے ایس کر کے پئی مَیں جِیونا آں تُسی وی جیوگے۔

یُوحنّا 14:6

یِسُوع اوہنوں آکھیا مَیں ای راہ تے سچیائی تے زِندگی آں۔ میرے بِناں کوئی باپ دے کول نئیں آؤندا۔

یُوحنّا 4:10

یِسُوع اوہنوں آکھیا جے تُوں خُدا دی بخشِش نُوں جان دِیوں تے ایہہ وی جان دِیوں پئی اوہ کون اے جیہڑا تینُوں آکھدا اے پئی مَینُوں پانی پیا تاں تُوں اوہدے کولوں مَنگدِیوں تے اوہ تینُوں جیون دا پانی دیندا۔

یُوحنّا 6:57

جیویں باپ جیہڑا جِیوندا اے مَینُوں گھلّیا تے مَیں باپ دے سبّب جِیوناں آں۔ اوہ وی جیہڑا مَینُوں کھاندا اے میرے سبّب جیوے گا۔

یُوحنّا 8:51

مَیں تُہانوں سَچ سَچ آکھنا آں۔ جے کوئی میرِیاں گلّاں نُوں مَنّے اوہ مَوت نُوں کدی وی نئیں ویکھے گا۔

اعمال 17:25

تے نا بندیاں دے ہتھّوں سیوا کراندا اے۔ پئی اوہنوں کِسے شے دی تُھڑ پئی ہوئی ہوئے۔ کیوں جو اوہ آپے سبھناں نُوں زِندگی تے ساہ تے سبھ کُجھ دیندا اے۔

۱-کُرِنتھِیوں 15:45

جیویں لِکھیا وی اے۔ پئی پہلا بندہ یعنی آدم جِیوندا جی بنیا پِچّھلا آدم زِندگی دین والی رُوح بنیا۔

۱-تِیمُتِھیُس 1:17

ہُن جُگّاں دے بادشاہ سدا حیات۔ اَن ڈِٹھ۔ اِکّو خُدا دی عِزّت تے ٹھاٹھ باٹھ سدا دے لئی ہوئے۔ آمِین۔

۱-تِیمُتِھیُس 6:16

بے انت زِندگی نِری اوہدی اے۔ تے اوہ چانن وِچ رہندا اے۔ جِتّھے کوئی اَپڑ نئیں سکدا۔ تے نا کِسے بندے اوہنوں ویکھیا اے۔ تے نا ویکھ سکدا اے۔ اوہدی عِزّت تے بادشاہی سدا تِیکر رہے۔ آمِین۔

عِبرانیوں 1:2

ایہناں اخِیری دِناں وِچ ساڈے نال پُتر دی راہِیں بولیا۔ جِہنُوں اوس سارِیاں شیواں دا وارث بنایا۔ تے اوہدی راہِیں اوہنے جہان وی بنائے۔

مُکاشفہ 21:6

فیر اوس مَینُوں آکھیا۔ پئی ایہہ گلّاں پُوریاں ہوگِئیاں۔ مَیں الفا تے اومیگا شُروع تے اخِیر ہاں۔ مَیں تریہائے نُوں زِندگی دے پانی دے چشمے وِچوں مُفت پیاواں گا۔

مُکاشفہ 22:1

فیر اوس مَینُوں بلّور وانگر چمکدا ہویا حیاتی دے پانی دا اِک دریا وکھایا جیہڑا خُدا تے لیلے دے تخت وِچوں نِکل کے اوس شہر دی سڑک دے وِچ پیا وگدا سی۔

مُکاشفہ 22:17

رُوح تے وَوہٹی آکھدے نیں پئی آ تے سُنن والا وی آکھے آ تے جیہڑا تریہایا اے آوے تے جیہڑا چاہے حیاتی دا پانی مُفت لے لَئے۔

مُکاشفہ 7:17

کیوں جو جیہڑا لیلا تخت دے وِچ اے۔ اوہ اوہناں دی نِگہبانی کرے گا۔ تے اوہناں نُوں زِندگی دے پانی دے سوتیاں کول لے جائے گا۔ تے خُدا اوہناں دِیاں اَکھّیاں توں سارے اتھرُو پُونجھ دے گا۔