یُوحنّا 5:19 - پنجابی نواں عہد نامہ نظرثانی شدہ چھپائی

¹⁹ ایس واسطے یِسُوع اوہناں نُوں جواب دِتّا مَیں تُہانوں سَچ سَچ آکھنا آں پئی پُتر آپ توں کُجھ نئیں کر سکدا پر جو کُجھ اوہ باپ نُوں کر دیاں ویکھدا اے۔ کیوں جو جیہڑے کمّ اوہ کر دا اے پُتر وی اوسے طرح کر دا اے۔

یُوحنّا 5:19 ပူးပေါင်းရင်းမြစ်များ

متّی 26:39

تے تھوڑا اگّے وَدّھ کے مُنھ پرنے ڈِگّ پیا۔ تے دُعا منگدیاں ہویاں ایہہ آکھیا اَے میرے باپ جیکر ہو سکے تے ایہہ پیالہ مَیتھوں ٹل جائے۔ تے وی نا جیویں مَیں چاہناں آں پر جیویں تُوں چاہنا ایں۔

لُوقا 21:15

ایس لئی پئی مَیں تُہانوں اجیہی زبان تے حِکمت دیاں گا جِہدے اگّے تُہاڈے وَیری نا بول سکن نا کھلو سکن۔

یُوحنّا 10:18

کوئی مَیتھوں اوہنوں نئیں کھوندا پر مَیں اوہنوں آپے ای دینا آں۔ میرا اختیار اے پئی اوہنوں دے دیاں تے میرا اختیار اے پئی مُڑ اوہنوں لے لَواں۔ ایہہ حُکم مَینُوں اپنے باپ کولوں مِلیا اے۔

یُوحنّا 12:49

کیوں جو مَیں اپنے ولّوں نئیں بولیا پر باپ جِس مَینُوں گھلّیا اوس مَینُوں حُکم دِتّا اے پئی مَیں کِیہ آکھاں تے کِیہ بولاں۔

یُوحنّا 12:50

تے مَیں جاننا آں پئی اوہدا حُکم سدا دی زِندگی اے۔ سو جو کُجھ مَیں بولنا آں جیویں باپ نیں مَینُوں آکھیا اے اوسے طرح بولنا آں۔

یُوحنّا 14:10

تُوں سَچ نئیں مَن دا پئی مَیں باپ وِچ آں تے باپ میرے وِچ اے؟ جیہڑیاں گلّاں مَیں تُہانوں آکھنا آں مَیں اپنے ولّوں نئیں آکھدا۔ پر باپ میرے وِچ رہ کے اپنے کمّ کر دا اے۔

یُوحنّا 2:19

یِسُوع اوہناں نُوں جواب دِتّا۔ ایس ہیکل نُوں ڈھا دیو تے مَیں اوہنوں تِنّاں دِناں وِچ کھلا کراں گا۔

یُوحنّا 3:3

یِسُوع اوہنوں جواب دِتّا مَیں تینُوں سَچ سَچ آکھنا آں کوئی بندہ جے نَوِیں سِریوں نا جمّے اوہ خُدا دی بادشاہی نُوں ویکھ نئیں سکدا۔

یُوحنّا 5:21

کیوں جو جیویں باپ مُردیاں نُوں اُٹھاندا تے جوالدا اے اونویں پُتر وی جِنہاں نُوں چاہندا اے جوالدا اے۔

یُوحنّا 6:38

کیوں جو مَیں اسمانوں اپنی مرضی پُوری کرن نُوں نئیں لتّھا آں۔ پر اوہدی مرضی جِس مَینُوں گھلّیا اے۔

یُوحنّا 8:28

ایس لئی یِسُوع آکھیا جد تُسی اِبنِ آدم نُوں اُچیاں کرو گے تَد تُہانوں پتا لگّے گا پئی مَیں اوہ آں تے ایہہ پئی مَیں اپنے ولّوں کُجھ نئیں کر دا آں۔ پر جیویں باپ مَینُوں سکھالیا مَیں ایہہ گلّاں کر دا آں۔

یُوحنّا 9:4

جد تِیکر دِن اے سانُوں اوہدے کمّ کرنے پَیندے نیں جِس مَینُوں گھلّیا اے۔ رات آؤندی اے جد کوئی کمّ نئیں کر سکدا

اعمال 2:24

اوسے نُوں خُدا مَوت دے بندھ توں چھڈا کے جوالیا۔ کیوں جو ایہہ نئیں سی ہو سکدا پئی اوہ اوہدے وَس وِچ رہے۔

رُومِیوں 6:4

سو بپتِسمے دی راہِیں اوہدی مَوت وِچ اسی اوہدے نال دفنائے گئے۔ تاں جو جیویں مسِیح باپ دے جلال دی راہِیں مُردیاں وِچوں جوالیا گیا۔ ایسے طرح اسی وی نَوِیں زِندگی وِچ چلّئے۔

رُومِیوں 8:11

پر جے اوہدا رُوح جِس یِسُوع نُوں مُردیاں وِچوں جوالیا تُہاڈے وِچ وَسدا اے تے اوہ جِس مسِیح یِسُوع نُوں مُردیاں وِچوں جوالیا تُہاڈیاں مرن والیاں بدناں نُوں وی اپنے رُوح دی راہِیں جیہڑا تُہاڈے وِچ وَسدا اے جوا لے گا۔

۱-کُرِنتھِیوں 15:12

سو جد مسِیح دی ایہہ منادی کِیتی جاندی اے۔ پئی اوہ مُردیاں وِچوں جی اُٹھیا۔ تے تُہاڈے وِچوں بعضے کِیویں آکھدے نیں پئی مُردیاں دی قیامت ہے ای نئیں؟

۲-کُرِنتھِیوں 4:14

کیوں جو اسی جاننے آں۔ پئی جِس خُداوند یِسُوع نُوں جوالیا اوہ سانُوں وی یِسُوع دے نال جوالے گا۔ تے تُہاڈے نال اپنے اگّے حاضر کرے گا۔

۲-کُرِنتھِیوں 5:10

کیوں جو ضرُوری گلّ اے پئی مسِیح دے عدالت دے تخت دے اگّے جا کے ساڈے سبھناں دا حال کُھل جاوے۔ تاں جو ہر کِسے نُوں اوہدیاں اوہناں کمّاں دا بدلہ مِلے۔ جیہڑے اوس بدن دی راہِیں کِیتے ہون۔ بھانویں بھلے تے بھانویں بُرے۔

اِفسِیوں 2:5

جدوں قصوراں دے سببّوں موئے ہوئے ساں تدوں سانُوں مسِیح دے نال زِندہ کِیتا (تُہانوں فضل نال ای نجات مِلی اے۔)

اِفسِیوں 3:16

پئی اوہ اپنے جلال دی دَولت دے سببّوں تُہانوں ایہہ بخشے پئی تُسی اوہدی رُوح توں اپنی اندرلی اِنسانِیّت وِچ چوکھے تگڑے ہو جاؤ۔

فِلِپّیوں 3:21

اوہ اپنی اوس قُدرت دے اثر دے سببّوں جِہدے توں سارِیاں شیواں اپنے تابعیاں وِچ کر سکدا اے۔ ساڈے نِکھد بدن دی شکل بدل کے اپنے جلالی بدن دی صُورت اُتّے بنائے گا۔

فِلِپّیوں 4:13

جیہڑا مَینُوں طاقت دیندا اے اوہدے سببّوں مَیں سبھ کُجھ کر سکنا آں۔

کُلُسِّیوں 1:11

تے اوہدے جلال دی قُدرت دے سببّوں ہر طرح دی قُوّت پَیدا کرو۔ تاں جو خُوشی نال سارِیاں گلّاں وِچ صبر تے حَوصلہ کرو۔

کُلُسِّیوں 1:16

کیوں جو اوسے توں سارِیاں شیواں پَیدا کِیتیاں گِئیاں۔ بھانویں اسمان دِیاں ہون۔ بھانویں زمین دِیاں۔ ویکھیاں ہویاں ہون بھانویں انویکھیاں۔ تخت ہون بھانویں ریاستاں۔ بھانویں حکُومتاں بھانویں اختیار۔ سارِیاں شیواں اوسے دی راہِیں تے اوہدے واسطے پَیدا کِیتیاں ہویاں نیں۔

۱-تھِسّلُنِیکوں 4:14

کیوں جو جد سانُوں ایہہ یقِین اے پئی یِسُوع مر گیا تے فیر جی اُٹھیا۔ تے ایسے طرح خُدا اوہناں نُوں وی جیہڑے یِسُوع وِچ سَوں گئے نیں اوہدے نال لے آوے گا۔

۱-پطرس 3:18

ایس لئی پئی مسِیح وی راستباز ناراستاں دے لئی اِکّو وار دُکھ اُٹھایا۔ تاں جو سانُوں خُدا دے کول اَپڑائے۔ اوہ جِسم ولّوں ماریا گیا پر رُوح ولّوں جوالیا گیا۔

مُکاشفہ 2:23

تے اوہدے پُتراں نُوں جانوں ماراں گا۔ تے سارِیاں کلِیسیاواں نُوں پتا لگّے گا۔ پئی گُردیاں تے دِلاں دا جانن والا مَیں آں۔ تے مَیں تُہاڈے وِچوں ہر اِک نُوں اوہدیاں کمّاں دے سببّوں بدلہ دیاں گا۔